فيديو: هجوم سعد الصغير المضاد على تامر أمين " ما بتسهرش إلا عندي وكل يوم معاك واحدة"

تاريخ النشر: الخميس، 15 أكتوبر 2015 آخر تحديث: الأحد، 06 فبراير 2022

رد الفنان المصري سعد الصغير على الأخبار التي أطلقها الإعلامي المصري تامر أمين في برنامجه "من الآخر، والتي أعلن فيها أن شجاراً وقع بين الصغير وزوجته الراقصة شمس أدى إلى تضارب بينهما توجها على إثره إلى الشرطة.

وقال الصغير لدى حلوله ضيفاً على برنامج "الليلة دي" الذي تقدمه أروى عبر قناة الـ cbc بأن ما قاله أمين شائعات لا أساس لها من الصحة وشن هجوماً مضاداً عليه قال فيه :

"الراجل ده بيقول إن اتخانقت مع شمس وضربنا بعض ورحنا النيابة!! رحنا النيابة يبقى فيه محضر، ينفع مذيع يبقى معروف وبيتكلم ومفيش أصلًا محضر وبيتكلم كدة وخلاص".

وتابع الصغير: " خدي الجديد بقى، هو بيتكلم على الراقصات، وعن القيم والأخلاق والحاجات دية!! اللي يتكلم عن القيم والأخلاق ده لازم يكون راجل بتاع ربنا... أنت يا أستاذ تامر حضرتك ما بتجيش تسهر إلا عندي وكل يوم معاك واحدة!! أنت بتتكلم عن القيم والأخلاق، أنت متعرفش القيم والأخلاق خالص، اللي بيتكلم كده يبقى حد عارف ربنا، أنت بتتكلم إن سعد الصغير اتضرب أنت شفتني؟ أنت شفت رقم محضر؟ مشفش أي حاجة، أوعى تتكلم عن القيم والأخلاق".