قصائد عراقية

هناك العديد من الطرق للتعبير عما يجول بداخلنا، والشعر هي الوسيلة التي يلجأ إليها الشعراء للتعبير عما يدور بداخلهم من مشاعر، ويعد الشعر العراقي من أجمل الأشعار التي تحمل في معانيها المشاعر والأحاسيس الصادقة، نقدم لكم مجموعة من الأشعار عراقية.

قصيدة أنا بس بالكلام

أنا بس بالكلام و ذايب بحبّك

و أفكر بيك أنا في ليلي و نهاري

إذا شفتك صدّك شو يصير أنا بحالي

أظن يغمى عليّ و افقد إبصاري

تعال و صير إلي بالحب غطا و فراش

و دفّيني بحنانك و اعرف أسراري

أحبّك كالطفل من يهوى صدر أمّه

يموت من القهر لو فطمته إجباري

زرعتك بالعشق وردة و صرتلك ماي

غصن حبّك شرب من أعذب أنهاري

أنا بدونك مثل بيت أنهدم ساسه

تعال ابني أساسي و ابدأ أعماري

حبيبي ارحم بحالي حن على قلبي

أنا بهجرك دمع بعيوني ضل جاري

صرت أنت بقلبي كالنّبض و الدم

و سمّيتك حبيبي ملهم أفكاري

تعال و خلي أيدك تشبك أيديّ

و احضنّي و طفّي بالعشق ناري

و خلّي شفتي تشرب مي شفافك

أريد بشفتك ترتوي أزهاري

أريدك كالحمامة تحط على بيتي

و أريدك كالثريّا تنوّر بداري

تعال و صير إلي أنت الهوا و الماي

و أريدك كالبلابل تسكن أشجاري

تعب قلمي و أنا اكتبلك قصائد حب

و لكن للأسف ما تفهم أشعاري ^[1]  

قصيدة بغيابك

بغيابك حبيبي اشلون اصبر الروح

يا حال اليظل على حالي من تروح

جرحك بالكلب داويته بس ما طاب

طاري السفر زيدت قلبي اجروح

ما انساك لو سافرت عشر اسنين

شوكت ما ترد باب القلب مفتوح

يمي انته واحس بيك ابعيد

ابد ما فكرت يجي يوم مني اتروح

صحيح اني كتلك سوي كلشي اتريد

بس ع البعد كتلك هذا ما مسموح

النفس انته الاشمه ولو تروح شلون

شلونا تريد اعيش اني بلياك

اني اشتاقلك من انته موجود

من تبتع اظل لصبح ما انام

اذا ما تصدك نجوم السما شهود

اموت اني بغيابك لمن تروح

لن حبك بكلبي ماله حدود ^[2]  

قصيدة شفت ثنين

شفت ثنين واحد يكره الثاني
وطلعو بلنهاية اخوان
ما بيهم اثر للشوك
فرگت بينهم نسوان
شفت ذيب بوجه انسان
شفت اعمى ويحب الوان
شفت يصلي بس يبوگ
وشفت الدين عد سكران
شفت دللها بس خانت
وشفت جوعها بس صانت
شفت شايب نزل دمعه
ع اليحبة من صغرة
وشفت تبجيلة يم كبرة
وتكلة البعد يولون
شفت الصبح تدفن بي
والعصر تتمشه للصالون
شفت واحد يحاجي اليل
ثاري الحبة شافه يخون
شفت طفله وتسوي اغراء
وشفت شايب طفل مسكون
شفت مدلله وبت ناس
بس خانت وره الحيطان
وشفت عشرة تعدت موت
وشفت عشرة بسهوله تهون ^[3]  

قصيدة تداعيات وطن

خربت من شفت جنحان عند الفيل .. ومن شفت النوارس صارت ذيابه
وخربت من شفت مرَّه الأسد مرعوب .. خايف ما طلع بالليل للغابه !
مجنون الزمن لو عقلي المجنون .. هذا الشفته من هو اليعرف اسبابه؟
وجبت ايدي غصب گتلهه فركي العين .. بلكي مو صدگ وينچ يا سبّابه !
تالي اتيقنت موبس حلم لا طيف .. واقع حال بس ظنوني مرتابه
شفت الناس .. بعض الناس .. غير الناس .. شفت الناس نفس الشفته بالغابه
واحد من يهد ويهد گبل بالسيف .. عاف السيف هسه وينخه بگراب
واحد مقتنع يوسف كلاه الذيب.. وتگله چذب وايگول لا يابه
واحد ما دره .. ما يعرف الي صار .. شاهد راح لمن صارت اطلابه
واحد ينسأل تعرفهه بت فلان .. جاوبهم چذب وايگول حبابه
واحد چان واحد هسه صار اثنين .. لأن وجهين عنده وغاش اصحابه
أو .. واحد ..
أو .. واحد ..
أو .. واحد ..
والاضرب بعد سألوا طفل بالعيد.. شتحب تشتري.. شنجيب لـعّابه؟
دبابه صرخ يلعب حرب وايريد ميعيّد اذا ماعنده دبابه !
وطفل ثاني شرد يرضع شوارع گام.. ويكره للأسف مدرسته وكتابه
وطفل ثالث .. وطفل رابع .. وطفل خامس ..
واخيراً
مجنون الزمن فعلاً طلع دولاب .. وبكيفه يفر لو راد دولابه ..
وبكيفه يفر لو راد دولابه ^[4]  

قصيدة قلت أحبك مرَّة

قلت أحبك مرَّة وحدة، والعمر بس مرَّةْ وحدةْ

صرت أشوفك أحلى ما مرسوم بالدِّنيا وأرسمك

صرت أشوفك وين ما يطلع قَمر

صرت أقول للناس حبوا .. هواية حبوا

لا تخلون الربيع بلا أية وردةْ

حتَّى يبقى الوفا شمعةْ، حتَّى تبقى الدنيا مليانةْ مودَّةْ

قـلت أحبك مرَّةْ وحدةْ والعمر بس مرَّةْ وحدةْ

مو محبين ليريدون ليحب لازم يشوف الهجر مرَّةْ

مو محبين ليحسبون القلب مثل المواسم ألف مرَّةْ

شلون لو ماي الوفا لبيناتنا طاح وتبده

شلون لو راحت الدنيا مسافره بلا أية مودَّه

ما أظن يبقى غصن شابكله وردةْ

ولا يمر بينه الهوى ولا مرَّةْ وحدةْ

قلت أحبك مرَّةْ وحدةْ والعمر بس مرَّةْ وحدةْ

تدري مرات الغياب يصير شامت وأضل أحسب

وحتى ساعات العتاب وياك ما خلتني أعتب

مرَّة أشوفك فرح يكبر، ومرَّة أشوفك حلم أخضر

ولأجل عينك والعيون الصافية بلون المودَّه

ولأجل عينك والعيون التعرف تحب مرَّة وحدةْ

قلت أحبك مرَّةْ وحدةْ والعمر بس مرَّةْ وحدة ^[5]