قصائد محمد بن جرشان

محمد بن سعد بن طامح الموركي البقمي - اشتهر باسم ابن جرشان ومن ألقابه: ركن المحاوره وجبل الشعر - هو شاعر سعودي من مواليد محافظة التربة، وله العديد من القصائد والأشعار التي اشتهر بها في المملكة  العربية السعودية والخليج العربي، وقد وافته المنية من أيام قليلة في مسقط رأسه، وقد تسبب خبر وفاته في حزن كبير بين محبيه ومتابعيه.

ابن جرشان صاحب صوت جهوري وأساليب متعددة في فن القلطة تجده عنيفاً مع الشاعر العنيف وشاعر نقض وفتل مع شاعر المعنى المبطن ومرحاً مع الشاعر الفكاهي ومن المفارقات حول هذا الشاعر أن الشعراء المبتدئين يحاولون مقابلته لتعزيز مكانتهم الشعرية ويتجنبه كثير من القدامى خوفاً من أن ينال من مكانتهم الشعرية  ^[1]  

قصيدة كانت بيوت الشعر

كانت بيوت الشعر تبنـي علـى صـح    لا قـدمــت قـــدم الريـاجـيـل انـاســه
تـبـنـي قـواعـدهــا بـنـايــة مـسـلــح     واللـي بناهـا لابـنـى مــن حمـاسـه
ولا قال مدفعهـا علـى المخطيـة قـح     ولا لـمـس ثــوب الطيبـيـن بنـجـاسـه
والـيــوم كـــل قـــام يـصـلـخ ويـذبــح   ويـبـنــى ولــــه كــرســي ومــاســه
خـلـو ثـيـاب الشـعـر تصـبـح مشـلـح    ويـقــول مـنـهـم واحـيــاه التـعـاسـه
والله مـاقـلــتــه لــقــصــد أتـــمــــدح    لكـن أشـوف الشعـر نقـص مقاسـه
قلـط علـى السفـره ســواة مفـطـح     وحاست يدين عوج كرشـه ورااسـه

قصيدة عطلة ربيع

عطلة ربيع ورحت مااحدن درا عنـكو    تركتنـا فــي سـجـن حـبـك رهـايـن
ومن الزعل تسـرح ضنونـي والعنـكو    الـــف وارجـــع واتـصــل باالكـبـايـن
واثـر السبـب غيـرك وانـا قايـل منـكو    اقــول خـايـن واثــر مانـتـه بـخـايـن
ولا ايست رحت ارسم خيالك والونكو     اضحك على نفسي واكوع واعاين
ويا ليـت ابـوك بغـال الاثمـان يرهـنـكو    تصعب على غيري وعندي هوايـن
لو كـان ماعـنـدي رصـيـد مــن البـنـك      بتكـثـر فـزوعـي لــو تـبـيـن الـبـوايـن
وبعد البطا يا ضامـر الوسـط ماازينـك      مدري لاجلك ابطيـت والا انـت زايـن  ^[2]  

قصيدة انت تنشد عنـه

انت تنشد عنـه لا شفتـه ولا قفـى نسيتـه    والحقيقه فيك صدق وفيك كذب ورسم اماره
والزمان اللي تقولـه مبتلينـي مـا ابتليتـه    واللسان اللي ضرى بالحلو ما ذاق المـراره
لو جلب حبك عليه والثمـن غالـي شريتـه    كيف نكره واحد صوته سمعتـه فالمنـاره
والونيت اللي تقولـه مـع حلالـي ما قنيتـه    مار ذا طبعك تبا صك الحجاره بالحجـاره
تحكم الايام طيع الامـر مثلـي ما عصيتـه    اتقوم تدلع الثعبـان مـن وسـط الخبـاره
يالثبيتي كل من مرك مع الضيحـه رميتـه    صرت مثل اللي مع اللي يمدحه يعمل شطاره
انت لو نعطيك ذاك الضلع في نارك شويتـه    لا تجعل حضن للبندق ام زنـاد شـاره ^[3]  

قصيدة هاضت هواجيسي

هاضت هواجيسي وسار القلم غصب
وبـسـم الله أبــدأ خـالـق آدم وحـــوى
منشـي هماليـل الرفايـا مــن النـصـب
ولاســال سيـلـه كــل عــرق تـــروى
ونهـار ثالـث ينبـت الـوادي الخصـب
ولا الصبـاخـي مـــا علـيـهـا مـهــوى
مثل الرجال أحد لـه الكبـد والعصـب
لجله مع أهـل الطيـب سـوى وسـوى
والثاني اللي قسمه الكرش والقصـب
وهــذا نصـيـب الـلـوه الـلــي تـلــوى ^[4]  

محاورة مع الشاعر صياف الحربي

يا الحربي يا المقرود زعلت لك تسعين مقرود
وغليص لو قاد الجمل يجبرك بكرة تسوقه
والمشكلة لو هي بسيطة عرفت النقص والزود
لو كان نيبان الجمل ما تغطيها شدوقه
يا صاحبي ما احسبت دخلك مع أهل الدخل محدود
واثرك كما عود الثمامة قصيرات عروقه
لا يطرحك في النار والتهلكة حامد ومحمود
وتضيع تالي الليل في زهقت النفس الزهوقة
يا صاحبي صياف ما نته لها كالدرب محدود
ما حد جبرك تسير مع خط بيده ومعشوقه
مير التباهي والتفاخر يسبب كسرت العود
وانته ليا بقت العهد صاحبك لازم يبوقه
عدل عضودك قبل لا تلتفت لعضود جلود
جلود بالمشاعب بو راس ما توخذ حقوقه
واليا تعديت الحدود الصحيح يثور بارود
ما نيب مكرم شاربك وانت لحيتك محلوقه
يا صاحبي بعض لها جهده ومجهود
وتخلي الفلاح يسقي النخل يجني عذوقه
كم قلت يا صياف درب القشر والشين مسدود
لكن قامت تشعفك صوبنا برقا وروقه ^[5]  

محاورات قصيرة

• انا ياسيدي خريج داخل دورة الإنعاش 
  ورواد الفضا تأخذ على سطح القمر دوره 
  يبى يزمر عليه يحسب اني برتبش وانداش 
  وانا اكبر منه واصغر منه اشوته شوتت الكوره 

• مرحبا ياحمد الناصر عدو القوم 
  من هجوس تود العلم وتجيبه 
  فالعلوم  الثمينه نشتري ونسوم 
  علم وصتني وانا بوصيبه  

• ياللي على شان التفاخر لبست الثوب مقلوب 
  تراك لا عاندتني بالقشر يصعب عنادي 
  ان طالت الأيام فنجالك المليان مشروب 
  حتى تعرف اعلومنا والبياض من السوادي

• مارحبا والليل نوره زاد نور 
  والناس تحته سيرت باوطانها 
  لاباس ياقلب تدالته الشرور 
  تلعبه الدنيا على عمدانها 
  ومع مستور العصيمي رحمه الله 

• الليله الملعبه بنت لها تسعين عشاق 
  لعل مستور يتعب لاجلها عوج الرقابي 
  العام فصلت لك ثوب خفيف الوزن وارقاق 
  وش مكسبك من ثياب الفقر ظيقت المخابي  ^[6]