هجوم على محمد رمضان بسبب نعيه لسمير غانم بفيديو استفز متابعيه
أثار الفنان المصري محمد رمضان، غضب متابعيه بنعيه للنجم الراحل، سمير غانم، حيث نشر الفنان المصري مقطع فيديو استفز المتابعين ودفعهم للهجوم على رمضان في التعليقات.
وفي نعيه نشر محمد رمضان مقطع فيديو لسمير غانم وهو يشيد بأدائه، وعلق عليه كاتباً: "الله يرحمك ويسكنك فسيح جناته يا عملاق المسرح واسطورة الكوميديا #أستاذ #سمير_غانم امتعتني كمشاهد وشهادتك في تاريخي وسام اتشرف به طول عمري .. ربنا يصبر قلوب كل جماهيرك واسرتك".
محمد رمضان يستفز المتابعين بنعيه لسمير غانم
في مقطع الفيديو ظهر سمير غانم وهو يتحدث عن محمد رمضان خلال لقاء تليفزيوني له في إحدى البرامج مع الإعلامية رغد شلهوب، حيث قال سمير غانم رداً على سؤال حول أشهر الكوميديانات الشباب، إن محمد رمضان هو أفضل كوميديان في جيل الشباب.
وقال سمير غانم في حديثه عن محمد رمضان: "نجم الكوميديا في جيل الشباب هو محمد رمضان، فظيع لما يعمل كوميدي مكسر الدنيا ويضرب، شاب جميل وقلبه أبيض، عمل مرة فيلم كوميدي وعمل شنب، انا ككومديان حسيت بيه، يعني لو ركز شوية وأخد خط الكوميديا هيعمل شغل حلو أوي".
وأشار سمير غانم في حديث عن محمد رمضان إلى دوره في فيلم واحد صعيدي، والذي قدم فيه محمد رمضان واحد من أدواره الكوميدية القليلة، ونشر محمد رمضان لمقطع الفيديو ورطه مع جمهوره، حيث اعتبر عدد كبير منهم أنه يستغل أي موقف ليُظهر الإشادة به، وبمجرد نشر الفيديو انهالت عليه التعليقات ومنها: "خبر موت سمير غانم شنو دخله برأيه عنك؟"، "حتى انت بتعزيه ، جايب فيديو تشكر في نفسك ياربي"، "هو لازم تدخل اسمك ف كل حاجة ما كفاية صورة انتا غريب"، "كل ما يموت شخص لازم تنزل شهادة بيك".
كما اتهمه البعض بأنه يفتقر للإنسانية، حيث جاء في التعليقات: "يا ابني هو انت كل موقف تستغله لمصلحتك ارحم نفسك انت فاقد الإنسانية"، "انت غرورك مش طبيعي حتى لما بدك تنزل تعزيه لازم يكون فيها مدح ل نفسك الله اكبر"، "ربنا يرحمه مكانش عنده نظر ف الي قدامه"، "أنا ما شوفتش في حياتي حد زيك، أنت يابني ما بتفوتش حاجة إلا ولام تستعرض فيها عضلاتك، احترم مشاعر الناس، إيه علاقة خبر وفاة حد بإنك تنشر برضه فيديو بيمجد فيك، أنت محدث نعمة!".
كما حاول عدد من متابعيه تقديم النصيحة له في عدد من التعليقات منها: "بص يابني أناحقولك الكلمتين دول علشان أنا شاب زيي زيك، بس اللي أنت بتعمله ده عمره ما حيكون في صالحك، أكبر للظرف اللي الناس بتمر بيه، أنت بتتعمد تستفزهم ليه! لو حد مفهمك إن ده بيخلي الريتش على صفحتك يزيد وبيعلي سعرك، فماتمشيش وراه، لأن أنت المفروض أكبر من كدة ومش محتاج فلوس، فعيب لما واحد كبير بحجم سمير غانم يموت، فأنت برضه ماتنساش تمجد نفسك وتنزل فيديو هو كان بيتكلم عنك فيه، أه حلو إن أنت تبين الناس بتقول عنك إسه، بس مش وقته، أكبر للناس".