أفضل قصائد شاعر المليون

شاعر المليون هو برنامج تلفزيوني متخصص في مسابقة الشعر النبطي انطلق من إمارة أبوظبي في الإمارات بفكرة من الشيخ محمد بن زايد، برعاية هيئة أبوظبي للثقافة والتراث، لقي البرنامج متابعة جماهيرية واسعة في العالم العربي في نسخته الأولى سنة 2006 وعرضت العديد من المحطات الفضائية حلقات البرنامج الأسبوعية، كما قامت بمتابعة وتغطية الحدث إخبارياً العديد المحطات العالمية والعربية. ^[1]  

قصيدة محمد بن فطيس

الضيقة اللي دايمٍ تالي عصير
وش حيلتي وأردها لا تجيني
لا طال ظل العود حزة عشى الطير
كنها على سجن الحديد تحديني
يضيق صدري كل ما جات وأسير
ولايخفف سوج رجلي حنيني
لا حولنا مشراف ولا اقدر اطير
يالله قمسة خير لا تبتليني
وعقارب الساعة توقف عن السير
ولاكن في الدوحة سواتي حزيني
والعبره اللي تاصل الحلق وتحير
يا قربها لو قيل لي يا عويني
أمل شوف الناس ورد ومصادير 
واللي يقول اشفيك كنه يهجيني
يعني على ما قيل من باب تصوير
(لاحدٍ أبي قربه ولا أحدٍ يبيني)
أروح أدور خط مابه دواوير
وأدور اللي هادها تهتديني
وآخذ مع الهاجوس سجة وتفكير
وأراجع اللي فات بيني وبيني
وأحسب ذنوبي وأدور التكفير
عساي ما قصرت في والديني
وعساي ما قارنت من ينفخ الكير
واللي يحمل المسك جعله قريني
ويطري علي يوم الحشر وأطلب مجير
ما أعطى كتابي في شقيقة يميني
ويطري علي صدقان كثر الدنانير 
اللي اتعاديني إلا كثر ديني
وراعي الهروج اللي سوات المناشير
أصد عنه وأدري انه يعنيني
الله حسيبه يوم عرض القواوير 
والله حسبي من صواب مكيني
وإلا طرالي واحد كانه اصغير
 أم أصغر بيومين ولا سنيني
دريت وش قومي وعينت تفسير
للضيقة اللي من زمن تعتليني
حبه بصدري سالفة سر في بير
وكن الفواد يقول هذا زبيني
أشفق على علمٍ يجي منه من غير
لايسمع اللي سولفوا به ونيني
يا كثرهم غيرهم ولكن خبر خير
ما غير شوفه في الوجود يهنيني
رايي كذا يا عاشقين الغنادير
ماله على وجه البسيطه وزيني
العام أجيهم من حساب المسايير 
واليوم حال عداي وينه وويني
خطاي تعليق الأمل في المدابير 
الين راح وشفت حقري بعيني
صبرٍ جميل وخابر إنه مقادير 
والله على تخفيف حزني عويني
ذي حالتي لين اتغبا الشمس واصير 
معطى سراحي عقب مانا سجيني
واذا امتلى جوف الشجر بالعصافير 
طلبت من رب العباد يهديني
يعتقني المذن عقب ضيقة عصير
اللي على سجن الفراق اتحديني ^[2]  

قصيدة راجح الحميداني

لعَمْري لضيّع كل عمري وأنا أتحراك
وصالك مُقدمته وفرقاك عاقِبته
تلوّمت في دمعي ودمعي على لاماك
من عيوني جروح المقادير منجِبته
غيابك ف ذاكرتي لا جيت أكتبك وأقراك
تراه الغياب اللي لها الحين ما غِبته
هنا هايمٍ مصلوب قلبه على رجواك
على مايده من فقد والشوق مأدِبته
هنا شاعرٍ يسري من الضيقه لذكراك
ويعرج بعد مسراه لآفاق موهِبته
هنا والهِنا لو كان راحت معاك هناك
بقول الوله ذنبٍ من ذنوبي وتِبته
يا كم كنت أفتّش عند بيتك على ملقاك
كأنه سؤال وكنّ جيّاتي أجوِبته
جحد بابك بصمته خطاوي تحب خطاك
وأنا أقدامي أعز الصديقات لعتِبته
مراكب عتابي كلها ترسي بميناك
ولا أذكر بقالي طيب ف الحب ما طِبته
رحلت وربيع العمر عني رحل ويّاك
وبقى قلب جفّ وريح طاريك متعبته
تعال أسرق الوسواس من عقلي الشكّاك
جزيل أمنياتي روس الأحلام كاتِبته
ولا تعتذر عن ظلم بعدك وطول جفاك
إذا جبت نفسك ما بقى عذر ما جبته ^[3]  

قصيدة فايز الزناتي

طوى الصبح سجاد الظلام ومضى ثلثين   من الليل والشمس أقبلت حول مشرقها

والأفكار صارت تلحظ الفرق بالخيطين     وِهِي تحمل هموم الرضا فوق عاتقها

تنادت خيوط النور تستنهض الغافين      وأنا أقرا دهاليز الدروب ومِفارقها

تعبت أتهقوى شمعتي بالظلام سنين       تعبت أتقهوى دمعتي غصب واخنقها

يطول الطريق ولا بكت للهقاوي عين       وأنا صابحٍ نفسي بصبري وغابقها

تنصّف نهار العمر ما بين كيف ووين؟       والآمال بنتٍ تضحك لعين عاشقها

تعلّيت رجمٍ ما يمرونه الغاوين              سوى شاعرٍ نفسه من الناس سارقها

يبي يختلي بأحزان قلبه عن الباقين         ولا ودّه عيون المخاليق ترمقها

تقول الأماني باقيٍ في رقبتك دين            وعلى صوت دحات عْنِزة جيت أحققها

حضرت وقصيدي خابره ويعرفني زين      تعانقني جزال المعاني وأعانقها

قتلت الغياب اللي قهرني قبل عامين       وابرقي سما وأوراق الإحباط أمزقها

وصلت لملاذ الشعر يا ربعي الغالين          بلادٍ تراحيب الغلا ما تفارقها

عسى روح باني عزها للجنان آمين       وعسى الله يعلي بالمعزّه بيارقها

إمارات لا والله منارات للسارين           ضياها يشعّ بغرب الأرض ومشارقها ^[4]  

قصيدة زياد بن نحيت

ان ما وقفنا صفّ فـي وحـه الارهـاب

الـبـنــدق الـعـوجــا تــثــور فـشـقـتـهـا

وليـا اتحدنـا نشـنـق أرقــاب الاحــزاب

ولــيــا اختـلـفـنـا ولّــمــت مشنـقـتـهـا

والحّـيـة الـلـي تخـفـي الـسـمّ باللـنـاب

صـيـداتـهـا لاجــــا الــظــلام درقـتـهــا

دون الخليج ارواح واعمـار وارقـاب

للـمـوت سـكـرة والـنـفـوس عشقـتـهـا

بالمـعـركـة تـاتـيـك لـلـمـوت خــطّــاب

وان عيّـنـت سـومـات مـــوت فرقـتـهـا

أهـل الخليـج عيـون وشيوخهـا أهـداب

بـايـمـانــهــا وبـحــبــهــا طـوقــتــهــا

خليجـنـا يـلـبـس مـــن الـعــزّ جـلـبـاب

بشـتـه سـهـوم الـحـقـد مـــا شققـتـهـا ^[5]