منى زكي تشارك أنشطتها مع أبنائها في فيديو من العزل المنزلي
شاركت الفنانة منى زكي جمهورها أفكارًا جديدة لأنشطتها مع أبنائها داخل المنزل خلال أيام العزل التي يقضونها بعيدًا عن الشارع.
ونشرت منى زكي مقطع فيديو عبر حسابها على «إنستجرام» قالت فيه: «أنا عارفة إن أحنا الأيام دي كلنا قاعدين في البيت.. وكتر ناس هتحس بالكلام اللي بقوله ده أي حد عنده عيال، لو عندك عيال متبهدل ومتمرمط مش بشكل عادي، لأن قعدة البيت بتزهق الكبار فأكيد الصغيرين هيزهقوا أكتر مننا».
وتابعت منى زكي: «قعدت أفكر كتير ازاي هم يقدروا يساعدوني زي ما أنا ساعات بساعدهم في حاجات يعني، فجالي أفكار إن أنا ممكن أقولت أنا ممكن اعمل معاهم حاجات هما بيحبوها وأشاركهم في حاجاتهم.. عشان أنا كمان لما اطلب منهم حاجة وأعوزهم يساعدوا معايا في البيت يعملوها بسهولة خالص.. يلمعوا خشب بقا أو يلمعوا أرض أو يلعبوا معايا رياضة بدل ما يعملوا دوشة».
https://www.instagram.com/p/B_RvJwuhgr4/?utm_source=ig_web_copy_link
ولدى منى زكي وأحمد حلمي 3 أبناء هم: ليلي 17 سنة، سليم 6 سنوات، ويونس 4 سنوات، والذين ظهروا معها في الفيديو في نشاطات منزلية وترفيهية ورياضية بالبيت، وطالبت الفنانة منى زكي من جمهورها مشاركتها بالأنشطة التي يشاركونها مع أبنائهم في المنزل خلال أيام العزل المنزلي.
التدوينة منى زكي تشارك أنشطتها مع أبنائها في فيديو من العزل المنزلي ظهرت أولاً على نجوم إف إم.