شيرين تصور فيديو لأحد معجبيها بعد رسائله لدعمها

بدأت الفنانة شيرين عبد الوهاب في التفاعل مع الجمهور عبر مواقع التواصل الاجتماعي لتجاوز أزمتها التي تمر بها بعد انفصالها عن الفنان حسام حبيب ولجوها لحلاقة شعرها بالكامل.

وقررت الفنانة شيرين عبد الوهاب تجاوز الأمر سريعاً من خلال العودة بقوة للساحة الفينة وللتواصل مع الجمهور خاصة بعد أن وجهت الشكر لأحد متابعيها.

شيرين توجه رسالة لأحد معجبيها

وظهر فيديو عبر حساب على تطبيق تيك توك ظهرت فيه شيرين عبد الوهاب يحمل اسم شخص يدعى مراد وجهت له الفنانة المصرية رسالة عبره.

وذكرت شيرين في الفيديو أنها تلقت العديد من الرسائل الجميلة من هذا الشخص لذا قررت إرسال رسالة له عبر التطبيق خاصة بعد أن دعمها برسائل لتجاوز أزمتها

وظهرت شيرين في الفيديو ولكنها غطت الرأس من خلال “آيس كاب”، ووجهت في الفيديو رسالة إلى شخص يدعى مراد لتقول له: أحبك “I love you”، وحقق الفيديو مشاهدات وصلت إلى 5 ملايين

وعلق الشاب مراد على الواقعة، وكشف أنه عاد من الجامعة ذات يوم ليجد فيديو عنه تم تدشينه على “تيك توك” عن طريق ابنة شيرين عبد الوهاب،

وبدوره، نشر مراد فيديو قال فيه إن شيرين تعلم الآن أنه شخص حقيقي موجود على كوكب الأرض، وأشار إلى كونه يمتلك صورها في غرفته، ويحبها للغاية.

شيرين تنفي معاناتها من مرض نفسي

وأوضحت شيرين في لقاء مسجل مع الإعلامي عمرو أديب أنها لا تعاني من المرض النفسي، لكنها تعاني من حالة عدم اتزان حالياً.

وحول سبب حلاقة شعرها، قالت شيرين عبد الوهاب: "لم يكن أمامى غير كده، أنا حاسة أن دماغى بتفرز أفكار طول الوقت ولو سبت دماغى هتاكلنى، وأنا عملت كده لأنى ما كنتش حلوة فى عينيه، عملت كده علشان هو ما يشوفنيش حلوة، والفرق بين حلاقة الشعر والطلاق يوم واحد، حلقت شعرى قبل يوم واحد من الطلاق ودى مش أول مرة أقص شعرى، فاكر لما قولت إنى طالعة علشان أضحك الناس وقالوا عليا إنى كنت بتريق على البلد، كنت مدبوحة ودبحونى أكتر وقتها".

وتابعت: "الإنسان الحساس بزيادة ممكن يؤذى نفسه علشان يعاقب نفسه وأنا كنت بعاقب نفسى، أنا غلطت فى اسمى ومكانتى وقدرى".

وشددت أنها تحتاج الأن إلى احتواء الجميع لها وليس المساعدة: "محتاجة الناس ما يقولوش عنى كلمة تجرحنى مش عاوزة حاجة من حد".

ولفتت إلى أنها تتابع مع طبيب نفسي: "أنا مش مريضة نفسيا لكن جالى وسواس قهرى لما خلفت بناتى، ويمكن أكون قولت ده قبل كده ومتخيلة انى ممكن عيالى يتأذوا من أقرب الناس ليا، والمشكلة الصغيرة ممكن يكبرها مخى ويخليها قد الهرم، والمشكلة اللى قد الهرم ممكن يخليها صغيرة، ولو مريضة نفسيا هقول بنفسى لكنى مش مريضة نفسيا بشهادة دكتورى، انا ست حرة ولو فى حاجة انا اقولها قبل ما حد يقولها، علشان كده كنت بتريق على نفسى فى الحفلة قبل ما حد يتريق عليا".

شيرين تعلق على أزمة طلاقها

وحول قصة زواجها من حسام حبيب والطلاق بعد 4 سنوات، أوضحت أنها كانت رافضة للأمر في البداية، معلقة: "أنا قبل ما ابتدى الموضوع ده قولت لأ هو يكبرنى بسنة واحدة، وعلى فكرة انا لسه بحبه، أنا عمرى ما شفت واحدة بتطلق والناس بتباركلها كده كأنى راجعة من الحجاز".

وأكملت، "كان لازم يكون فى فرق بينى وبينه علشان يبقى فى شوية عقل علشان كده بنتى لما جت تلوم عليا فى يوم من الأيام قولتلها حبيبتى أنا بتربى معاكم وحسام بيتربى معانا والدنيا تستاهل نجرب ونحاول والأمومة دى حاجة كبيرة ومش هسيب لعيالى فلوس هسيبلهم حب".

وقالت: "أمى أول واحدة عرفت قرارى بالطلاق وأصرت عليه وحسام لما راح يتقدملى أول مرة أمى قالتله أجرى أجرى احنا هنعيل وهى كانت عندها حق".

وأكدت أن والدتها من البداية لم تكن موافقة على زواجها من حسام حبيب، معلقة: "هى من الأول كانت شايفة اننا ما ينفعش لبعض وإننا لازم نفضل صحاب، وعاوزة أقوله انت إنسان كويس جدا ومحتاج تشتغل على نفسك أنت معدنك كويس جدا ومتربى وعنده حاجات حلوة كتير والراجل لازم يفضل راجل وعندك حاجات حلوة كتير هو كمان كان ظالم نفسه كان بينزل ألبوم كل 8 أو 9 سنين فحرام الظلم ده ربنا م بيدى فرص كتير للناس".