ياسمين عز تعتذر عن تعليقها على واقعة عروس الإسماعيلية: سوء تعبير
اعتذرت الإعلامية، ياسمين عز، عن تصريحاتها السابقة عن واقعة عروس الإسماعيلية بعد أن واجهت غضب كبير من رواد مواقع التواصل الاجتماعي وانتشار مطالبات بإيقافها والتحقيق معها بتهمة تأييد العنف ضد المرأة.
ياسمين عز تعتذر للجمهور على الهواء
وقالت ياسمين عز خلال برنامجها كلام الماس، إنها تعتذر عن تصريحاتها السابقة نافية أن يكون القصد منها تأييد العنف ضد المرأة، مشيرة إلى أن الأمر كان سوء تعبير منها على الواقعة.
وتابعت: "أنا بعتذر بشكل واضح وصريح إذا كان اللي قلته امبارح أتفهم منه اني بدافع عن العنف مش هقول أنه سوء فهم لكن سوء تعبير"
واعتبرت ياسمين عز أن التوفيق لم يحالفها في التعليق على الواقعة، معلقة: "التوفيق خاني إني أوضح اللي كنت أقصده واللي قصدته أن إذا كان الاتنين اتصالحوا يبقى هما أصحاب القرار وده طبعا مرفوض مننا كمجتمع لكن هما ليهم رأي تاني"
وأكدت أنها ضد استخدام العنف معلقة: "مش محتاجة أقول إني ضد العنف والضرب والإهانة وده اللي قلته امبارح أكتر من 3 مرات"
أوقفوا ياسمين عز يتصدر تويتر
وهاجم رواد مواقع التواصل الاجتماعي ياسمين عز بعد أن طالبت النساء بمسامحة أزواجهن في حالة تعنيفهن اعتبر المتابعون أن حديثها تعريض على العنف الزوجي ضد المرأة.
ودافعت ياسمين عز عن تصرف الزوج بضرب زوجته قائلة: "الرجل بطبعه حامي وحمش، وعلى المرأة أن تحتوي رجلها، فهو هدية ربنا لكِ على الأرض، ونعمة من ربنا عليكِ، حبيه وحافظي عليه، فهذه العروسة بنت ناس وأصيلة ولمت دنيتها، ودارت على شمعتها واحتوت الموقف وجوزها ورجلها، ومش معقول هتبوظ ليلتها وفرحها وحب 13 سنة عشان موقف احنا مش عارفين تفاصيله، مش كل اللي تشوفه أو تسمعه في كاميرا فيديو اتصور في شارع أو في بيت تصدقه".
واعتبرت ياسمين عز أن سعادة المرأة في وجود الرجل في حياتها، معلقة: "المسامح كريم، ومن تقول من أول ضربة أو لمسة أو تكة طلقيه دي مش بتحبك، واللي بتقول لك كدة مش هتجيب لك عريس، فمش كل حاجة تحصل من الرجل نقول يلا طلقني، ويقولون "ضل رجل ولا ضل حيطة".
وتابعت: "عارفين زمان الستات الطيبين كانوا بيقولوا، يا سي محمد يا سي عمر، وهي مأخوذة من "سيدي وتاج راسي"، سيقولون نرجع لعصر الجواري لأ، من ترتدي التاج هي الملكة، فأنتِ ملكته، جربي قولي له "عايز إيه يا سيدي وتاج راسي) وشوفي هيعملك إيه، والله ما هيزعلك، دي روشته كدة ونصيحة، اسمعي اللي بيقول لك حافظي على بيتك مش روحي اتطلقي".
واستكملت: ومين في مصر عمل الفرح ومكنش في خناقة الفرح بلا استثناء، جارتك وقريبتك وكلنا فهي عين حسد، لازم يوم الفرح تحصل الخناقة.
واختتمت حديثها قائلة: "وضرب الحبيب زي أكل الزبيب، مش أي ضرب ولكن مش من أول تكة أمحيه له تاريخه ممكن تكون غلطة، ألم الدنيا وأقفل على بيتي، العروسة بنت أصول وبنت عيلة، والعريس أنا واثقة أنه يحبها، وطالما لم يتحدثوا في التفاصيل فهي لا تهمنا".