مي حلمي ترد على انتقادات زيادة وزنها بفيديو طريف
نشرت المذيعة مي حلمي فيديو طريف على تيك توك، ترد به على الانتقادات التي توجه لها بسبب زيادة وزنها، فظهرت وهي تمسك بساندويتش وأثناء تناوله تعلق على الأمر.
مي حلمي ترد على منتقدي زيادة وزنها
ردت مي حلمي بطرافة على التعليقات السلبية التي تكتب لها، وتشير إلى زيادة وزنها فنشرت فيديو مضحك وعلقت عليه قائلة: "خليكي في حالك يا أم حمودة تمام".
This browser does not support the video element.
تفاعل متابعو مي حلمي مع ردها الطريف على المنتقدين، مؤكدين لها أن مسألة كتابة التعليقات السلبية أصبحت أمراً يعاني منه الجميع، متغزلين بخفة دمها وطريقتها الخاصة للرد على من يقحم نفسه في حياتها ويعلق على نحو غير مقبول.
مي حلمي ومحمد رشاد
من ناحية أخرى، أحدثت مي حلمي ضجة بفيديو نشرته عبر حسابها على انستقرام، كشفت من خلاله عن الأزمة التي يعاني منها زوجها محمد رشاد نجم اراب ايدول بسبب شرط جزائي.
مي حلمي أطلت وهي تبكي ومتأثرة للغاية، كاشفة عن تعرضها للتهديد بالحجز على منزل الزوجية بسبب شرط جزائي في عقد زوجها محمد رشاد، وقالت في الفيديو: " لما تصحى من النوم من غير أي سابق إنذار، وتلاقي حد عايز يحجز على بيتك ويدمر اسمك وحياتك هتعمل إيه، أنا بدعم جوزي وبقول كفاية وقف حال فينا بقى، فيه قضية وعشان العقد وحاجة تبع شغل محمد رشاد في الغنا والمبلغ كان 5 مليون وفضل المبلغ يطلع وينزل وأنا معرفش بقى كام".
This browser does not support the video element.
وأضافت مي حلمي: "فيه ناس هدفها في الحياة إنها تأذي وبس، وعايز يأذي رشاد، ده واحد لسه بيبتدي حياته ده 30 سنة، حاول يكلم ناس كتير ويقسط المبلغ وده كل اللي همه أنه يشوف البني آدم الطيب ده محبوس، ليه هخبي حاجة زي دي النهاردة وانتوا شوفتوا بدايتنا مع بعض وحبنا خناقتنا وكل حاجة، تخيلي تصحي من النوم في بيتك اللي انتي تعبتي عشان تبنيه.. عايز تدخل تاخد اللي في البيت خده، بس سيبنا في حالنا".
كما كشفت مي حلمي في الفيديو أن الشخص الذي يهددهما لم يقف الأمر فقط على زوجها، ولكنه يستخدم علاقاته لمنعها من العمل هي الأخرى قائلة: "كفاية وقف حاله فيه وفيا، وأنا مكنتش أعرف، بسبب علاقاتك وأصحابك بتكلم فلان إني مشتغلش تعالى خد اللي انت عايزه بس سيبنا في حالنا، لما انت كارهه مضيت معاه ليه، مالك ومال شغلي مالك ومال حياتي، هو يا جماعة عايز ينفذ حكم على رشاد بسبب الغنا، رشاد عنوانه في طنطا مالك ومال بيتي أنا! جه عايز يكسر الباب هنا بدون سابق إنذار، ليه عايز تحبسه ليه عايز تأذيه وتأذينا في أسمينا وشغلنا وحياتنا، عشان شرط جزائي غنا في عقد 4 سنين كفاياك وقفت حاله".