هند عاكف تنهار باكية وتروي تفاصيل طردها من مهرجان القاهرة السينمائي

مقالات ذات صلة

هند عاكف بإطلالة لافتة تحمل صور النجوم في مهرجان القاهرة السينمائي

الأمن يمنع هند عاكف من دخول مهرجان القاهرة بسبب ملابسها

فيديو: طرد سما المصري من مهرجان القاهرة السينمائي والسبب!

أعربت الفنانة هند عاكف عن غضبها وحزنها بعد ما حدث معها في مهرجان القاهرة السينمائي الدولي في دورته ال44، حيث منعت من الوقوف على السجادة الحمراء بحجة أنها غير مدعوة لحضور المهرجان.

سبب طرد هند عاكف من مهرجان القاهرة

وخلال استضافتها في برنامج "نص الكلام" مع الإعلامية راغدة شلهوب بكت هند عاكف بسبب ما حدث وقالت: "ينفع الكلام ده مع فنانة بتشتغل وهي عندها 4 سنين، أنا كنت بدخل المهرجان ده والدعوة بتبقى في العربية، الدعوة كانت من زميل مش هذكر اسمه، قالي يا هند أنا شفت الفيديو بتاعك وانتى عايزة تروحي المهرجان، قولتله أيوه أنا عايزة أروح".

وأشارت الفنانة المصرية إلى أنها حصلت على وعد بالذهاب إلى المهرجان، وذكرت: "قالي أنا مش هروح عندي ظروف ومسافر، أنا هبعتلك دعوتي، معرفش بقى فيه أسامي أو مفيش أسامي، قلتله أوكيه، قالي بس متبلغيش حد أني أديتك دعوة عشان هم ممكن يبعتولك دعوة، لو بعتولك دعوة هاتيلي الدعوة، عشان ممكن اديها لحد تاني".

وتابعت هند عاكف وهي تنهار في البكاء: "يومها أنا نزلت كنت ماسكة الفستان، وكنت نازلة بالدعوة من البيت، أنا دمعتي نزلت دلوقتي حتى يصعب عليا تاريخي وتاريخ عائلة عاكف، اللي أنا شايلاه طول عمري ومحافظة عليه، يقوم المنظمون يعملون كده، وكان فيه لازم أورود يتاخد، أنا معرفش راحت فين الدعوة، لقيت نفسي وصلت، قولت استحالة يعملون معايا موقف زي ده، لازم يدخلونني، أو يتصلوا بالإدارة جوه ويدخلوني من غير مشاكل، أنا ليا تاريخ بجد أنا مش بهزر، أيا كان كبيراً أو صغيراً، أنا ليا تاريخ وليا وضعي وأعمالي الفنية المحترمة، بغض النظر إني بعدت شوية وليا تاريخ أيضا في الفترة اللي بعدها، أنا مبعدتش عشان اتفسح أنا كنت بعمل حاجة لصالح بلدي وللمواطن المصري".

هند عاكف تحكي كواليس منعها من حضور المهرجان

وأوضحت هند أنها أجرت اتصالاً مع مكتب الفنان حسين فهمي لتلقي الدعوة فأجابوها بأن نقابة المهن التمثيلية هي المسؤولة، لتتصل بالنقيب أشرف زكي لتتأكد فأجابها زكي برسالة صوتية قال فيها "مفيش الكلام ده".

وأوضحت عاكف خلال منشور لها على الفيسبوك قائلة" تواصلت مع إدارة المهرجان لإرسال دعوة حفل الافتتاح وأبلغوني أني غير مدعوة بعد فحص كشوفات أسماء المدعوين لحفل الافتتاح".

وأضافت :" ذهبت لمقر المهرجان وطلبت مقابلة حسين فهمي وأمير رمسيس لاستلام دعوة حفل الافتتاح ولم أجدهما أبلغتني واحدة من المسؤولين أن حسين فهمي رئيس المهرجان قال لا ملهاش دعوة لحضور حفل الافتتاح".