حازم إيهاب يروي تفاصيل وفاة ابنه ورفضه إجهاضه: مش هسامح نفسي

بكلمات مبكية، كشف الفنان حازم إيهاب عن رفضه إجهاض ابنه الذي توفى في مارس الماضي بعد أيام من ولادته رغم حصوله على فتوى من الأزهر بجواز إجهاضه بسبب وجود عيب خلقي في القلب، وروى تفاصيل اللحظات التي تلت وفاة نجله.

حازم إيهاب يكشف رفضه إجهاض ابنه المتوفي

وقال حازم إيهاب خلال لقاء له مع الإعلامية عبير بسيوني في برنامج رمادي إن طفله توفى بعد 13 يوماً من ولادته فقط: "ابني كان مكتوب له إنه ييجي الدنيا ويقعد معانا 13 يوم، وهيروح للي خلقه تاني، يعني ابن الذين ضمن الجنة من غير أي حاجة".

ولفت إلى أن زوجته لم تكن تعلم بعد ولادة نجلها أنه خضع للجراحة في القلب، مشيراً إلى أنه أخفى الأمر عليها في البداية، قائلاً: "يونس لما جه منة مكانتش عارفة إنه دخل العمليات، ودي كانت مشكلة أكبر بكتير. نقلناه المستشفى، وفضلنا نقول لمنة إنه تحت في الحضانة، كام يوم وابتديت أسرسب لها المعلومات واحدة واحدة".

وحول إجازة الأزهر له بإجهاض طفله قبل ولادته، لفت إلى أنه اكتشفوا أثناء الحمل في الشهر الخامس وجود عيب في القلب، قائلاً: "في حد في أمريكا قال لي إحنا عندنا هنا في الوقت ده بنقول ننزله، وكانت منة في الشهر الخامس، وأول ما عرفنا أنه ولد عرفنا إن في غرفة من غرف القلب مكانتش شغالة، وممكن نستنى شوية وقت وممكن تشتغل، والأزهر أفتى لي إن إحنا ننزله، بس أنا مكانش عندي المنطلق ده".

وأضافت أنه كان ضد فكرة الإجهاض خوفاً من شعوره بالذنب بعد ذلك والتفكير في استمرار حياة نجله، قائلا: "أنا تفكيري اللي ربنا كاتبه له هيشوفه، أكيد ربنا مش هيبقى عايزه يتعذب، بس مش هعرف أسامح نفسي إني ممكن أنزله، وأرجع أطارد نفسي بعدها بكام شهر، وأقول افرض كنت سيبته يكمل، مش جايز كان ربنا حط فيه معجزة".

حازم إيهاب يستعيد لحظات وفاة نجله

واستعاد حازم إيهاب تفاصيل بعض اللحظات التي تلت وفاة ابنه مباشرة مشيراً إلى أنه بدأ الترتيب للعزاء قبل أن يكتشف أنه لا يوجد عزاء للأطفال المتوفيين، قائلا: "من سذاجتي كأول مرة أحضر الموقف ده، أول حاجة عملتها كلمت حد حجز لي قاعة عزاء، وبعدها اكتشفت إن الأطفال مفيش لهم عزاء".

وأضاف: "ومن سذاجتي باخد يونس وهو يا حبيبي في الكفن، ورايحين نصلي عليه، فأمام المسجد قال يا حبيبي إحنا بنصلي على المتوفي عشان ربنا يخفف عنه ويرحمه، ده نصلي عليه ليه؟ إحنا نحاول نتمحك فيه عشان يدخلنا الجنة معاه".

وكان الفنان حازم إيهاب أعلن عن وفاة نجله يونس أثناء إجرائه الجراحة الثانية في القلب بعد أيام قليلة من إجرائه الجراحة الأولى في القلب.