رامي جمال يعلن إصابته بالبهاق ويصدم الجمهور بما يفكر في فعله!

أعلن الفنان رامي جمال إصابته بمرض البهاق، من خلال رسالة مطولة نشرها عبر حسابه على انستقرام، ليصدم محبيه بتفكيره في الاعتزال بسبب ما ألم به.

كشف رامي جمال إصابته بمرض البهاق منذ فترة من الوقت، الأمر الذي يدفعه مع كل ظهور إعلامي له أن يحاول إخفاء آثاره من جسمه، ورغم محاولته المستميتة للعلاج باءت كل المحاولات بالفشل.

كتب رامي جمال في رسالته قائلاً: "الحمد لله الذي أحبني فابتلاني وأقدرني على الصبر.. من فترة ظهرت بقع بيضاء في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة".

وتابع رامي جمال حديثه: "رضيت وسلمت أمرى لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللي بقى يقولي هتتعامل إزاي وأنت فنان واللي يخاف يسلم عليا واللي يسألني هو ده معدي".

واستكمل رامي جمال قائلاً: "أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني أعمله عشان الناس مش هتقبلك كده، وفكرت في كلامهم بصراحة".

واختتم رامي جمال حديثه: "لقيت إن عندي حلين يا فعلا شكرا لحد كده على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة أن شكله غريب، والحمد لله على نعمة الأهل لأنهم الوحيدين اللي بيقبلوا الواحد زي ما هو".

وبعد إعلان رامي جمال بكل صراحة عن إصابته بمرض البهاق، تصدر اسمه غوغل مصر، كما دعمه العديد من النجوم منهم الفنانة زينة وشذى في أزمته من خلال إعادة نشر رسالته والتعليق عليها بكلمات مشجعة مليئة بالدعم.