ابنة مي كساب تدفعها للبكاء لهذا السبب الحزين!

تفاصيل حزينة كشفتها الفنانة مي كساب على حسابها الشخصي على الفيس بوك، متعلق الأمر بطفلتها الوحيدة فريدة، التي جعلتها تشعر حقاً بحاجتها لوالدتها الراحلة في هذه الفترة من حياتها.

شاهدي أيضاً: صور جديدة لمي كساب مع ابنتها تكشف لأول مرة عن والد زوجها أوكا 

حيث كتبت مي كساب منشوراً دونت فيه معاناتها الحالية بعد انجاب ابنتها فريدة، لتقول: "أول ما أهل جوزي بيمشوا من البيت بأحس أني اتعريت بجد مش عارفة من غيرهم كنت عملت إيه.. اديني قاعدة أهو عاملة زي العيلة الصغيرة وماسكة في إيدي عيلة صغيرة وببقي محتاسة وبأحاول أقوي نفسي طول الوقت واعمل فيها جامدة بس أنا كدابة ولا طلعت جامدة ولا أي حاجة".

وتابعت مي كساب معاناتها لتقول: "بعيط لما بتعيط، وبعيط لما بقعد بيها لوحدي، صح محمد حرام بيعمل اللي عليه وبيطلع يشيلها معايا ساعتين عشان أنا أنام فيهم، بس أول ما بينام وأفضل أنا برضه بيها لوحدي بأفضل أعيط زي العيال، ما أنا عيلة ومن غير حضن أمي".

وتابعت مي كساب: "ياااااااه يا أمي سيبتيني بدري قوي وأنا عيلة ومحتاجالك قوي كنت فاكرة نفسي جامدة، طلعت فستك خالص بحاول أبقى أم وأنا من غير أم صعب قوي إحساس مش هيحسه غير اللي زيي وبس الله يرحمك يا أمي يا طعم الحياة يا كل الحياة".

وكانت مي كساب قد رزقت بابنتها فريدة من زوجها الفنان الشعبي أوكا منذ حوالي أسبوعين تقريباً.