أسما شريف منير تسرد قصة طلاقها الأول في كتاب ومقطع مبكي يعكس ما مرت به

فاجأت المذيعة وخبيرة التجميل أسما شريف منير متابعيها بطرحها أول كتاب لها بعنوان "طلقني"، تكشف من خلاله كواليس خاصة جداً نابعة من تجربتها الشخصية.

أسما شريف منير روجت لكتابها الذي تسرد فيه بعض التفاصيل الخاص بطلاقها الأول، كاشفة أن المحتوى يعكس ما مرت به بشكل شخصي، وأنها رغبت أن تشارك الجميع بتجربتها ربما تكون سبباً في فهم علاقاتهم الخاصة واختصار كثير من الألم.

واختصرت أسما شريف منير حديثها عن كتابها الأول "طلقني" بقولها: "هممم طب ايه؟! .. اشتري الكتاب ده و لا ايه؟! .. من أولها كدا بدأت بـ "طلقني" شكلها كده حاجة تخوف! .. يا تري بتتكلم عن ايه؟! .. ما يمكن تطلع مجنونة وجاية تبوظلي حياتي انا اصلاً متلصمة.. بس يمكن برضو تطلع عندها تجربة حقيقية واستفاد منها .. ولا إيه!".

وأضافت أسما شريف منير: "بصوا أنا باختصار هبسطهالِكم.. الكتاب ده عايزكم تفهموا الموضوع صح و تشوفوا تجربة حقيقية قدام عينكم علشان تستفيدوا منها يعني ما تقلقوش القرار في النهاية قراركم سواء إصلاح أو طلاق .. لأن الموضوع ده بالذات حسّاس وصعب وتفاصيله كتيرة وأنتوا ابطال الحدوتة و علي فكرة حتي لو مش متجوزين هتستفادوا .. هتحتاجوا تهدوا علشان تفكروا صح بعد ما تقرأوا".

وتابعت أسما شريف منير تعليقها على كتابها قائلة: "كتاب طلقني اللي بين اديكم دلوقتي بفتحلكم فيه باب حياتي زي ما عودتكم ديماً بس المرة دي بتدخلوا معايا منطقة خاصة جداً في حكاية حقيقية من واقع تجربة صاحبتها اللي بتكلّمكم علشان توفّر عليكم الوقت والمجهود و تعب الأعصاب ، ..انا بحكيلِكم علشان خايفة عليكم وبتمنى تستفيدوا وأكون سبب يخليكم تعملوا حاجة حلوة لحياتِكم .. #طلقني أول تجربة ليًا في الكتابة ..هحكيلكم فيها من قلبي عن حياتي و انا واثقة أنكم مش هتندموا".

كما حرصت أسما شريف منير على الترويج لكتابها الأول الذي يحمل اسم "طلقني" بطريقة مميزة، من خلال فيديو مبكي لسيدة تتشاجر مع زوجها بشكل مستمر وبتكي بحرقة من أفعاله.