نجم ذا فويس كيدز يطلب من الجمهور البحث له عن عمل ويرفض العودة للغناء

طالب نجم ذا فويس كيدز، خالد الفايد متابعيه بإيجاد فرصة عمل له، بعد أن أعلن اعتزاله الغناء بشكل نهائي في الفترة الماضية، مشيراً إلى أنه بحاجة إلى المال إلا أن ذلك لن يدفعه للعودة للغناء مرة أخرى.

نجم ذا فويس كيدز يبحث عن عمل

ونشر خالد الفايد منشور عبر حسابه الشخصي على موقع التواصل الاجتماعي فيسبوك رسالة إلى الجمهور: "السلام عليكم يا شباب من يوم ما بطلت الغناء وتبت إلى الله منه.. وأنا قاعد في البيت والدنيا واقعة جدا معايا".

وتابع: "وأنا قاعد دلوقتي من غير شغل ومش هرجع للغناء، حتى لو فيها موتي أصلا.. أنا محتاج شغل ضروري براتب كويس أو مجزي يبقى جزاكم الله خيرا"

وطلب نجم ذا فويس كيدز من الجمهور التواصل معه في حالة الرغبة في مساعدته الحصول على العمل، موجهاً لهم الشكر.

وفي الوقت نفسه أوضح خالد لفايد أن سبب اعتزاله الغناء هو توبته مشيراً إلى أنه اتجه للغناء لأنه كان طفلاً ويرغب في الظهور والشهرة قائلاً: الغناء مش الهدف الأساسي اللي أنا عايش عشانه واللي اتخلقت عشانه، لأن ربنا خلقنا علشان العبادة، ولما غنيت كنت زي أي طفل حابب يظهر".

خلد الفايد يعلن اعتزاله الغناء

يذكر أن خالد الفايد، نجم ذا فويس كيدز أعلن اعتزاله عبر فيسبوك وكتب: "اللهم اجعل توبتي وعملي خالصًا لوجهك الكريم، وبعتذر مش هرد على أي حد".

وأضاف الفايد قائلاً: " أرجوكم محدش يقولي غني تاني كفاية بجد مش عايز فلوس ولا شهرة ولا علاقات ولا أي سراب من ده كله".

وكشف خالد الفايد عقبها أنه تلقى تهديدات من المنتج هاني محروس بسبب الشرط الجزائي في العقد المبرم بينهما وهو ما دفعه لترك أهله وبيته والسفر بعيداً

وقال خالد الفايد: "الدفاع عن النفس واجب وأنا بدافع عن نفسي أنا مش بلبس سلاسل ولا بقا ليا في الكلام ده كله أنا واحد ساب بيته وساب أهله وساب  حياته كلها علشان يقدر يصلي ويقرب من ربه لكن معرفتش أقرب من ربنا في بلدي اللي هي بلد إسلامية وبقت تجيلي تهديدات من هاني محروس وناس من طرفه بتدخل تكلمني يقولولي هاني محروس هيعمل كذا وكذا وكذا وخللي بالك منه".

تابع نجم ذا فويس كيدز المعتزل: "وكمان الرسالة اللي كان بعتها لأهلي بيقول لي القانون بيننا تمام خللي القانون بيننا وأنا هسيب ربي بيني وبينك لو مش فالدنيا هيكون في الآخرة ولا يظلم ربك أحدا وحسبي الله ونعم الوكيل ليا طلب عندكم اي حد يشوف البوست يشيره علشان صوتي يوصل وحد يتدخل ينقذني من الشخص ده".