ميمي جمال تكشف شرط عادل إمام لحضور حفل زفاف ابنتها

كشفت الفنانة القديرة ميمي جمال أسباب غيابها عن الساحة الفنية في الفترة الأخيرة، وتحدثت عن شرط وضعه عادل إمام لحضور حفل زفاف ابنتها.

ميمي جمال وغيابها عن الساحة الفنية

تحدثت ميمي جمال في لقاء تليفزيوني عن سبب غيابها في السنوات الخمس الماضي، وقالت إن وفاة زوجها حيث قالت:  "أنا توقفت في الفترة اللي كانت بين فترة الطفولة وفترة المراهقة لأنها مرحلة متعرفيش هي إيه أو إيه ملامحها، وبعد كده بدأت تاني من الأول بأدوار صغيرة، حتى وفاة زوجي قعدت حوالي 5 سنين بعيدة عن الفن، ورجعت تاني من حوالي سنة ونص وعملت كذا حاجة".

وأضافت عن أول أعمالها الفنية قائلة:" أول دور ليا كان في فيلم أقوى من الحب مع الفنانة مديحة يسري والفنان عماد حمدي والفنانة شادية، وبعدين فيلم بين القصرين، وبعدين دخلت المسرح وكان مع الأستاذ عبد المنعم مدبولي، ورجعت تاني للسينما لكن بشكل أقوى وأحسن".

وكشفت ميمي جمال في لقاء تلفزيوني في برنامج مساء دي إم سي مع الإعلامية إيمان الحصري بعضاً عن بعض الأسرار الخاصة أثناء تعاونها مع النجم عادل إمام في بعض الأعمال حيث قالت: "اشتغلت مع عادل إمام كتير لكن مشتغلتش معاه مسرح إلا في فترة كانوا بيعملون بيها "مدرسة المشاغبين" وكانت سهير البابلي في دور المدرّسة وجات فترة عينيها تعبت ولازم تعمل عملية في باريس فالمؤلف سمير خفاجة الله يرحمه قال إحنا كده هنقف 15 يوماً أو نجيب حد مكانها، وقال لحسن مصطفى جوزي نجيب ميمي ولكنه رفض".

شرط عادل إمام لحضور فرح بنت ميمي جمال

وشرحت ميمي جمال خلال حديثها معنى جملة "لو ضيعت أفيه" قائلة: "الممثلة اللي بتشتغل مع كوميديين لازم تفرش له الإفيه تحس أنه بدأ يقول تريح ومتتكلمش والإفيه ينزل في الصالة ويتسمع لو اتكلمت هي فشل وحسن كان خايف لسعيد يتجنّن عليا، لكن الحمد لله اشتغلت 15 يوماً بعد ما سمير أصر وأثّر عليه وقالوا ميمي شاطرة وهتعمله".

وخلال اللقاء كشفت ميمي جمال عن طلب الزعيم عادل إمام منها كي يحضر حفل زفاف ابنتها قبل سنوات حيث قالت: "عادل كان بيحضر الأفراح ويعمل الواجب وزيادة لكنه اشترط عدم ملاحقة الكاميرات له عقب دخوله وقال لي حينها أنا جاي الفرح، وهتصور وأنا داخل ويسلم عليهم، وبعدها بلاش الكاميرات تبقى رايحة جاية علينا وأنا قاعد في ترابيزتي".