عارفة عبد الرسول ترد على منتقدي ظهورها بالمايوه بمقطع صوتي

علقت عارفة عبد الرسول على منتقدي ظهورها بالمايوه بأحدث ظهور لها، حيث ردت بمقطع صوتي من خلال اتصال هاتفي مع برنامج "ET بالعربي"، شرحت من خلاله تصرفها من وجهة نظرها.

عارفة عبد الرسول ترد على منتقدي ظهورها بالمايوه

وقالت عارفة عبد الرسول: "ببساطة أنا اسكندرانية وطول عمرنا بنلبس مايوه وبننزل البحر.. وعارفين ان البحر يعني مايوه، وكنا بننتقد الناس اللي بتيجي البحر ولابسة بنطلون ولا جلابية.. احنا جزء من حياتنا المايوه كاسكندرانية.. والصورة انا شايفة مفيهاش حاجة.. انا استغربت من الناس اللي بيقولوا طالعالنا بالبكيني.. ربنا يهديهم وربنا يهديني.. وكل اللي انا عايزاه من الناس ان كل واحد يبص في ورقته وملوش دعوة بالتاني"، ساخرة من تدخل البعض في أسلوب حياتها الخاص.

وكانت عارفة عبد الرسول قد نشرت عبر حسابها على موقع التواصل الاجتماعي "فيسبوك" صورة مقربة لها على البحر تكشف الجزء العلوي من جسمها بالمايوه، وعلقت عليها بمزاح بقولها: "لقيت الطبطبة"، لتتصدر الترند عبر جوجل ومختلف منصات السوشيال ميديا مثيرة حالة من الجدل بين متابعيها.

عارفة عبد الرسول ورانيا يوسف 

وكانت الفنانة عارفة عبد الرسول قد كشفت مؤخراً عن موقف إنساني جمعها بالنجمة رانيا يوسف، في كواليس تصوير أحد الأعمال الفنية، حيث روت القصة من خلال حسابها الشخصي على موقع التواصل الاجتماعي، فيسبوك، بقولها: "من كام يوم داخله التصوير لقيت زميلتى قاعده بتعمل شعرها وبتسمع فيروز قولتلها...سيدى ع المزاج الرايق انت مسجلاهم قالتلى...لا دى اذاعه الاغانى بتجيب فقره فيروزيه الساعه ٩ الصبح...قولتلها الله الله ع الجمال سالتنى عندك راديو قولتلها لا بس ممكن انزله ع الموبايل مش الراديو ممكن يجى ع الموبايل ابتسمت وسكتت.. النهارده لقيتها داخله عليا براديو فخم فى علبه فخمه برضه واديتهول هديه...انا اتلخبطت مش عارفه ابكى ولا افرح ....طول عمرى بادلع اللى حواليا وقليقلين قوى اللى دلعونى...فعلا الفرحه لجمتنى مش عشان الراديو عشان ماكنتش مصدقه ان فيه ناس حلوه كده....بوست للمره المليون فى حب الست....رانيا يوسف".

آخر أعمال عارفة عبد الرسول

وتعتبر مشاركة الفنانة عارفة عبد الرسول في فيلم "النمس والإنس" أمام النجم محمد هنيدى هي أحدث عمل فني لها، وتدور أحداث الفيلم حول موظف حكومى فقير يتعرض لكثير من المصائب بسبب مهنة والده.

ويشارك في بطولة الفيلم عدد من النجوم من بينهم منة شلبى، عمرو عبد الجليل، صابرين، بيومى فؤاد، محمود حافظ، محمد جمعة، شريف ديسوقي والفيلم من تأليف كريم حسن بشير، وإخراج شريف عرفة.