قصائد محمد الغبر

محمد بن فيطوس الغبر هو شاعر جزل من المملكة العربية السعودية – منطقة نجران ويرجع أصله إلى قبيلة جبارة - ويعد من الشخصيات الفنية البارزة على مواقع التواصل الاجتماعي في الشرق الأوسط خاصة في دول الخليج العربي، حيث يحظى بقاعدة جماهيرية كبيرة ويمتلك موهبة فنية مميزة جعلت منه محط أنظار الكثير من الفنانين في الوطن العربي، وقدم الكثير من القصائد الشعرية. ^[1]  

قصيدة يا دكتور

يا دكتور اْنا ماني خبل ومرضان!

لا تربط الطب في حاله مزاجيه..

ماهي بقصه "اْعاني" قل صدقاني

اْنا صراحه "اْعاني"قل اريحيه...

واقنعت نفسي بتفكيري وبيماني!

وجهة نظر تختصر: اْزمه علاجيه..

العزله اسهل دواء وعلاج روحاني !

خصوصا اذا الناس ماعدت طبيعيه..

هذا الصقر طول عمره عاش وحداني

معقوله الصقر ...... يا دكتور.. نفسيه؟ ^[2]  

قصيدة المحبة حاجة من عند ربك

المحبة حاجة من عند ربك
لو جحدنا عيوننا تظهر عليها
ويش فيها لو عرفت إني أحبك
سايلك بالله قُلي ويش فيها
شبكت الأرواح غصب بلا مشبك
كيف مدري جل من سبب مجيها
قد بغيت أكبك وما أحتلت أكبك
مثل ذا الشهرة أبيها ولا أبيها
آه لو ألقى عرب تنوي تسبك
والله إن أغير وألعن والديها
تدري ليه أبغى الهوى يمي يهبك
حاجة في نفس يعقوب ويبيها
لجل لامن قلت لي عادي أحبك
ألتفت وأقول عادي ويش فيها ^[3]  

قصيدة عيوني حزينة

عيوني حزينة .. والسبب خافقي مظيوم

ولا هلت العيرات ماني بلايمها

كبرت ما شاء الله زكبرت بك أشجانك

وغديت تبكي وله مثل المسلميني

تبغاني أكتب قصيدة صوب من خانك

ويومك صغير ما تدري وش حصل فيني

وين أنت ؟ يوم اتخطر قدم بيبانك

بلفيت ما ابغاك وأنا أرقبك تدعيني

من حبك ... مخاوي أخوانك وجيرانك

وهم ولا واحد ذرب وملا عيني

حفظت رقمك .. ورقم أهلك .. وعمانك

وراعي البقالة مع انه ما يداينني

حتى غديت أحتمي من دون جدانك

ولا دار ذكر القبايل في الدواويني

أخذت عمري ورحت ابدك أوطانك

بأوطان ؟ ما رأيت منها ما يسليني

حبيت أذكرك وش جاني على شانك

وهذي قصيدة وعطها الزين يالزيني

قله يرد البراء عني ليا خانك

واما جسر فيك .. رد البراء فيني

قصيدة جزرك ومدك

جزرك ومدك فالهوى هو لك وأنا ما عاد ابيه

الحب أشوفه عندكم ما غير قرطاس وحبر

مع السلامة .. روح دور لك غبي وألعب عليه

أنا نفر واجد زعل ... عشان أنا واجد صبر ^[4]  

قصيدة تغلا على كيفك

تغلا على كيفك مدامك غلا مغليك
يا محلا الغلا ياللي تغلا ويا مروعك
أحب الحياة اللي تضمك وبين يديك
أشوف الحياة اللي تضمك ولا توسعك
لأنك قمر أقول سبحان من يخفيك
شبيه القمر في كل مطلع شهر مطلعك
تحب المطر وأنت المطر ينزل يحاكيك
وتحب العطر وأنت العطر منك ومنبعك
تحب الغلا وأنت تغلا على غاليك
وأنا ودي أودع حياتي ولا اودعك
تكبرت ياللي مكبرك في عيوني ذيك
وأنا اللي نثرت لك القصايد عشان اجمعك
تغيب تعرف أني بعاني عشان اجيك
وتسترجع الذكرى وأنا اعرف وش رجعك
تعرف أني احبك محبه بلا تشكيك
ولو انك توزع للفقارى بوزعك
لا تزعل ولا يأخذك مني الزعل ،ابيك
تعرف أني اكثر شخص لو توجعه ما اوجعك
أنا احاول أني بقدر الإمكان ما اخليك
ولو يخدعك وقتك أنا مستحيل اخدعك
افكر وأنا ما ودي افكر الا فيك
وأسافر وأنا ماودي اسافر الا معك ^[5]  

قصيدة مختل قلبيا

الغالي اللي لا فارقني غديت اثنين
 وان جاني اصير واحد لا شعوريا
لا شانت اخلاقه اخلاقي علي تشين 
وارتاح نفسيا اذا ارتاح نفسياً
مشكلتي لا اغليت شخص اطيح بين امرين
بين ابتعد منه ..ولا ازعجه يوميا
من زود ما اغليه ودي لو معي قلبين
اخاف قلبي يجي .. ( مختل قلبيا ) ^[6]