مي كساب تعيش حالة نفسية سيئة بسبب إصابة ابنتها
تعيش الفنانة مي كساب حالياً حالة نفسية سيئة للغاية بسبب إصابة ابنتها الوحيدة "فريدة" بعد سقوطها، وكعادة مي تحب أن تشارك جمهورها الكثير من الأمور في حياتها، وروت مي ما حدث بعدما نشرت صورة لآية قرآنية على حسابها الرسمي على تطبيق إنستجرام، وعلقت على الصورة بتفاصيل الواقعة.
وأكدت مي كساب في بداية تعليقها بأنها لم تكن ترغب في الحديث عن الأمر، لكن لأن جمهورها يمثل جزء كبير ومهم في حياتها قررت البوح له بما حدث، حيث كتبت مي كساب "ما كنتش عاوزه اكتب اي حاجه ولا أتكلم بس اتعودت إنكم جزء مني بافرغ اللي جوايا معاكم وبافرح بكلامكم الحلو اللي بيديني كل الطاقه الإيجابية اللي بتخليني قادره اكمل في الحياه امبارح كان يوم وحش قوووي اصعب من يوم وفاه امي اول مره هاقول الكلام ده في حياتي لما امي ماتت فضلت تعبانه نفسيا جدا وحاسه ان انا السبب انا اللي أخدتها واديتها الإشعاع وفضلت عايشه كتير بالإحساس ده بس الحمد لله ربنا كان حاضني جدا واداني إشارات كتير قوي تبرد قلبي وانا الحمد لله جريت ع الكعبه عشان أبرد قلبي وعملت عمره لامي وهديت خالص وقلت انا لله وانا اليه راجعون ده عمرها وانتهي لحد هنا".
شاهدي أيضاً: الفيديو الأول لابنة مي كساب يكشف تفاصيل مضحكة بينهما
وتابعت مي كساب "امبارح كنت شايله فريده مشيت بيها بالظبط متر من الريسيبشن للجنينه كنت عاوزه اقعدها في الشمس راحت أيد الكرسي مفكوكه ووقعت ع الارض عشت اسود يوم في حياتي كنت حاسه كأني مجرمه مذنبه قلبي مش قادره أوصف عامل ازاي عينيه ما بتنشفش من الدموع عندها كسر في عضمه الترقوه يا قلب امك طب دي هتستحمل ازاي هانام ازاي الليل هيعدي علينا ازاي بس الف حمد وشكر لله عدي الليل وربنا رحمته واسعه الحمد لله قل لن يصيبنا الا ما كتب الله لنا ربنا يحفظ اولادنا الضنا غالي قوي الله يرحمك يا امي ربنا يقوي كل الأمهات والابهات علي تربيه ولادهم والحفاظ عليهم ربنا يقدرني ويحفظلي بنتي ويخفف عنها الالم بصتلي بصه امبارح بالدنيا كلها كأنها بتتكلم وبتقول لا يا ماما ما تعيطيش انا هابقي كويسه ربنا يحفظك يا نور عين ماما ربنا يرزق كل مشتاق".
ليالينا تتمنى الشفاء العاجل لفريدة ابنة مي كساب.