قصائد تركي الميزاني

الشاعر تركي بن عطا الله الميزاني المطيري، ويلقب بـ"تركي 2000"، وهو من أشهر شعراء المملكة العربية السعودية في فن المحاورة والقلطة، ولد عام 1980م في الرياض، بدأ تركي في كتابة الشعر وهو في الثالثة عشرة من عمره، وقد نشأ في بيئة شعرية حيث كان والده وجده من الشعراء مما ساعده في كتابة الشعر وإلقائه في سن مبكرة.

قصيدة يا الشعر

يا ..الشعر فرشتك من الجوهر ولبستك لباس
وصنتك صيانه دايمه في ذاكرة عقلن ذهين
وطرقت بك باب التغزل والنصايح والحماس
وطرقت بك باب المدايح بالرجال الطيبين
كم قست من غبت بحر واملك بحور ماتقاس
وفرضت سيطرتي على الاشعار والمستشعرين
واذا حصل في مفرداتي ما يسمى الاقتباس
انا اقتبس من حكمة العقل ومن رياض الصالحين
وهو التقدم بالقصيد الجزل مارضى الانتكاس
ولا تدخل دون داعي في شؤون الاخرين
واذا دعى الموقف حفرت لقمة الاشعار ساس
على الجبال الصم مابنيها على صبخه وطين
اقيسها في خاطري واحط للفكرة اقياس
وابدي وعالج لي قضايا عالمن متعددين
واخدم بفكري ماختلس من فكرة الغير اختلاس
واصبر على كل المصايب يامعين الصابرين
وانا اتالم من قضايا ناس وافكر بناس
واحزن اذا شفت التفكك في صفوف المسلمين
اصل التفكك في قوانين الجهاد اكبر عكاس
واصل التكاتف عزز الاسلام في بدر وحنين
واللي غمرني بالسرور مصالحت فتح وحماس
بأرض السلام اللي تخاطفها ايدين العابثين
الهم سنين مع المعارك والعنا والابتاس
عاشوا معاناة حقيقية لها يندا الجبين
مضت عقود من الزمن ماصابهم خيبه وياس
رغم انخفاض الاقتصاد وبالحجر متسلحين
لكن بعد هذا التكاتف صار فالوضع انعكاس
صارت فتنهم بينهم بمشاورات الحاقدين
واللي دعاهم لتفاهم لين زال الالتباس
خادم بيوت الله زعيم العرب عون المتسعين
فاطهر بقاع الارض ساواهم على العلم الاساس
لين انتهوا بمفاهمات الصلح والعلم اليقين
راي يكفي من صليب الراس ويدخل كل
راس لشعوب العرب والقادة المتحمسين
مبادرة من خادم البيتين قبل الانغماس
في مشكلة تسعد بها الكفار والمسلم حزين
حيوا مليك المعجزات اللي على الاخطار داس
وصلوا على طه النبي خاتم جميع المرسلين ^[1]  

قصيدة السلسال

على الهون ياجرح المفارق وضيق البال
على الهون ياهم(ن) سطا بي وقدرته

اعزك لوانك جرح ومجاهدك قتال
وروضت جسمي لاجل سقمك صبرته!

لاجل من ملك قبي من الجال لين الجال
وفجيت له باب عن الناس سكرته !

وحطيت له عن شمس قيظ الغرام اظلال
وشيدت له بيت بقلبي وعمرته !

عشقته ودللته وجريت له موال
وتخيرت قربه ليتني ما تخيرته !

رعي ريف قلبي لين صار الحشا مدهال
وعن مدهله جنبت غيره وذيرته !

سقيته من عدود الغلا والغرام زلال
بعد ماجذب من دم قلبي وصدرته !

اداري عليه من الزعل وازعل العذال
وخطاه ان كبر في عين غيري تصاغرته!

ترافقت انا وياه من يوم كنا اطفال
تكون غلاه بوسط قلبي وكبرته !

قبل مايغطي ليله المنتثر بالشال
سرقت الكرى من نون عينيه وسهرته!

نقش كل حرف من حروفي على السلسال
تباهى بها واغاظ ناس مجاكرته !

وكتبت القصايد في عيونه علي اليامال
وليا مرني صوت النواخذ تذكرته

تكاثر علي الله يجازيه كيف الحال
وانا يوم اسوق العمر له ما تكاثرته !

وبعد كل هالتقدير والحب والاجلال
تغير وهقواته عليه مغيرته!

لبسته ثياب الغطرسه لين جا يختال
وكبر في عيونه يوم الاوهام غررته !

واذاالسالفه ضحك ومهازل ولعب اطفال
خبطت الغصن لين ابرق الريش طيرته !

خلصنا وقفلنا الصناديق بالاقفال
ومن جور حكمه كامل القلب حررته ! ^[2]  

قصيدة مانيب مجازيك

ما نيب مجازيك في صدك وهجرانك
ودعتك الله وتلقى واحد ثاني
أتعبت الأعيان والأقدام من شانك
وأنت ولا شيء سويته على شاني
فزيت لك يوم قلت أسمك وعنوانك
لو كان ما تنتمي لأسمي وعنواني
ما جيت أدورك ولا أطق بيبانك
وإلا ترجاك مثل فلان وفلاني
أنت الذي جيت لي وأعلنت بلسانك
أنك على شوفتي جايع وعطشاني
صدقت هرجك ومنطوقك من لسانك
وأقبلت لك مندفع من كل وجداني
ما كنت أفكر يجي في يوم نسيانك
وأنساك وأنت معاهدني ما تنساني
إلا بعد ما قريت الكذب في أعيانك
حاولت أوادعك وأنسى كل ما جاني
خلاص ما نيب متعني على شانك
ودعتك الله وتلقى واحد ثاني ^[3]  

قصيدة الخلطة السرية

يا عذابـي منـك يا موتـي ويا حرمـانـي
زابنـك بالله تخفـف عنـي اللـي فيـه
من عذابي وشهور اللى باقـي ماجانـي
في عيوني من عذابـك صايـر ماريـه
وانت تعـرف كـل ما تحتاجنـي تلقانـي
يشهـد الله عنـك ما تقـدر تشـح يديـه
بـس تكفـي لا تعذبـنـي ولا تنسـانـي
ضمني يانور عيني فـي حشـاك شويـه
كـل ما شفتـك تدخلنـي بعالـم ثـانـي
عين تنظر لك بشـر و الثانيـه حوريـه
فيك شيطان الهـوى ياسيـدي وصانـي
بالغـلا والولـف والتقديـر والخنـيـه
والقصيده اليا بغيتـه فيـك مايعصانـي
يتباشر في وصـوف عيونـك السحريـه
يا وجودي لـو أشوفـك يا بعـد خلانـي
يشهد الله لحذف الغتـره مـع الطاقيـه
كيف أنا المجني عليه وكيف صرت الجاني
لعنبوا حظك ضبطـت الخلطـه السريـه
لين من حبك ومن طيشك نسيت اخوانـي
صرت أجـي واروح لا هـاذي ولا هذيـه
والهوى هو حاكم شعوري وهو سلطاني
لا حصل لـي منـه لا رحمـه ولا ماويـه
أشهد أنـه راح فيهـا تركـي الميزانـي
ومن يكذبني يعـرف الخلطـه السريـه ^[4]

من أي قبيلة تركي الميزاني؟

ينحدر الشاعر تركي الميزاني من قبيلة مطير بالسعودية.