شريف الدسوقي يكشف عن تفاصيل انفصاله عن زوجته

كشف الفنان شريف الدسوقي، عن تفاصيل انفصاله عن زوجته، بناء على طلبها، بعد زواج استمر لنحو العامين فقط، وذلك خلال لقائه مع برنامج "صبايا النهار".

شريف الدسوقي يكشف عن كواليس انفصاله عن زوجته

خلال تصريحاته، قال شريف الدسوقي: "اتجوزت سنة 2001 ومكنش ليا نصيب إن الزيجة تستمر، فضلت سنتين بس، لأن وقتها كنت لسه بسعى أحقق نفسي، وكنت موظف بسيط في وزارة الثقافة هي مصبرتش عليا".

وتابع قائلًا: "أنا كنت عارف هدفي وبتحرك له وبعلن عن نفسي في كل مساحة تتاح ليّ، لكنها قررت متكملش معايا وكل واحد راح لطريقه".

مؤخرًا، وعد الفنان أحمد العوضي، شريف الدسوقي، بعد رسالة تركها له الأخير، بأن عملاً فنيًا سيجمع بينهما قريبًا، يأتي هذا الوعد بعدما وجه الدسوقي للعوضي رسالة قال خلالها: "لو سمحت عايز أشتغل معاك" ليفاجئه العوضي بالرد قائلًا: "الزميل الغالي علي قلوبنا شريف الدسوقي أنا مشفتش التعليق علي اللايف للأسف.. وطلبك علي رأسي يا شريف أنا أتشرف بالشغل معاك يا حبيبي، وأزيد بيك وأعلى بيك.. وإن شاء الله يجمعنا عمل في الوقت القريب.. وأنا من معجبينك يا شريف، ومن محبين دورك الجميل مع الزميلة الغالية نيللي كريم في مسلسل ب ١٠٠ وش".

من ناحيته، رد شريف الدسوقي على  العوضي قائلًا: "النجم الغالي اللي ساكن قلبي أقسم بالله.. ماتتصورش فرحتي قد ايه إنك قدرتني و رديت عليا.. وعلى فكرة انا عمري ما طلبت من أي نجم أني أشتغل معاه إلا أنت.. عارف ليه.. عشان حبيت طبطبتك على قلوب الناس في المبادرة اللي عاملها عشان تكسبهم ويقدروا يعدوا الأيام الصعبة.. ربنا يكرمك ويحميك ويصونك ويزيدك من نعيمه يا غالي وفي قلبي".