شيرين تفتح قلبها باعترافات مفاجئة تخص الصلاة والأزمة التي غيرت شخصيتها

تسلطت الأضواء على الفنانة شيرين عبد الوهاب بفضل تغريداتها العفوية، التي أطلقتها على حسابها على تويتر تكشف بها عما غيرته أزمة كورونا في شخصيتها وحياتها بالكامل.

شيرين عبد الوهاب وأزمة كورونا

شكرت شيرين عبد الوهاب الظروف القاسية التي يمر بها العالم الآن من معاناة من أزمة كورونا، والتي بسببها أمضت المزيد من الوقت مع العائلة.

وتطرقت شيرين عبد الوهاب إلى موضوع حساس وهو كيف غيرت أزمة كورونا من شخصيتها إلى الأفضل، وأنها الآن عندما تصلي تشعر بشعور آخر وهي تنطق الآيات القرآنية.
 

وقالت شيرين في تغريدتها قائلة: "أنا بشكر الظروف اللي إحنا فيها بالرغم من قسوتها عشان نقعد في البيت ونقرب من أهالينا ونشوف ولادنا. أنا مابحبش أتكلم عن صلاتي عشان دي حاجة بيني وبين ربنا بس أنا حاسة إن الناس اتغيرت، الحاجة الحلوة اللي فيهم ابتدت تطلع وأولهم أنا".

وتابعت شيرين عبد الوهاب قائلة: "ساعات لما كنت بصلي كنت بحس إني بعمل الواجب أو أسرح في الصلاة أنا هعمل غداء إيه النهارده، بس الواحد لما بيقف قدام ربنا ويركز في الكلام اللي بنقوله زي ما بنقول في الفاتحة "الرحمن الرحيم" هو فعلا رحمن وحنين وأحلى حاجة في الدنيا".

وأضافت شيرين إلى حديثها العفوي: "زمان كنت بقول الآيات وأنا مش بركز فيها دلوقتي وأنا بركز في الآيات لآخرها بحس إن ربنا بيشفني وبيداوي كل حاجة حاسة بيها، أنا بقول ده ومش خايفة من التعليقات اللي هتيجي."

واستكملت شيرين كلامها: "أنا نفسي كله يحس الإحساس اللي كنت حاساه وأنا بصلي صلاة المغرب والسنة، متعة تانية أحلى من أي سفرية أو أي سهرة. ربنا يثبتنا ويعدينا من اللي إحنا فيه ويارب ما نتغيرش ونفتكر اللي إحنا فيه دلوقتي ده".

تفاعل متابعو شيرين عبد الوهاب مع حديثها العفوي متمنين لها راحة البال والسعادة، لم يخل الأمر من محاولة البعض اصطياد الأخطاء للفنانة المصرية بانتقاد حديثها عن الصلاة على الملأ لأنه أمر بين العبد وربه.

شيرين وإليسا

وفي سياق متصل، خطف الأنظار تفاعل الفنانة إليسا مع اعترافات شيرين الصادقة، لتقوم بإعادة نشر ما قالته عبر حسابها على تويتر.

يذكر أن شيرين تصدرت التريند بأحدث أغنية التي أطلقتها وهي "مش قد الهوى".