MBC ترفض طلب مي عز الدين وتحملها هذه المسؤولية.. والأخيرة ترد "أنا قدها"

كشفت النجمة مي عز الدين عبر حسابها الشخصي على موقع التواصل الاجتماعي فيسبوك، أنها طلبت من إدارة قناة MBC مصر عرض مسلسلها "وعد" على قناة MBC مصر بدلاً من قناة MBC مصر 2.

وكشف مي عز الدين أنها كانت منتظرة أن يكون الاهتمام بعرض وإعادات مسلسلها بشكل أكبر لأن الشركة المنتجة للعمل تابعة لمجموعة إم بي سي، لكن القناة رفضت طلبها، وحملتها مسؤولية كبيرة كشفت عنها مي خلال هذه التدوينة:

"طيب أنا قضيت اليومين اللي فاتو بحاول أطالب إدارة قنوات Mbc مصر بزيادة إعادات المسلسل و عرضه على قناة Mbc مصر كمان لأنه بيتعرض علي Mbc مصر 2 فقط و دي ناس كتير مكانتش تعرفها ولا منزلاها وهو المسلسل الوحيد( اللي من إنتاج شركة تابعة ليهم و بالتالي كان من المنتظر الإهتمام بعرضه علي قنواتهم الإثنين ) ومع ذلك مش راضيين يخلوه بيتعرض علي القناتين بتوع Mbc مصر و سايبينه علي Mbc مصر 2 بس. و في الآخر الرسالة الوحيدة اللي وصلتني إن ده مقصود علشان دي الفرصة إن القناة تتعرف !!! يعني انا كده مطلوب مني أقوم قناة لوحدي !!! تمام و انا بقول لmbc قبلت المسؤلية و بإذن الله ربنا يكرم و القناة و المسلسل يتشافو و الحمدلله فيه علامات باينة من كم الإعلانات اللي جه من بعد اول حلقة للمسلسل و غيره وانا هعتبره إمتحان ليا يعرفني قدري عند الناس و هل فعلا بيحبو مسلسلاتي أو لا و نسبة الجماهيرية اللي وصلتها ايه مع اني مهما كان ليا جمهور اكيد كنت اتمني اني اتشاف من الناس اللي مش من جمهوري لأن ساعات بتكون كا مشاهد ملكش في ممثل لكن لو قابلت حلقة لمسلسله بالصدفه و عجبتك بتقرر تتابعه و ده في الاخر بيبقي خلاني كسبت مشاهد جديد بقي بيحب يتفرج علي اعمالي و ده طبعا مش هيحصل السنة دي لأن مفيش حد بيبقي معدي و بيشوف القناه دي بالصدفة الناس لسه اصلا بتتعرف علي طريقها من خلالنا و بينزلوها ... لكن قدر الله و ما شاء فعل و بالتالي عندي طلبين اولا بطلب من جمهوري و روابط الفانز بتاعتي تساعدني في نشر تردد القناه لكل الناس اللي مش عارفة تجيبها و بطلب من صحافتنا تشهد انا بدأت رمضان بقناة كم الناس اللي عارفها قد ايه و صفحتها حتي علي الفيسبوك فيها كام و بعد رمضان تقولولي بأمانة هل قدرت فعلا في ظل الظروف دي أنجح ولا لأ . و متابعة نسبة مشاهدة القناة علي اخر رمضان هتكون وصلت لأيه و مشاهدة المسلسل علي موقع شاهد دوت نت وصلت لأيه لأنه المكان الوحيد اللي الناس تقدر تشوف الحلقة فيه لو موصلوش للقناة. شهادة الصحافة و الجمهور ساعتها تعويض يكفيني.. ‫‏توكلت عليك يا رب‬.. النجاح عندك يا كريم‬".

قد يعجبك أيضاً:

الصور الأولى لشقيق زينة.. وهذا دوره في مسلسلها "أزمة نسب"
شاهدوا عبر الرابط https://t.co/KrlmZNd6jP pic.twitter.com/fzSrNU5UOI

— Layalina.com (@layalina) June 6, 2016