إيمي سمير غانم ترد على مقارنتها بوالدها

تحدثت الفنانة إيمي سمير غانم، لأول مرة عن والدها الراحل سمير غانم ومقارنتها به في بعض الأحيان وذلك في أول ظهور لها منذ وفاته في مايو 2021، معتبرة أن وجودها في عائلة فنية لم يشكل ضغطاً عليها كما اعتقد البعض.

إيمي سمير غانم ترد على مقارنتها بوالدها

وقالت إيمي سمير غانم في برنامج كلام نواعم على شاشة mbc  إنه لا يمكن مقارنتها هي وشقيقتها دنيا سمير غانم والدهم الراحل في التمثيل والكوميديا خاصة أنه يتمتع بخفة ظل لا تملكها.

وأوضحت أنها ورثت من والدها بعض الأشياء: "خدت من والدي ووالدتي حب الناس ودي ميزة"، موضحة أن مقارنتها به لا يشكل ضغط عليها ولكنه حافز لها: "مش بحس بضغط لما بتقارن أنا أو دنيا بوالدي سمير غانم، لأن تاريخهم حافز ويساعد.. ولما تاخدي من حب الأب والأم دي ميزة والناس حبتني".

وتابعا: "عمري أنا ودنيا ما هنجيب ربعهم ومينفعش ومش صح يقارنوننا.. ويقارنوا شباب دلوقتي بعادل إمام وفؤاد المهندس أو عبد الحليم حافظ أو إسماعيل ياسين، بس احنا بردو مينفعش نتحط في مقارنة".

وأشارت إلى أنها لا تلتفت إلى حديث البعض عن مقارنتها بوالدها والانتقادات، قائلة: "لما أنتي تبقي موهوبة ومتبقيش دمك تقيل وفارضة نفسك.. والحمد لله حب الناس بيفيد مع أن الأبناء عندهم موهبة، مش بحس إن دمي خفيف زي بابي.. وفي ناس بقيت غريبة جدًا وبتعمل مقارنة وبتقول كلام مش حلو فمتركزوش مع الناس".

إيمي سمير غانم تكشف جوانب من شخصيتها

وأكدت أنها استفادت من حب الناس لوالدها ووالدتها سمير غانم ودلال عبد العزيز، معلقة:" حب الناس لهم أفادنا، بجانب إن لازم يكون فيه موهبة، لو مفيش أنا مش هكمل، فحب الناس للأب والابن يفيد الأبناء بجانب إن لازم الأبناء يكون عندهم موهبة سواء هو دكتور أو ممثل، أو أي مهنة أخرى

وحول طبيعة شخصيتها، أوضحت أنها لا تميل إلى الهدوء على الرغم من تمنيها أن تتمتع بهذه الصفة: "نفسي أكون الهادية والراكزة حاولت بس معرفتش، وجوزي غيري تماما وشايف إني عجوزة وأنا صغيرة".

ولفتت إلى أن متابعتها لأحداث غزة تتسبب لها في بعض الأحيان بعدم القدرة على التنفس: "مع الأحداث بتاعة غزة بمسك التليفون وببقى مش عارفة أتنفس ومش بنزل ومش عايزة اتحرك وهو بيقولي افصلي ومش لازم تعيشي التفاصيل كده".