ريهام سعيد تكشف سبب تغيير شكلها ومعاناتها مع كورونا

كشفت الإعلامية ريهام سعيد عن معاناتها مع فيروس كورونا رغم مغادرتها المستشفى والعودة إلى منزلها، مشيرة إلى أن حالة الرئة لديها ما زالت غير مستقرة.

ريهام سعيد تكشف معاناتها مع كورونا

وأوضحت ريهام سعيد أنها تحتاج إلى العلاج لمدة 20 يوماً موضحة إلى أن التغييرات التي طرأت على وجهها ليست بسبب عمليات التجميل ولكن بسبب الكورتيزون الذي تتلقاه.

وقالت ريهام سعيد عبر حسابها الشخصي على موقع التواصل الاجتماعي فيس بوك إنها سعيدة بالدعوات التي تلقتها بالشفاء، معلقة: "مش عايزة أقولكم مبسوطة قد إيه بكمية الدعوات اللى دعيتوها لى ومبسوطة قوى قوى إن أنا عييت ومبسوطة جدا إنى مريت بالتجربة دى وقد إيه حسيت إن فيه ناس خايفة عليا".

وعبرت عن تعجبها من تعليقات بعض الأشخاص قائلة: "حسيت إن فيه ناس مش فارقة معاهم خالص وأكيد كان فيه ناس عجيبة جدا وأنا فى المستشفى وتعبانة ومش قادرة آخد نفسى والأكسجين بينزل وانت حاسس إن لو الأكسجين فضل ينزل هتتحط على التنفس الصناعى وهموت.

وحول أعراض كورونا التي كانت تعاني منه أوضحت أنها أصيب بصداع شديد للغاية في الرأس وارتفعت درجة حرارتها ولم تكن تستطيع التنفس.

ريهام سعيد تكشف سبب تغير شكلها

ولفتت ريهام سعيد إلى أن شكلها تغير بعد الإصابة بفيروس كورونا خاصة بعد زيادة وزنها في منطقة البطن ووجها نتيجة الكورتيزون وليس الفيلر كما ردد البعض، معلقة: "وممكن بكرة أوريكم بطنى لو واحدة حامل فى التاسع مش هتكون كده وأنا مش زعلانة ومش متضايقة خالص ومبسوطة، واستمعت لبعض الشيوخ الذين أفتوا بأن الخارجين من كورونا يكونون مثل الطفل الذى ولدته أمه معندوش ذنوب ومعندوش أخطاء وبيبقى فى معية الله.".

وتابعت ريهام سعيد: "حاسة شكلى متغير وحاسة إن قلبى متغير وحاسة إنى مش عايزة أغلط خالص عشان ربنا ميزعلش منى ولازم أختلس فرصة إنى أكون كفرت عن ذنوبى".

ووجهت ريهام سعيد نصيحة إلى متابعيها بتلقي اللقاح معلقة: "مشكلتى الرئة كان جزء كبير منها راح والتهب جدا وكان ممكن أدخل على تليف والحمد لله إن ربنا شفانى وعفانى وإنى رجعت لأولادى، ومعنديش أزمة فى حياتى غير كرشى وعندى أوردر فى المسلسل يوم الأحد وكان وزني 69 وأنا دلوقتى 77 كيلو ولسه الرئة مخفتش وهاخد كرتيزون 20 يوم".

ريهام سعيد تعلن إصابتها بفيروس كورونا

وسبق أن كشفت ريهام سعيد عن تعرضها لأزمة صحية جديدة، وأعلنت إصابتها بفيروس كورونا منذ ثلاثة اسابيع، وأكدت أنها محجوزة داخل المستشفى بعدما تسبب الفيروس في أضرار بالرئة، وأشارت إلى أن معاناتها من "مرض مميت" دفعتها لمحاسبة نفسها على أخطاء الماضي.

وكتبت ريهام سعيد: "بقالي أسبوعين بعاني من كورونا والحمد لله الرئة أتاثرت واتحجزت في المستشفى من شوية إحساس غريب وانت عندك حاجة مميتة بتراجع نفسك كتير وتحاسب نفسك كتير أكيد غلطت لكن عمري ما قصدت كان دائما الغرض نفع الغير وإظهار الحقيقة".

وأضافت: "شكرا يا رب على حبك ليه وشكرا على ابتلاءاتك الكتير اللي بتدل على اهتمامك بيا إذا كانت دي النهاية يا رب أحسن خاتمتي وأحسب لي كل عمل عملته لوجهك الكريم يا رب أنت الوحيد اللي عارف أنا عملت ايه وكانت نيتي دائما أيه.. استحملت وصبرت على افترا وظلم كتير".

وتابعت: "يا رب اغفر لي وسامحني و خلي بالك من أولادي اذا كان ده اختبار من اختباراتك ولسه في العمر بقية يا رب أشفيني وأقف جنبي وسهل عليا محنتي أنا راضيه بأي شىء".

ريهام سعيد تطلب الدعاء وتعتذر

واختتمت: "نصيحة لكل واحد بيهاجم مشهور أو ناجح انت بتاخد ذنب رهيب انتوا بتاخذوا من اعصابنا و صحتنا وكله على باطل خلوا بالكوا الأذية دي وحشة اوي وهاتقعد للك في أعز ما عندك أرجو الدعاء بالخير ليه أي كان هو أيه، اسمحوا لي اني اعتذر لكل فريق العمل السيده زينب و المنتج ممدوح شاهين و الاستاذ المخرج محمد النقلي علي العطله الي اتسببت فيها".