بعد مفاجأتها: عارفة عبد الرسول تكشف عن الجانب الإنساني لرانيا يوسف

كشفت الفنانة عارفة عبد الرسول عن الجانب الإنساني للنجمة رانيا يوسف، وذلك بعد أن أهدتها الأخيرة هدية قيمة وفاجأتها بموقف غير متوقع.

وكشفت عارفة عبد الرسول عن هدية قيمة أهدتها لها الفنانة رانيا يوسف، وكتبت في حسابها االشخصي على موقع التواصل الاجتماعي، فيسبوك: "من كام يوم داخله التصوير لقيت زميلتى قاعده بتعمل شعرها وبتسمع فيروز قولتلها...سيدى ع المزاج الرايق انت مسجلاهم قالتلى...لا دى اذاعه الاغانى بتجيب فقره فيروزيه الساعه ٩ الصبح...قولتلها الله الله ع الجمال سالتنى عندك راديو قولتلها لا بس ممكن انزله ع الموبايل مش الراديو ممكن يجى ع الموبايل ابتسمت وسكتت".

 وأضافت: "النهارده لقيتها داخله عليا براديو فخم فى علبه فخمه برضه واديتهول هديه...انا اتلخبطت مش عارفه ابكى ولا افرح ....طول عمرى بادلع اللى حواليا وقليقلين قوى اللى دلعونى...فعلا الفرحه لجمتنى مش عشان الراديو عشان ماكنتش مصدقه ان فيه ناس حلوه كده....بوست للمره المليون فى حب الست....رانيا يوسف".

وتشارك الفنانة عارفة عبد الرسول العمل في مسلسل الآنسة فرح، بطولة أسماء أبو اليزيد، أحمد مجدي، محمد كيلاني، وهبة عبدالعزيز، وتامر فرج.

رانيا يوسف

 لرانيا يوسف جانب إنساني اظهرته بعد مواقفها، فمنذ أيام، نشرت رانيا يوسف، صورة لمدرستها في مرحلة الطفولة، وعلقت عليها بكلمات عبرت فيها عن حبها وامتنانها لها ولما قدمته لها.

وكتبت رانيا يوسف على الصورة التي نشرتها في حسابها الشخصي بموقع إنستقرام: "البوست ده في حب راهبات سانت كلير دي مديره مدرستي الانجليزيه راهبات سانت كلير في مصر الجديده سيستر مارجريت".

وأضافت: "الست دي اعظم ست شفتها واتعملت منها كتير في الحياه وعلي قد ماكنت بخاف منها جدا كنت ومازلت بحبها جدا.
وبحترمها جدا وعمري ماشفت ست بالاخلاق والتربيه والانسانيه والرحمه.. الملاك دي افنت عمرها كله في تربيه بني ادمين و اجيال على مر الانسانيه والاخلاق والرحمه مهما قولت مش ممكن اوفيلك حقك ربنا يحفظك ويكرمك ويديم الصحه ويجازيكي خير علي كل حاجه عملتها".