ريما وزياد الرحباني يحذران أبناء عمومتهما بسبب فيروز

أصدرت عائلة الفنانة القديرة فيروز، متمثلة في نجليها زياد عاصي الرحباني وريما عاصي الرحباني، بياناً رسمياً، حذرت من خلاله أبناء عمهم منصور الرحباني من استغلال حقوق الملكية لعدد من أعمالها الفنية، دون الحصول على موافقة منهم.

بيان عائلة فيروز

شاركت ريما الرحباني البيان عبر حساباتها على مواقع التواصل الاجتماعي، موضحة أنه ليس لزياد الرحباني كما وللأخوين رحباني أي صفحات موثقة على السوشيال ميديا.

وجاء في بيان ريما الرحباني: "إنَّ ورثة عاصي الرحباني مُمثَّلين بِزياد عاصي الرحباني وريما عاصي الرحباني يُعلنون رَفضَهم التام لقيام أيٍّ كان، حتَّى ولو كان من ورثة منصور الرحباني، بإعادة تسجيل و/أو تصوير و/أو تكييف و/أو توزيع أيّة أعمال فنّية تعود للأخوين رحباني أو زياد رحباني بدون موافقتهم".

تابع البيان الصادر عن عائلة فيروز: "كما وأنَّهم يُحذّرون من منح أيّة أذونات أم إجازات للغير من طرف واحد تعود لأصحاب الحقوق مُجتمعين، وذلك إن في لبنان أم خارجه ومهما كانت الوسيلة أو الإطار أو المناسبة، لذا اقتضى التوضيح".

ماذا حدث؟

هذه ليست المرة الأولى التي تكشف فيها ريما الرحباني خلافات عائلتها العميقة مع عائلة الراحل منصور الرحباني، وجاء هذا البيان بعد أن علمت ابنة فيروز عن حفل يقام يوم 12 أكتوبر الجاري من قبل أحد ورثة عمها منصور في أحد كازينوهات لبنان.

ريما حذرت صاحب الحفل من استغلال أعمال فيروز في هذا الحفل وكتبت في منشور مكمل للبيان: "تحذير الصبح بيخِصْ كل العالَميّين والعالَميّات الفنّانين والفنّانات الراقصين والراقصات الممثّلين والممثّلات، نُمِيَ إليّ إنّو المينور الرحباني عندو حفلة بِ ١٢ الجاري فقبلما يِجْري ويكَتّر بالكازينو! بالمطرح اللي مَنَعوا عمومتو فيروز من إنّها تعيد مسرحيّتها إلها "يعيش يعيش".. يا سبحانك يا رب".

وسخرت ريما الرحباني من استغلال أعمال فيروز من قبل نفس الشخص من عائلة منصور الرحباني في حفل الكويت وكتبت: "كنّا عم نقول من حفلة الكويت بس تشيل الفيروزيات ما بيبقالك إلا خمس قطع فقط لا غير! يعني أونلي فا شوف شو بتحِب تعمل! بتحب تلغي بتحب تمرُق بها لخمس قطع كا برايك خلال حفل لحدا غيرك عندو شي يقولوا أكتر منّك! أنت حُرْ! بس أوعك تغلط! فهمت؟ حاجتك تجارة ومُتاجرة! وبعدين نقّيلك لَوْن غير الفيروزي! قطيعة حتّى بهاي أفيش إبداع"؟

ابنة فيروز استعادت ذكريات خلافات منصور الرحباني مع والدتها سابقا وكتبت: ""لما منصور كان يحط لفيروز صاحبة هالأعمال عِصِي بالدواليب بكل المطارح وينزل فيها إنذارات بكل حفلة.. ولمّا حاول يوقّف كذا حفلة لفيروز وشَدْ بأيديه وإجريه وبكل معارفه..ولمّا رفع دعوى عا فيروز بالشارقة بعدما قبض حصته منها (مصاري) وطلب جلبها مخفورة اليدين بحجّة إنو عم تشوّه صح النوم! بعدما كان هوّي المُشوّه الفعلي لمسرحية هالة والملك حينما حوّلا لفيلم النَّكسة سيلينا".

ريما استرسلت محذرة: ""ولمّا انتو يا ولادو تسلبطوا علينا ووقفتوا يعيش يعيش ومنعتوا فيروز تعيد عملها إلها.. انتو يلللي ما إلكن شي ولا رأى بهالمملكة كلا، إنما بالزعرنة تبعيتكُن ولمّا نازلين تشويه بهالأعمال عا الطالع والنازل وتعربُش على ضهر فيروز لأن ما عندكن شي تاني تقولوه ... ومن سنين".

واختتمت ريما الرحباني تحذيراتها حول استغلال اسم فيروز وقالت: "ممنوع المَس بأي عمل من أعمال فيروز نهائياً بتاتاً وولا بأي شكل هيدا الإرث لن يُمس بعد الآن فينيتّو ! ختمناه بالشمع الأحمر! وما رح ينتقل للأجيال اللي جايي إلا بصوتا هيّي وبس!! وبصيغتهُن الأصليّة! ومع أصحابُن الأصليّين! غصب عن رقبتكُن! وكلكُن سوى مجموعين اسم فيروز لا بقى تنطقوه نطق! لا بحفلاتكن ولا بسهراتكن ولا بأحاديثكن وحاج متاجرة وبعدنا موجودين! فهمتوا؟ انشهروا عا ضهر حدا تاني نحنا انفلقنا تووووو ماتش! فيروزيات قال!  وِوجع صحيح! ما شايفة عبدة مال وشهرة أكتر من هيك".