ديانا كرزون تكشف أسباب إصابتها بالاكتئاب والأرق

كشفت الفنانة الأردنية ديانا كرزون، عن دخولها في حالة اكتئاب شديدة بالإضافة إلى إصابتها بحالة من الأرق، بعد متابعتها للأحداث التي تقع على أرض غزة خلال الأسابيع الماضية، مؤكدة أن القصة أصبحت مصدراً للقلق والخوف بلا حيلة أو قوة.

حالة ديانا كرزون

وتحدثت ديانا كرزون عن صعوبة الوضع في غزة وتأثيره عليها بعدما أصبحت سيدة متزوجة وأماً، لافتة إلى أنها لا تحتمل مشاهدة الصور والأحداث، ولكنها أعربت عن احترامها لكل امرأة فلسطينية تودع ابنها بشجاعة وقوة وثبات.

وكتبت ديانا كرزون معلقة عبر حسابها بتطبيق إنستغرام، على وضعها النفسي الذي تدهور بسبب أحداث غزة: "أنا جد دخلت في حالة اكتئاب مش طبيعية مش قادرة أستوعب شو عم بصير، في غصة كبيرة بالقلب ببكي من جوا وما باليد حيلة غير الدعاء، بتحس إنو الإنسانية عم بتخف كثير أو يمكن بلشت تنقرض أو بطل في قيم ومبادئ زي زمان".

تابعت ديانا كرزون: "قبل ما أتزوج كنت أحس أمي بتزودها شوي، قديش كانت تخاف علينا وبعد ما تزوجت حسيت قديش الضنا غالي كثير، ولا شي بالعالم بيسوى شي قدام ولادي يلي هم أهم شي عندي وبالمرتبة الأولى من وقت ما بلشت الأحداث وأنا بشوف كل أم فلسطينية كيف بتودع ولادها وقلبها محروق عليهم وبنفس الوقت قديش قوية وجبارة".

وكشفت ديانا كرزون عن معاناتها مع الأرق والخوف على أولادها راشد وسلمى: "صرت ما أنام بالليل صار عندي أرق كل شوي أصحى أشوف راشد نايم واصفن فيه وأدخل عند سلمى بغرفتها واتطمن عليها آااااخ عالوجع ……الله يكون في عونكم يا الله وحسيبا الله ونعم الوكيل".

ولاقى منشور ديانا كرزون تفاعل من متابعيها، واتفقت الآراء معها بأن مصاب الفلسطينيين حالياً هو مصاب كل البيوت العربية، وأن معاناتها النفسية تؤلم الجميع وكتب البعض: "شكرا إنك طلعتي اللي بقلبك، محتاجين نعترف إنو تعبنا والله احنا بشر للأسف فكرت حنكون أقوى من هيك بكتير لأنو لازم نكون أقوى بس شكلو قلة الحيلة كسرتنا أكتر. حسبي الله ونعم الوكيل فعلاً أنا مرضت، قلبي محروق جسمي تعبان اكتئاب زعل ملل خوف يأس، لازم إيماننا يكون أقوى بس تعبنا إشي جنون".

فيما أضاف البعض: "أقسم بالله كل حرف كتبتيه انا اليوم كنت بحكيه لصاحبيتي....كتير تعبانة نفسياً انا...دخلت بحالة اكتئاب....بس الفرق بيني وبينك أنه ربنا ما أعطاني ولاد...بس حاسة بنفس الوجع اللي انتي حاسة فيه...كأنه عندي ولد وخايفه عليه...ونفسي يسمحولي أدخل غزة....ما بدي أحارب....بس بدي الملم والأطفال وأدير بالي عليهم....ياه يا الوجع .. يا رب دخيلك....مش طبيعي الجبروت اللي بأهل غزة".

يذكر أن ديانا كرزون كانت قد دعمت غزة في الأحداث الراهنة، وأطلقت أغنية بعنوان الشعب البطل مساندة لأهل فلسطين مؤكدة أن الأغنية تجسيداً لمعنى المقاومة وهي من كلمات سائد العجيمي، ألحان محمد بشار، توزيع موسيقي خالد مصطفى، من إنتاج وترى بروداكشن.