تامر حسني يستجيب لطلب جمهوره بالإسكندرية ويرد برسالة ملهمة

قرر الفنان تامر حسني، أن يرد على مجموعة من طلبة الثانوية العامة بمدينة الإسكندرية، برسالة ملهمة بعد أن وجهوا له طلباً، عرضوه مصوراً في فيلم قصير.

رسالة إلى تامر حسني من طلبة الثانوية العامة

هذه ليست المرة الأولى التي يوجه فيها بعض الطلبة، رسالة إلى الفنان تامر حسني، وهذه المرة قرر طلبة الثانوية العامة بمدينة الإسكندرية أن يطلبوا من تامر الاحتفال معهم بحفل تخرجهم بسبب الضغط الذي يمرون به حاليا نتيجة الدراسة وقرب امتحانات الثانوية العامة.

وكتب الطلبة في بداية الفيديو المصور "نحن شباب الثانوية العامة في الإسكندرية، نمر بوقت صعب جدا حاليا ومضغوطين، حاولنا نقدم فكرة تدعمنا نفسيا، لم نجد من نأخذ منه الدعم والطاقة الإيجابية سوى ما سوف تشاهدونه في الفيديو التالي".

وقدم طلبة الثانوية العامة في الفيديو المصور، مجموعة من الرسائل لتامر حسني، حيث أخبروه بمدى حبهم له وتقديره لفنه الإيجابي، وأشار البعض لحبه لأغنية الموضوع فيك التي يعتبرونها مصدرا للإلهام.

وأكد طلبة الثانوية العامة على احتياجهم لدعم تامر حسني لهم، وطلبوا منه في نهاية الفيديو أن يحتفل معهم بتخرج الدفعة هذا العام، مستعينين بحديث بعض أساتذتهم عنه.

تامر حسني يرد على طلبة الثانوية العامة

ورد تامر حسني على طلبة الثانوية العامة، برسالة ملهمة نشرها عبر حسابه الرسمي على موقع الصور والفيديوهات إنستغرام.

وكتب تامر حسني في رسالته: "مش عارف أقول لكم قد إيه فرحت بكلامكم وباللي شوفته في الڤيديو من محبة صادقة وتأثير صادق وحقيقي بيننا، شكراً لكل طالب حس كلمة إيجابية مني وأثرت فيه سواء في كلامي أو أفلامي أو أغنياتي شكراً لكل مدرس وضع رسائلي الصادقة لكم في عين الاعتبار وخاطبكم بها"

تابع تامر حسني: "وحمداً لله إن علاقتنا مش مجرد فنان وجمهور لا دي أكبر من كدا بكتير ودي العلاقة اللي حلمت بها من صغري، بقدر الإمكان بخرج لكم من رحلتي كل ما هو إيجابي ليكم من نصيحة أخ إلى كلمة تحفيزية واللي جاي مني ليكم أكتر وأحلى بإذن الله".

تابع تامر حسني: "واثق إنه هيوصل قلوبكم عشان زي ما قولت لكم زمان اللي بيطلع من القلب بيوصل للقلب، شكراً طلاب إسكندرية وشعب إسكندرية العظيم شكراً شباب مصر أم الدنيا يا رب🤲🏻 كلكم ناجحين واللي عنده خطأ يصلحه الحياة لسه قدامكم والوقت لسه في أيديكم أي صعب هيعدي وبكرة تنجحوا وتبقوا أصحاب قصص حياة جميلة".

أضاف: "كل واحد فيكم لازم يبقى بطل في قصة حياته عشان كدا ما تزعلوش من أي صعب وأي أخطاء وأي فشل في أي اتجاه الحياة رحله ومشوار طويل مش موقف ولا موقفين، والحل الوحيد إننا ننجح ونعتمد على نفسنا وتتعلموا إنكم متسندوش على أشخاص عشان لو مشيوا ما تقعوش".

أردف تامر حسني: "اسندوا على،، أولا ايمانكوا بربنا دا أهم وأقوى سند تاني حاجة أسندوا على حلمكم ومجهودكم ونجاحكم أسندوا على قوتكم انتوا و هقولها لكم تاني إحنا في زمن صعب لو احتجت إيد تسندك وتدفيك امسك إيدك الثانية".

أوضح: "برغم إن في كتير طيبين بس الحياة تلاهي واللي سندك مرة مش هيسندك التانية، وكمان جه دوركم إنكم تفرحوا أهاليكم وتكونوا أنتم سندهم عشان لما بيكبروا هما اللي قلوبهم بتتحول قلوب أطفال و بتحتاج رعاية منكم أنتم بيبقوا محتاجين إنكم تردوا لهم اللي عملوه معاكم وأنتم صغيرين".

اختتم تامر حسني: "معلش طولت عليكم وعارف إن من سمات العصر إنكم مش بتحبوا تقروا الكلام الكتير بس أنا عارف كلامي رايح لمين رايح للّي محتاجينه ومستنيينه فهيقرأوه كويس جداً 💪🏼عشان من كل قلبي لحبايب قلبي وإن شاء الله هشوفكم قريب بالتوفيق يا أمل مصر".