قصائد حمد المغيولي

الشاعر حمد بن عبدالرحمن المغيولي (1353-1415هــ ) من بني خالد هو شاعر سعودي ولد في مدينة عنيزة، هو شاعر رد ونظم ومن فطاحلة الشعراء حيث دارت بينه وبين كثير من الشعراء محاورات عديدة، كان حاصلاً على قدر من التعليم ثم ترك الدراسة، وكان محباً للبر والترحال، عاشقاً لحياة البادية، حيث أثر عمله على أسلوبه الشعري في بعض الأحيان. ^[1]  

قصيدة تغليت يا غالي

تغليت ياغالي وسيرة غلاك اغلاك

على ما مضى تستاهل اغليك ياغالي

انا اغليك ياللي ما تعشقت ذاك وذاك

ولا صار لك بين العرب رد وابدالي

انا اغليك ياللي سيرة الحب ما تخفاك

تعرف الهوى واتميز المر والحالي

انا اغليك ياللي كل ماهب لي طرياك

لو انك بعيد الدار دايم على بالي

اجاهد هوى نفسي على رغبتك ورضاك

ولااطيع بك واشي ولاهرج عذالي

عسى ربما يامن صنعك الولي وانشاك

تميز على شقح البني باربع اشكالي

وعود يميل مع الهوى حيث ما مالي

حبيب لبيب لعن ابو خاطر ينساك

لو انك تغلى والغلى سامر حالي

اسالك ابجاه اللي على رغبته سواك

لما ادعاك مثل سهيل بالماكر العالي

على قيس ما كلفتني تشملن حسناك

وانا سامح يا زين باللي تورالي ^[2]  

قصيدة اودعك يا بدر

اودعك يا بدر ظهر له زمان وغاب

اودعك يوم ابعدت نورك عن الديره

اودعك يا بدر سرى والهوى ماطاب

عليه العيون الدمع جرح معابيره

اودعك لاجل الحب مع نورك الجذاب

هويته وحبيته ولا شاقني غيره

وداعتك روحي يوم جابه لك الجلاب

جلبها الغلا والحب هذي تدابيره

ترى البعد ما يمحى غلا من رماني وصاب

رماني بسهم قاتل يالله الخيره

الا يا عيوني والله انك من الاسباب

كسبتن لقلبي جاهل ماحسن السيره

وذا مكسبي زود على الذعر والذيره

تصبرت لين الصبر بيح خفاي وذاب

عليكم من الله راعوا الحق والجيره

قضى العمر منكم ما حصلي فرح واعجاب

ولا صاحلي غير التعب منك ياميره

اميرة جمال الحسن تخضع لك الارقاب

عذاب العيون الهايمه حد ازاريره

اميرة جمال الحسن تخضع لك الارقاب

عذاب العيون الهايمه حد ازاريره

الا يا هلي حطوا لقلبي حجا وكتاب

الى صار شف النفس شره طمس خير ^[3]  

قصيدة يامغادر بلادك

يا مغادر بلادك رافقتك السلامه

لو فراقك على روح تودك فجيعه

ماعلى العين لو طاول سهرها ملامه

اشهد ان الفراق الصبح شوفة الشنيعه

ابعدوا به وصار الهم لي والندامه

اطحن الغيض في كبدي وكبدي وجيعه

ابعدوا به وحظي منه مادرك مرامه

لا شربنا غدير ولا رعينا ربيعه

كيف ابسلى حبيب ميت في غرامه

كلما جابه الطاري عليه هزيعه

لا تلومون من عينه جزت عن منامه

ماعن الزين يااهل الزين نفس رفيعه

ياعفيف نزيه ماينزل مقامه

عنده المال غالي والشرف مايبيعه

بس حلو اللسان ومعه شبه ابتسامه

يطعن القلب برموشه وعينه وسيعه

يامليكة جمال الحسن فيكم وسامه

وان بدا رد من بعض البني مانطيعه

انت سيد البني حتى تقوم القيامه

آخذ صك من ريس قضاة الشريعه

وانت في مركز الزينات تاخذ علامه

بالحلا والرشاقه والحيا بك طبيعه

ودي ابعث جواب ولااثق الا حمامه

موجب ان الحمامه سرنا ماتذيعه

اتطمن عليك وخيرة العمر خامه

موجب ان لك قصور بالضماير منيعه

والله اني ماقول الياس منك ختامه

اترجاك دور اليوم والا تبيعه ^[4]  

قصيدة أسير الحب

اسير الحب لو صاح القوايـل لا تلومونـه
ترى قصدير قلبه من وحم نار الهوى ماعي
لا ياعذليـن القلـب تكفـون لا تعذلونـه
عذلتو والقلوب الهايمه ماتسمـع الداعـي
عليه الهم خيم والتعـب والسهـر لعيونـه
سبب من لا جزاه الله صوابه بين اضلاعي
بكى مجنون ليل وان ابكـى منيـب دونـه
انا الي في بحر ميه وعشره يكفخ اشراعي
بلاي القماش من حدر القماش مذهب لونه
لزمته ثم سمته سومه الصامل ولا باعـي
وراكم ياهل المال المذهـب مـا تبيعونـه
عشقت المال نوعه شاقني من بد الانواعي
احب السلعه الـي مـن بلـده مايعرفونـه
عليها شمعه ماروجت بالسوق من ساعـي
ثمان سنين ماغيـرت زاد وسـط ماعونـه
والى قلت الهديه من زهور الورد ماطاعي
يا مغادر بـلادك رافقتـك السلامـه
لو فراقك على روح تـودك فجيعـه
ماعلى العين وان طاول سهرها ملامه
اشهد ان الفراق الصبح شوفه شنيعـه
ابعدو به وصار الهم لـي والندامـه
اطحن الغيض في كبدي وكبدي وجيعه
ابعدو به وحضي به مـادرك مرمـاه
لا شربنا غديـر ولا رعينـا ربيعـه
كيف بسلى حبيبي ميت فـي غرامـه
كل ماجبـه الطـاري عليـه هزيعـه
لا تلومون من عينه جزت عن منامـه
ماعلى الزين يا هلا الزين نفس رفيعه
ياعفيـف نزيـه مايـنـزل مقـامـه
عند المال غالـي والشـرف مايبيعـه
بس حلو اللسان ومعه شبـه ابتسامـه
يطعن القلب برموشه وعينه وسيعـه
يامليكه جمال الحسن فيكـم وسامـه
وان بدا ردى من بعض البني مانطيعه
انت سيد البني حتـى تقـوم القيامـه
حامل صك من ريس قضاه الشريعـه
وانت من مركز الزينات تاخذ علامـه
بالحلا والرشاقه والحيا بـك طبيعـه
ودي ابعث جواب ولا اثق الى حمامه
واثـق ان الحمامـه سرنـا ماتذيعـه
اتطمن عليك وخيـره العمـر خامـه
موجب لك قصور بالضمايـر منيعـه
والله اني ماقول الياس منـك ختامـه
اترجـاك دور الـيـوم الا تبيـعـه ^[5]