والد حسام حبيب: محدش يقدر يمد إيده على شيرين وهي من أصر على الطلاق

عبر والد الفنان حسام حبيب عن انزعاجه مما أثير خلال الساعات الماضية حول اعتداء ابنه على شيرين عبد الوهاب وقيامه بحلاقة شعرها بعد أن ظهرت بهذا الشكل خلال حفلها الأخير في دولة الإمارات.

والد حسام حبيب يرد على أنباء اعتداء نلجه على شيرين

ونفى والد حسام حبيب اعتداء نجله على شيرين عبد الوهاب قائلاً: "لا حقيقة لتلك الأخبار.. كفاية إشاعات.. شيرين هي من نفت هذا الأمر بنفسها" .

واعتبر أن الخلافات الزوجية أمر عادي لكن الأمر مختلف في حالة شيرين عبد الوهاب وحسام حبيب لأنهم شخصيات مشهورة لذا يسلط الجمهور الضوء عليهما.

ورد والد حسام حبيب على أخبار اعتداء حسام على شيرين، قائلا: "محدش يقدر يمد إيده على شيرين.. ومهما حصل هتفضل زى بنتى وكل شيء قسمة ونصيب".

وأكد أن شيرين عبد الوهاب هي من طلبت الطلاق إلا أن حسام حبيب تمسك بها رغم المشكلات التي حدثت بينهما لكنهما في النهاية انفصلا بدون إساءة

واختتم والد حسام حبيب تصريحاته بأنه يتمنى التوفيق لشيرين عبد الوهاب فى مشوارها الفني خلال الفترة المقبلة خاصة أنها كانت بعيدة لسنوات طويلة، كما يتمنى التوفيق لابنه حسام الذى يحضر لعدد من الأعمال الفنية خلال الفترة المقبلة.

شيرين تنفي معاناتها من مرض نفسي

وأوضحت شيرين في لقاء مسجل مع الإعلامي عمرو أديب أنها لا تعاني من المرض النفسي، لكنها تعاني من حالة عدم اتزان حالياً.

وحول سبب حلاقة شعرها، قالت شيرين عبد الوهاب: "لم يكن أمامى غير كده، أنا حاسة أن دماغى بتفرز أفكار طول الوقت ولو سبت دماغى هتاكلنى، وأنا عملت كده لأنى ما كنتش حلوة فى عينيه، عملت كده علشان هو ما يشوفنيش حلوة، والفرق بين حلاقة الشعر والطلاق يوم واحد، حلقت شعرى قبل يوم واحد من الطلاق ودى مش أول مرة أقص شعرى، فاكر لما قولت إنى طالعة علشان أضحك الناس وقالوا عليا إنى كنت بتريق على البلد، كنت مدبوحة ودبحونى أكتر وقتها".

وتابعت: "الإنسان الحساس بزيادة ممكن يؤذى نفسه علشان يعاقب نفسه وأنا كنت بعاقب نفسى، أنا غلطت فى اسمى ومكانتى وقدرى".

وشددت أنها تحتاج الأن إلى احتواء الجميع لها وليس المساعدة: "محتاجة الناس ما يقولوش عنى كلمة تجرحنى مش عاوزة حاجة من حد".

ولفتت إلى أنها تتابع مع طبيب نفسي: "أنا مش مريضة نفسيا لكن جالى وسواس قهرى لما خلفت بناتى، ويمكن أكون قولت ده قبل كده ومتخيلة انى ممكن عيالى يتأذوا من أقرب الناس ليا، والمشكلة الصغيرة ممكن يكبرها مخى ويخليها قد الهرم، والمشكلة اللى قد الهرم ممكن يخليها صغيرة، ولو مريضة نفسيا هقول بنفسى لكنى مش مريضة نفسيا بشهادة دكتورى، انا ست حرة ولو فى حاجة انا اقولها قبل ما حد يقولها، علشان كده كنت بتريق على نفسى فى الحفلة قبل ما حد يتريق عليا".

شيرين تعلق على أزمة طلاقها

وحول قصة زواجها من حسام حبيب والطلاق بعد 4 سنوات، أوضحت أنها كانت رافضة للأمر في البداية، معلقة: "أنا قبل ما ابتدى الموضوع ده قولت لأ هو يكبرنى بسنة واحدة، وعلى فكرة انا لسه بحبه، أنا عمرى ما شفت واحدة بتطلق والناس بتباركلها كده كأنى راجعة من الحجاز".

وأكملت، "كان لازم يكون فى فرق بينى وبينه علشان يبقى فى شوية عقل علشان كده بنتى لما جت تلوم عليا فى يوم من الأيام قولتلها حبيبتى أنا بتربى معاكم وحسام بيتربى معانا والدنيا تستاهل نجرب ونحاول والأمومة دى حاجة كبيرة ومش هسيب لعيالى فلوس هسيبلهم حب".

وقالت: "أمى أول واحدة عرفت قرارى بالطلاق وأصرت عليه وحسام لما راح يتقدملى أول مرة أمى قالتله أجرى أجرى احنا هنعيل وهى كانت عندها حق".

وأكدت أن والدتها من البداية لم تكن موافقة على زواجها من حسام حبيب، معلقة: "هى من الأول كانت شايفة اننا ما ينفعش لبعض وإننا لازم نفضل صحاب، وعاوزة أقوله انت إنسان كويس جدا ومحتاج تشتغل على نفسك أنت معدنك كويس جدا ومتربى وعنده حاجات حلوة كتير والراجل لازم يفضل راجل وعندك حاجات حلوة كتير هو كمان كان ظالم نفسه كان بينزل ألبوم كل 8 أو 9 سنين فحرام الظلم ده ربنا م بيدى فرص كتير للناس".