رامز أمير يكشف عن حبيبته ورسالة غاضبة منه بسبب تعليقات الجمهور

لأول مرة، كشف الفنان رامز أمير عن حبيبته، ونشر صورة تجمعهما في حسابه الشخصي على موقع إنستقرام، موجهاً لها رسالة رومانسية، إلا أن تعليقات بعض متابعيه جاءت بكلمات مسيئة.

وكتب رامز أمير في رسالته لحبيبته: "اسف انى هستخدم الاكونت لحاجة شخصية يمكن متهمكوش، بس دى حاجة هتفرح اهم حد فى حياتى.. بصى بقه، انتى اجمل و اطيب و احن واحدة عينى شافتها، انتى دعوة دعيتها لربنا و اتقبلها منى و بعتك ليا، انا بقولك قدام الدنيا كلها انى بحبك، كل الناس بيخبوا وش ولادهم فى الصور بس انا هخبيكى انتى عشان انتى مش بس حبيبتى، انتى بنتى و اجمل نعمة ربنا بعتهالى، ربنا يخليكى ليا يا بأَليلو".

رامز أمير وحبيبته

تعليقات جمهور رامز أمير، أحد أبطال مسلسل الاختيار،  لم تقف عند مجرد التعليقات المشجعة التي تلقاها الفنان المصري، والتي أبدت عن إعجابها بصورتهما، ولكن بعض المتابعين كتبوا تعليقات خادشة للحياة بكلمات مسيئة تسببت في غضب أمير.

 وعلق الفنان المصري على التعليقات المسيئة قائلاً: "والله أخلاقى متسمحليش أرد على الكلام اللى اتكتب ده.. بجد مش عارف اقول ايه على المستوى اللى وصلناله.. خدوا بالكم من عيالكم يا جماعة، ربوهم كويس علموهم الأدب والاخلاق، علموهم يبقوا بنى أدمين ميبقوش حيوانات".

وأضاف: "علموهم يبقوا رجالة عندهم شجاعة ميستخبوش ورا شاشة، فهموهم ان ربنا بيحاسب على الكلمة اللى هما مستهترين بيها دى.. متخلفوش ولاد لو مش ناويين تربوهم عشان ربنا هيحاسبكم انتم كمان على اخلاقهم"

 

 

 

 

View this post on Instagram

 

 

 

 

 

 

 

 

 

اسف انى هستخدم الاكونت لحاجة شخصية يمكن متهمكوش، بس دى حاجة هتفرح اهم حد فى حياتى بصى بقه، انتى اجمل و اطيب و احن واحدة عينى شافتها، انتى دعوة دعيتها لربنا و اتقبلها منى و بعتك ليا، انا بقولك قدام الدنيا كلها انى بحبك، كل الناس بيخبوا وش ولادهم فى الصور بس انا هخبيكى انتى عشان انتى مش بس حبيبتى، انتى بنتى و اجمل نعمة ربنا بعتهالى، ربنا يخليكى ليا يا بأَليلو ?

A post shared by Ramez Amir (@ramezamir_official) on Sep 11, 2020 at 8:07am PDT