ياسمين رئيس أنا أم وست بيت والتمثيل هواية مش مهنة والرجالة غلابة
كشفت الفنانة ياسمين رئيس، عن الكثير من الأسرار في حياتها المهنية والزوجية، وكانت المفاجأة أن التمثيل هواية وليس مهنة، وقالت نصاً:" التمثيل بالنسبة ليا مش مهنة، لكن مهنتي الأصلية هي ست وأم، شكلي مش بيبان عليه لكن ده إحساسي"ـ لافته إلى أنها لا تشعر أن مهنتها التمثيل، قائلاً: "عاوزة أحس إني أمارس هوايتي، دايما بقولها أنا ست بيت وبعدين ممثلة، يمكن شخصيتي مكنتش كده في الأول، وبحس كل فترة تفكير الواحد بيتغير وشخصيته، أنا بحس كل 5 سنين تفكيري بيتغير".
ياسمين رئيس الرجالة غلابة اوى
وأضافت ياسمين رئيس، خلال تصريحاته في برنامج الحكاية مع الإعلامي عمرو أديب ، على قناة MBC مصر، مساء أمس، إن الرجال طيبين، وقالت :"كل رجل له مفتاح غير التاني، مفيش مفتاح يفتح على كله، ده لو فيه مفتاح، الستات أصعب من الرجالة، الراجل بسيط، وبعد ما خلفت ولد بقت بتصعب عليا الرجالة، الرجالة غلابة أوي والله، فيه ستات قلبها في ودنها.. وفيه اللي بتحب الأفعال.
ياسمين رئيس المرأه تحب الكلام الحلو
وتابعت حديثها عن الرجال :"مقدرش أقول مفتاحي كده على الهواء، مينفعش، بس فيه ستات بيحبوا الكلام، قلبها في ودنها، بتحب تسمع كلام حلو، وفيه ستات بتشوف الكلام لوحده مش كفاية عايزة تشوف أفعال"، لافتة إلى النساء أصعب من الراجل، مؤكدة أن الرجل بسيط، وبعد إنجابها ولد صعب عليها الرجالة.
وأكدت أن النساء يعشقون الكلام الحلو والطيب، وقالت:" أي امرأة تحب الكلام الحلو طول الوقت من الرجل الذي تحبه، علشان كده لازم الرجل يفضل يقول كلام حلو للحبيب".
ياسمين رئيس: دينا الشربيني أختي
وعن سؤالها عن علاقتها القوية مع الفنانة دينا الشربيني، خاصة ظهورهم الدائم معاَ على مواقع التواصل الاجتماعي، والتأكيد على أنهم أصدقاء قالت "رئيس": " دينا الشربيني حبيبتي وصديقتي واختي، اتفرجت على مسلسل قصر النيل وكان لازم أقولها على رأيي، أحنا أصحاب من زمان جدا، من قبل التمثيل ولغاية دلوقتي أصحاب جدا، دينا أختي، وماما لما اتوفت كانت هي معايا في كل حاجة، في جوازي ووفاة أمي، وأنا وقفت معاها في حاجات كتير بس هي تقول عليها".
ياسمين رئيس دلال عبدالعزيز لا تعوض
وعن علاقتها مع الفنانة الراحلة دلال عبدالعزيز، أوضحت "رئيس":إن دلال عبد العزيز ست لا تعوض، وأنها عاشرتها في وقت تصوير مسلسل ملوك الجدعنة، وقالت:" الست ديه في قلبي وهتوحشني كتير، طول الوقت كانت بتفكرني بماما معرفش لية، حنينة أوي".
ياسمين رئيس هادي الباجوري ذوقه حلو جداً
ورداً على سؤالها حول إذا كان زوجها المخرج هادي الباجوري يهتم بالتفاصيل ويشعر في حالة تغير لون شعرها أو قيامها بالحصول على ذوقه في أي نيولوك جديد، قالت :"جوزك بياخد باله أما أغير لون شعري، دا جوزي أكتر حد بياخد باله، ده شغله كله مع ستات وذوقه حلو جدا جدا في كل حاجة".
ياسمين رئيس فاتن حمامة قدوتي
وقالت الفنانة ياسمين رئيس، إن الفنانة الراحلة فاتن حمامة، سيدة الشاشة العربية، مثلها الأعلى في التمثيل، لافتة إلى أن كانت تقوم بتقليد أدوار فاتن حمامة قبل احترافها التمثيل، فهي تحبها جداً، إضافة إلى عشقها لأغاني عبد الحليم وأم كلثوم و وردة وميادة، قائله: "كل واحد في عيلتي مرتبط معايا بمطرب معين زي فريد الأطرش بيفكرني بوالدي وحسن الأسمر بيفكرني بخالي".
ياسمين رئيس في فيلم قمر 14
وشاركت الفنانة ياسمين رئيس، فيلم قمر 14، وكان ضمن فعاليات مهرجان الجونة السينمائي الدولي بدورته الـ5، ويشاركها البطولة خالد النبوى وأحمد الفيشاوى وشيرين رضا.