مها أحمد وفادي خفاجة يستقبلان مقلب رامز جلال بسيل من الشتائم

وقع الفنان فادي خفاجة والفنانة مها أحمد ضحايا لبرنامج رامز جاب من الآخر وسط سيل من الشتائم وحالة الرعب التي شنها الثنائي على رامز جلال خاصة بعد أن حاول تخويفهم بالكلب.

رامز جلال يسخر من مها أحمد وفادي خفاجة 

وسخر رامز جلال من فادي خفاجة ومها أحمد قائلاً: "وصلت أم خدود مبطرخة، وكل يوم بالسعات تهري ع التيك توك.. بقت فاضية" أمنا في استقباله لفادي خفاجة  فقال رامز جلال متحدثاً عن فادي خفاجة: "شبه سواقين الميكروباص، أصابه العته، وهو ومها قعوا في حرب اللايكات للي يسوى واللى مايسواش.. اللي فضحونا على الساحة وبينهم مشاكل ومحاكم ومحدش يعرف يجمعهم غيري".

ويعد هذا اللقاء هو الأول بين مها أحمد وفادي خفاجة بعد حرب التصريحات التي شنتها مها أحمد على الفنان الشاب. 

صلح مها أحمد وفادي خفاجة

واعتذر فادي خفاجة من مها أحمد  وقال في برنامج رامز جاب من الآخر: "مها أحمد دي أختي وأنا آسف ليها وبتأسف للأستاذ مجدي كامل كمان أستاذ مجدي ده أستاذي وبقوله طبعا أنا آسف"، ليرد رامز جلال ساخراً: "أيوا كده قول أنا آسف يا قليل الأدب". وهو ما رد عليه فادي خفاجة قائلاً: "خلاص يا رامز والله أنا حرمت تيك توك ومش هطلع تاني تيك توك ومش هقول كبس الزر ومفيش أسد تاني خلاص يا سيدي".

تفاصيل أزمة مها أحمد وفادي خفاجة

وبدأت الأزمة بين فادي خفاجة ومها أحمد بسبب مقطع فيديو مباشر ظهر فيه الثنائي لتتعرض بعدها مها أحمد لانتقادات البعض وسط استنكار لاتجاهها للتيك توك، وهو ما أغضبها وجعلها تشن هجوماً حاداً على متابعيها وتصفهم بالخادمات، فضلاً عن هجومها على فادي خفاجة بسبب تركه خاصية التعليقات وهو ما أغضب الأخير ودفعه للرد برسالة حادة.

وبعد انتهاء البث المباشر خرج فادي خفاجة في بث جديد موجهاً رسالة مجهولة قال فيها: "أنت فين ياللى جوزك دكتور؟، قولي لي عملتي إيه في حياتك أنت معملتيش حاجة خالص ولا اشتغلتي، وعمالة تقولى أنا ابني وابني لكن ابنك ده مع كل احترامي وتقديري ليه أنت بتتاجري بيه وبمرضه".

أغضبت رسالة فادي خفاجة مها أحمد لتخرج وترد بحدة قائلة: "والله الواحد هيرجع وأقول ربنا يشفي كل مبتلى أو مريض، قلة الدعم  وحشة برضه وبتجيب حالة مش طبيعية وكلنا بنكتئب بسببها، فيه واحد بيعبر عن حالة ويطلع لايف ويبقي تريند، يعني فيه واحد ما من ضمن الناس المدمنة للسوشيال ميديا  طلب مني نتخانق مع بعض عشان يطلع تريند، رغم إنه عمل حاجة وطلع بيها تريند وكسب تعاطف الناس  رفضت وفهمته وقلت  له عيب مش للدرجة دي يا بابا، أنا مش من الناس اللي ممكن تطلع تريند عشان خناقة مع حد أنا تريند لوحدي يا حبيبي".

وأضافت: "أي حد هيستغلني علشان يطلع تريند هو حر  لكن إنك تقعد في اللايف والناس تشتمك بس تخلي الواحد حالته النفسية مش كويسة ويتصاب بالهلع واللك واللت والعجن وشتايم الناس وإني أسخر الأدمن اللي عندي يسجلوا كل اللايفات ليه يعني؟ كل ده علشان إيه بالضبط؟". لتتصاعد الأزمة بينهما وتصل حد القضاء.

 وكان الفنان فادي خفاجة تصدر حديث منصات التواصل الاجتماعي بعد خروجه منهاراً في بث مباشر يشكو فيه من ضيق الحال قائلاً: "طيب ايه يا مخرجين ومنتجين مصر لو العبد لله بعد العمر ده كله ما لقاش شغل في مسلسل واتنين وتلاتة مين يشتغل يا ولاد المهنة والأصول، أنا عندي قدرة إني أتحدى أي مخرج أو أي شركة إنتاج بموهبتي ودراستي وعمري وخبرتي، والله العظيم لو قالولي بطلها لأبطلها، لكن أنا مشكلتي أني واثق من نفسي بفضل الله، وربنا الحكم العدل ومطرح ما ترسي ندقلها".