رسالة نارية لشادي شامل بعد السخرية القاسية من شكله

خرج الفنان شادي شامل الشهير بشبيهة العندليب عبد الحليم حافظ عن صمته، ووجه رسالة نارية ضد كل المسيئين له والساخرين منه بسبب شكله.

شادي شامل كتب رسالة قوية لمنتقدي شكله واللوك الذي يعتمده، من خلال نشر صور مجمعة لنجوم عالميين يتمتعون بشعر طويل، ووضع صورته من ضم الصور المنشورة، ليؤكد أن إطلالته معتادة وليست بغريبة كما يتصور البعض.

وكتب شادي شامل كلمات حاسمة لمنتقديه قائلاً: "الناس المعقدة والمريضة اللي عماله تشير صورتي وانا شعري طويل وعاملين يقلوا في أدبهم ويستخفوا دمهم .. انا اكتر حاجه بكرها في حياتي هي قله الادب".

وأضاف شادي شامل: "لما تيجي تخش على بروفايل بتاع الناس المريضة دي بتلاقيهم شكلهم غريب واللي بيئه واللي من تحت بير السلم أنا مش بتريق لا سمح الله والله بس الموضوع بقى في سفاله وقله ادب وبدون داعي".

وتابع شادي شامل حديثه: "اللي هيقولي اصل احنا في مجتمع شرقي والكلام البطيخ ده هقولو انت من اول أكلك ولبسك وشربك كله مستورد، انا مش باخد العادات والتقاليد الخطأ اللي في البلاد الأجنبية واسوق ليها ساعتها يبقى ليك الحق تقول".

واستكمل حديثه: " عاداتنا الشرقيه، بلاش تخش معايا في الحته دي عشان هفحمك بالادب والذوق وبالدليل.. وبعدين انا راجل معظم وقتي عايش بره ممكن أكون غصب عني اتاثرت بطريقه اللبس والاستايل ودي حاجه ما تعبنيش" .

وإختتم شادي شامل رسالته: "ممكن تقول رأيك بكل ادب واحترام.. فعلا ما بقاش في تربيه ولا رقي ولا ثقافه للاسف ما تلاقيش الكلام ده غير في مصر ...يا خسارة بحد يا خسارة ..عيب عيب ده انا ابن بلدكم بزعل والله لما بلاقي تقدير في دول اوربا و قله من اولاد بلدي يتطاولوا كده".

يذكر أن شادي شامل عرف بشبه الكبير للراحل عبد الحليم حافظ، مما ساعده على أخذ دور البطولة في مسلسل "العندليب" الذي يحكي سيرته الذاتية.