أكرم حسني يكشف حقيقة رفضه التمثيل أمام عادل إمام

كشف الفنان المصري أكرم حسني الكثير من كواليس أعماله، وسبب رفضه المشاركة في مسلسل عفاريت عدلي علام، أمام الزعيم عادل إمام.

أكرم حسني في حبر سري

وقال أكرم حسني عن أزمته مع الشاعر عادل صابر قال أكرم حسني: "هو كان مستكتر إن إزاي اللي كاتب ستو أنا يكتب أغنية لمحمد منير.. فإمتى هيكون فيه مساحة للاستيعاب، وإن اللي بيعرف يعمل حاجة وارد حد غيره يقرر يعملها".

وعن تنافسه خارج السباق الرمضاني قال حسني: "اللي بره السيزون بينجح جدا، وفيه مشروع لمسلسل من 10 حلقات برة السيزون الرمضاني، وده بيخلي فيه أريحيه وبيخرج منتج كويس".

وكشف أكرم حسني عن أن بداية مشروع فني جمعته مع الفنان محمد عادل إمام، ووجه له سؤال حول مصير العمل الفني قائلاً: "أتجمعنا عند المنتج وائل عبدالله، واتفقنا يكون فيه عمل بينا، فين السيناريو يا محمد؟".

جزء ثاني من فيلم البدلة

وعن ترتيب الأسماء قال أكرم حسني: "مفيش حاجة اسمها بطل ودور تاني، فيه حاجة اسمها فيلم حلو، فيلم البدلة بطولة تامر حسني بالفعل على الورق، لكن لأن الورق مكتوب حلو، هل حسينا إن فيه فرق أو إن دور حمادة عين العقل مش حلو؟" ولما أشتغل مع تامر حسني طبيعي يكون اسمع قبل اسمي".

وأضاف: "مثلا أحمد أمين، بعد الوصية عمل أمين وشركاه، وبعدها جزيرة غمام، مش الناس طالعة بتتكلم على الشيخ عرفات! ده بيأكد إن الدور الحلو بيبان، ومش مسألة اسم مين على التتر.. لكن في مسألة الأجر آخد حقي".

رأي أكرم حسني في مسلسل رجالة البيت

وعن أزمة مسلسل رجالة البيت وتصريحات نجومه، ومن بينها اعتذار أحمد فهمي عن المسلسل قال أكرم حسني: "فيه نسبة ارتجال بس لو بنتكلم في تجربة وبنقيمها، إحنا لم نعط الورق حقه، كنا كلنا مشغولين، فماتعملش الورق بحه، لكن أنا بحب مسلسل رجالة البيت، وفيه مشاهد كتير كنا بنضحك فيها، النتيجة بقى دي من عند ربنا".

أما عن مسلسل بابا جه، كشف أكرم حسني أنه يتمنى أن يكون هناك أجزاء أخرى للمسلسل، وقيمه 98% معتبراً أنه من بين أقرب الأعمال إلى قلبه.

رفض أكرم حسني مسلسل عفاريت عدلي علام

وعن أصعب القرارات التي أخذها أكرم حسني في حياته، قال الفنان المصري: "أصعب قرار كان إني أسيب شغلي في الداخلية وأبقى مذيع، ده كان قرار صعب جدا". وعن رفضه المشاركة في مسلسل عفاريت عدلي علام قال أكرم حسني: "مين عاقل يرفض يشتغل مع عادل إمام؟ اللي حصل وقتها إني كنت بصور  مسلسل ريح المدام، فقولت وقتها على عيني، وأتمنى الشغل مع الزعيم، وشرف كبير إن يكون فيه ترشيح من الزعيم ليا حاجة تشرفني".

وعن برنامج أبو حفيظة وتكرار الشخصية: "لو حصل هبقى حاسب الخطوة ولازم يكون فيه ورق مهم، وأوظفه إزاي في رحلتي، وفي المرحلة اللي أنا فيها.. كان عندي خوف من  مواجهة الناس.. خوف طبيعي.. وقتها كانت نشرة افتراضية.. فقولت للشركة ليه اللي يقدمها مذيع عادي؟ وقتها مكانش عندي تصور معين لأبو حفيظة بس كان عندي تخيل لتفاصيله، فقولت لو جمعنا النظارة مثلا مع البدلة والمنديل هيطلع كاركتر مختلف".

أكرم حسني مهندس ديكور

وعن تصوره إذا استكمل دراسة الفنون الجميلة قال أكرم حسني: "ربما كنت صرت مهندس ديكور، وربما كنت تركت هندسة الديكور واتجهت للتمثيل.. أنا مجموعي مكانش يجيب، لكن هدفي مكانش هدفي فنون جميلة علشان فنون جميلة، لكن كنت بدور على أي حاجة فيها فن وأروح لها".

وعن زملائه في الداخلية ودفعته، قال أكرم حسني إن زملاءه أصبحوا لواءات الآن، موضحاً أنه لم يتخيل حياته إذا كان استكمل في الداخلية.

مسلسل الكابتن

وعن مسلسل الكابتن قال أكرم حسني إنه فعل كل ما يستطيع فعله ليخرج المسلسل بهذا الشكل، معبراً عن سعادته بسبب إشادة الإعلامية هالة سرحان بالمسلسل كما أوضح أنه لم يكن يخطط المشاركة في رمضان.