هدى المفتي تكشف تفاصيل أزمتها الصحية ومفاجأة في علاقتها العاطفية

مقالات ذات صلة

فاطمة الأنصاري تكشف تفاصيل أزمتها الصحية

هلا رشدي تكشف تفاصيل أزمتها الصحية

بسمة وهبة تكشف تفاصيل أزمتها الصحية والنفسية بسبب الخيانة

كشفت الفنانة المصرية هدى المفتي، الأزمة الصحية التي تعرضت لها في الفترة الماضية وكيف مرت بها. 

وقالت هدى إنها أصيبت بفيروس كورونا عقب ذهابها إلى مدينة الجونة على ساحل البحر الأحمر، وأنها لم تحصل على أدوية سيولة، ما أصابها بجلطة.

وقالت المفتي في لقائها مع الإعلامية منى الشاذلي: "الجلطة كانت في الوريد اللي بيوصل دم للأمعاء، وكنت بحس بحرقان وحاجات غريبة ونومي غريب، وكنت فاكرة أن عندي حاجة في القلب، وعملت رسم قلب لقيت مفيش حاجة، وفي رأس السنة كنت مسافرة مع واحدة صاحبتي إلى الأقصر وأسوان، وفجأة هناك تعبت تعب مش طبيعي، ووجع مؤلم في حياتي مشوفتهوش، وكنا في مركب وعلقوا لي محاليل، واتبهدلت، ولولا صاحبتي كانت معايا مكنتش هبقى موجودة، وكانت بتديني الدواء".

أزمة هدى المفتي الصحية

أنهت الفنانة الشابة إجازتها وعادت إلى القاهرة، ودخلت المستشفى والدكاترة، وانتفخت بطنها إلى درجة كبيرة، وكشفت أن الأطباء لم يعلموا طبيعة حالتها الصحية،  يعملوا عملية، وقولتلهم مفيش مشكلة افتحوا بطني، بس عايزة أخلص من اللي أنا فيه، الجلطة كانت في الوريد اللي بيوصل دم للأمعاء وبسبب عدم معالجته بسرعة عمل غرغرينا في الأمعاء، وتم استئصال جزء من الأمعاء، والعملية كانت كبيرة وقعدت في العناية المركزة شهر وشوية، وكان ممنوع الزيارة والأكل، اتبهدلت أوي، وكانت تجربة وحشة أوي، وعلمتني حاجات وخلت يبقى عندي أولويات معينة، وبدأت أفكر في حاجات بحياتي، خلاص لازم تتلغي، وعلاقتي بربنا اتحسنت أوي بعد الموضوع ده".

وكشفت هدى المفتي تفاصيل أزمتها الصحية: "كنت في الأوضة 24 ساعة عيانة، وأختي الكبيرة بس اللي كان مسموح لها تدخل الأوضة، ومن كتر الادوية، كنت بنسى اللي بره دول مين؟، عارفة العيون بس مش فاكرة الاسم إيه والتجربة كانت عميقة، اللي بقوله ده السطح، بس بجد مبحبش أتكلم فيها، عشان في ناس ممكن تقول إني عايزة أكسب تعاطف الناس، وأنا أخر واحدة تعمل كده، واتعلمت ان أي حاجة ولها أخر، السعادة مؤقتة والوجع مؤقت، وكل حاجة مؤقتة، أنا حاليا واخدة إجازة مبعملش حاجة غير إني أشتغل ومركزة في صحتي النفسية".

علاقة هدى المفتي العاطفية

انتشرت في الفترة الأخيرة أخبار عن ارتباط هدى المفتى عاطفياً بمطرب الراب الشهير ويجز، وقالت: "مبحبش حد يتدخل في حياتي.. أو يسأل في تفاصيل شخصية، بحب أحط ستوريهات وصور وحاجات أحيانا يبقى محدش فاهمها وأنا بس اللي فاهمها".

وتابعت: "بحب يبقى فيه حاجات عن شغلي أكتر.. مبحبش حد يتدخل في حياتي، ولا يتدخل بطريقة غير لائقة، أو أتسأل أسئلة شخصية". وردا على سؤال الإعلامية منى الشاذلي: "زى إيه الأسئلة.. مرتبطة ولا لأ؟" قالت هدى المفتي: "مش ححكي حاجات خاصة، أو تفاصيل الشخص اللي مرتبطة بيه أكيد، معنديش مواصفات فيه صفات، وفيه فرق كبير، مواصفات بتتكلم عن الشكل، والشكل آخر حاجة أفكر فيها، لأن الحاجة من بره مبتتقريش، ومبيفرقش معايا الشكل نهائي، لا ده ولاده، يفرق معايا الإنسان بشكله وروحه".