فنانة شهيرة تكشف: ولادي ضربوني وخدوا أملاكي وهسجنهم

حلت الفنانة شريفة ماهر ضيفة على الإعلامية بسمة وهبة في برنامج "90 دقيقة" المذاع على شاشة "المحور" بعد أن اتهمت نجلها بضربها وسرقة أملاكها.

شريفة ماهر تكشف تفاصيل تعدي ابنائها عليها

وأضافت شريف ماهر خلال حوارها:"وزعت جزءا كبيرا من ميراثي، شريف وطارق شتموني، شريف زقنى مرتين ودراعى اتكسر من 4 سنين، ولادي أخدوا كل اللي حيلتي"، وأكدت أنه يحب المال أكثر من أي شيء آخر.

وعن ابنتها ناهد، قالت: "مش حنينة، وقلبها جامد علىّ، أجمد من إخواتها، دي ما سألتش عليا، وشريف طول عمره بيحب الفلوس أكتر من أبوه وأمه، بيعبد القرش".

وتابعت: «مش هشتكيه، ربنا هيجيب لي حقي، أبوه قبل ما يموت قال لي هأمّنك عشان شريف لما أموت هياخد منك كل حاجة، وفعلا طول عمره بيعبد الفلوس، وما كنتش أتخيل إنه يعمل في كده، ده بقاله 9 شهور ما قاليش أنتي فين".

واستطردت بأسى:"ده طردني من شقتي الإيجار، ودلوقتى قاعدة في عمارة كاتباها باسم بنتي نيفين، وحد قال لي إن شريف طلب الفيلا من الشهر العقاري رغم إن نيفين مسجلاها، وفعلا استولى عليها وخان الأمانة".

رد ابناء شريفة ماهر على اتهامات والدتهما

رد شريف شوقي نجل الفنانة شريفة ماهر "عارف إن الجنة تحت أقدام الأمهات، مش ممكن أشتمها وإيدي تتقطع قبل ما أمدها"

وأكد أنه قام بشراء الشقق منذ عام 2007 ويمتلك صحة توقيع على العقود.

ردت والدته عليه قائلة "العقود مزورة وهسجنك" وهو الأمر الذي نفاه الابن قائلًا "بتقول بايعة لبنتها منذ عام 2011، وإزاي هغير عقد البيع اللي هي بايعاه"

وأضاف "إديتها فوق المليون جنيه وفوق الـ100 ألف جنيه سمسرة في الفيلا التي باعتها".

لترد عليه شريفة ماهر قائلة "أنت ضلالي، أنت بتصلي أنت، بنا هينتقم منك يا بعيد يا حرامي".

اعتزال شريفة ماهر

وأشارت إلى أنها اعتزلت الفن وارتدت الحجاب منذ 45 عاما، وأطلقت عددا من المشروعات العقارية، وعن ذكرياتها الفنية قالت: "فى فيلم أعز الحبايب شكري سرحان ضربنى بالقلم وعيني جابت دم، وما بقتش أشوف كويس، ودلوقتى شريف ابنى استغل الحكاية دى، ومضانى على 4 عقود لأملاكى ما أعرفش فيهم إيه".