سلحفاة سبب سقوط أحمد حلمي في الدراسة

أيام المذاكرة والامتحانات يظل الأهل خلف الأبناء بالمرصاد والابن لا يسمع سوى كلمة واحدة فقط طوال هذه الفترة وهي " خش ذاكر"، هذه الكلمة التي تعودنا عليها من أهلنا على مدار سنوات دراستنا، وكل ما نستمع لهذه الكلمة، نتذكر فوراً ما كنا نقوم به في تلك الأيام.

منها ما يضحكنا على أنفسنا ومنها ما يجعلنا نخجل من أنفسنا، بينما ما سرده النجم الكوميدي أحمد حلمي لمعجبيه على صفحته الرسمية على موقع التواصل الاجتماعي فيسبوك يجعلنا نضحك وبالتأكيد هو أيضاً ضحك، ولا نتصور أبداً أن يلجأ النجم المصري لهذه الحيلة كي يذاكر دروسه وتكون الحيلة نفسها سبباً في سقوطه.

كتب حلمي تدوينة طويلة على الفيسبوط، وحكي خلالها على موقف طريف حدث له مع سلحفاة، حيث كتب:

شاهد أيضاً: صور أحمد حلمي بطريقة ال selfie في يوم إجازته

"خش ذاكر .. حاضر ..
"للمذاكرة حدود" دي كلمة كنت دايماً بقولها وقت الامتحانات .. بس فـ سري طبعاً.. أنا كنت للأسف متعود أذاكر قبل الامتحان بكام يوم .. ودايما الأيام اللي قبل الامتحانات بتبقي قصيرة جداً والوقت فيها بيعدي بسرعه غير بقيت أيام السنة .. جاتلي فكرة .. أجيب سلحفة أحطها قدامي علي المكتب وأنا بذاكر علشان أحس إن الوقت بطئ وممل وبيعدي بالراحة .. فيبقي عندي وقت طويل أذاكر فيه لامتحان بكره .. اشتريت سلحفة وحطيتها علي المكتب.  وأول لما لمست المكتب لقيتها فوريره جريت لحد آخر المكتب في لحظة .. شكيت أنها ممكن تكون سلحفة.. جايز أرنب ومتنكر. !!! أو جايز حظي جه في سلحفة مجنونة أو راكبها عفريت موتوسيكل. رحت للراجل وقولتله : أنا عايز سلحفة بطيئة جداً .. على ما تخرج من جوه نفسها يكون فات تلات ساعات.. أنت إيه!! عايزني أسقط ؟؟
إداني سلحفة وقالي : دي بقي هاتخليك من الأوائل .

شاهد أيضاً: علي جابر يكشف حقيقة اعتذار أحمد حلمي عن عرب غوت تالنت

روحت وحطتها على المكتب وقعدت باصص لها ومركز معاها. ساعة إتنين تلاتة أربعه خمسة سته سبع ساعات السلحفة متحركتش سنتيمتر واحد.. هي دي السلحفة المطلوبه فعلا .. وجيت بقي ابتدي أذاكر لقيت الساعة سبعه الصبح ولازم أروح الامتحان. اتجننت على السلحفة . مسكتها وابتديت أهزها يمين وشمال علشان تطلع راسها بس مافيش فايدة .. ببص على وشها من الفتحه اللي قدام لقيت فيه نور داخل من الفتحه اللي ورا عند الديل .. شفت الناحيه التانية من الأوضة .. السلحفة طلعت فاضية من جوه ومافيهاش سلحفة أصلاً .. فارغ بس .. وطبعا سقطت .. بس الامتحان الوحيد اللي كنت واثق إني هانجح فيه كان التعبير. لأن سؤال التعبير كان : (كيف تنجز وقتك في عمل مفيد؟)  فجاوبت وقلت : أن لا تعتمد أبداً في نجاحك على سلحفة .. بس برضه سقطت . لإن دي أجابة محدش كان ممكن يفهمها غيري أنا والسلحفة".

يذكر أن أحمد حلمي مشغول حالياً بتصوير مشاهد فيلمه الجديد "صنع في مصر" وتشاركه البطولة الفنانة ياسمين رئيس.

شاهد المزيد:

نجلاء بدر ترضخ للقدر

فيديو كوميدي لإيمي سمير غانم تطلب مساعدة جمهورها..تعرفوا على السبب

أصالة تغادر مصر مع عائلتها بسبب "حوادث أمنية"