ياسمين عز تطالب الزوجات بعدم التنفس في حضور الزوج

مقالات ذات صلة

ياسمين عز تثير جدلا بتشبيه الزوج بفرعون وتواجه انتقادات لاذعة

تقارير: انفصال ياسمين صبري عن زوجها

ياسمين عز

أثارت الإعلامية ياسمين عز حالة من الغضب مجدداً بالنصائح التي قدمتها للسيدات حول قواعد التعامل مع الأزواج في المنزل أو في المطعم، وطالبت الزوجات بعدم التنفس بحضور زوجها وهو ما أثار حالة من الغضب على مواقع التواصل الاجتماعي ضدها.

ياسمين عز تطالب بعدم التنفس في حضور الزوج

وقالت ياسمين عز: "لو أنتي قاعدة جنب جوزك متتنفسيش وهو بيتنفس، عيب تتنفسي وجوزك بيتنفس في نفس الوقت، ننظم الحركة مع بعض، مبقولش تكتمي نفسك وتموتي مكتومة لا بعد الشر".

وتابعت خلال برنامجها كلام الناس المذاع على شاشة MBC مصر: "أقصد وهو متعصب وصوت نفسه عالي من العصبية، متنفخيش أنتي كمان، ده هيزود شحنة الكهرباء والعصبية، سيبيه يهدى لوحده، ونظمي نفسك".

وصدمت ياسمين عز السيدات بتصريحها حول أستاذان الزوجة لزوجها قبل الذهاب إلى الحمام قائلة: "حاجة كمان لو انتوا قاعدين مع بعض بتتسامروا، مينفعش تقومي فجأة من جنبه في نص كلامه وتمشي من غير إذن وتروحي الحمام.. الحمام مش أهم من جوزك يا مدام".

وأوضحت ياسمين عز: "أنت ممكن تستنيه لما يخلص كلامه، ولو مستعجلة ممكن تقولي له بلطف من غير ما تقطعي كلامه حبيبي هروح أعمل حاجة وجايه، أو هروح أغسل إيدي عشان حاسة إنها محتاجة تتعطر شوية".

ياسمين عز تضع قواعد التعامل مع الزوج في المطعم

وحددت ياسمين عز قواعد للتعامل مع الزوج في المطعم، ونهت الزوجات عن الحديث مع مقدمي الخدمة وتوجيه الحديث للزوج فقط.

وأضافت: "لو قاعدين في مطعم وجوزك واخدك يأكلك ويشربك، مينفعش وهو قاعد جنبك تنسحبي من لسانك وتتجردي من شعورك وتتكلمي قبله مع الجرسون. لو حابة تطلبي حاجة وجهي كلامك لجوزك وقولي حبيبي فرعوني ممكن تتطلب لي مثلا نص بطة بالبرتقال ومعاها عصير برتقال".

وحذرت ياسمين عز الزوجات من امتداح شيء يحمل صفة المذكر أمام الزوج حتى لو كان ذلك عصير البرتقال، قائلة: "لازم تبصي لجوزك وتقولي العصير حلو بس مش أحلى من جوزي".

وأشارت ياسمين عز إلى أن هناك بعض المواقف التي قد يتعرض لها الزوج من بينها نسيان نقوده، موجهة نصائح للزوجة حول كيفية التعامل في ذلك الموقف.

وقالت: "لو جوزك أبو الكرم نسي سهوا محفظته أو فلوسه في البيت، إياكي تطلعي فلوس من شنطتك وتديهاله قدام الناس، دي حاجة مخجلة ومهينة للراجل".

وتابعت: "علشان تحافظي على كرامة جوزك، تروحي مكان الدفع وتقولي أنا عاملة مفاجأة لجوزي وعازماه، أو تديله الفلوس من تحت المفرش، أو تسيبي شنطتك بشياكة على الكرسي جنبه، وتقولي بعد إذنك أنا رايحة الحمام ممكن تحاسب".