معجب يتعدى على أحمد السقا ... شاهدوا الرد

مقالات ذات صلة

أجمل صور ياسين السقا ابن أحمد السقا شاهدوا كيف أصبح نسخة من والده

شاهدوا لحظة انفعال أحمد السقا على صحفي بسبب سؤال استفزه

أحمد فهمي مصدوم من تصرف أحمد السقا العنيف معه: شاهدوا ما حدث بينهما

نشر الفنان أحمد السقا صورة له على صفحته الرسمية على موقع التواصل الاجتماعي فيسبوك وهو يركب حصان، وكتب السقا تعليقاً على الصورة يقول فيه:

"لو كل واحد بص لذاته.....
ورضى با أربعه وعشرين قراطه......
و فكه ماللى ف ايد غيره
واتمناله من قلبه يديله خيره....
هايعيش ملك ملوك الرضا.......
يفهم يعنى إيه الطعم الحلو....! لما يملى حياته.....
ده لو بص لذاته؟".

شاهد أيضاً: خاص ليالينا: حقيقة انفصال أحمد السقا عن زوجته مها الصغير

لكن جاء أول تعليق على الصورة من قبل أحد المعجبين لأحمد السقا يهاجمه فيها حيث كتب المعجب " مهو حضرتك راكب حصانك قاعد في فيلتك بتبلطط في حمام سباحتك أجرك بتاخده بالآلاف راكب عربيتك الفارهة
لازم طبعا تتكلم عن الرضا والقناعة إنما لو انت محشور في ميكروباص ولا اتوبيس والمياه إللي بتشربها لونها أصفر إللي بتشربها مش إللي بتستحمي بيها وده لو لاقيتها كمان ومش لاقي شغل مع إنك قدمت في عشروميت وظيفة وطرقت يجي عشروميت ألف باب ومفيش فايدة ومش لاقي حتة تسكن فيها ولا نايم على الرصيف من غير غطا مكنتش قلت البوقين دول
روح يا عم روح".

ويبدو أن أحمد السقا لم يرضى بهذا الكلام مما دفعه للرد عليه حيث أجابه:

"يا أستاذ عبد الرحمن..بعد التحيه...أنا باشتغل وأنا عندي ١٦ سنه بدأت كومبارس وربنا شاء إني أخش الأكاديميه وجتلي الفرصة وأنا ف تالتة جامعة مع الأستاذ أسامه أنور عكاشة ومسكت وراعيت ربنا فيها ولو حضرتك متابع هتتأكد من كلامي وشقيت وربنا الأعلم اللي الواحد شافه وأنت مابلومش على وجهة نظرك لأن السبب فيها مش حضرتك السبب فيها اللي بعض المستسهلين من أبناء مهنتي اللي خللوا الناس تظن إن إحنا بنروح نهزر وناخد فلوس ونركب عربيات ومعلومة لحضرتك أن فلوس أي عمل دي مش داخله جيبي دي رايحة لمنتج صرف فلوس علشان يعمل حاجه على الأقل تمتع الناس ده غير إنها فاتحة بيوت كتير من أول العامل اللي بيشيل المعدات والراجل اللي بيقعدك ف السينما وبتاع الفشار لغاية المنتج اللي بيدفع خمسين الميه ضرايب والممثلين اللي بيدفعوا خمسة وعشرين الميه ضرايب علشان الناس والبلد ومن غير محاضرات يا سيدى الفاضل هانفترض إن كلامك صح...توافق تاخد كل ما أملك واخد كل ما تملك بشرط أو رجاء ..تدينى عليهم عينك اليمين اللي بتشوف بيها وتاخد عيني اليمين..؟تدينى أبوك بدل أبويا اللي واحشنى ؟تبقى مسؤول ع تلاتين أسرة هتتحاسب عليهم يوم اللقاء...سيدي الفاضل ليس عتاب مني أو تأنيب ولكن توضيح وصدقني كأخ راجع نفسك في تقييم الأمور وأشكرك على الحسنات اللى إدتهالي من تجريحك فيه ولو إني مسامحك...تحياتي".

شاهد المزيد:

صور أحمد السقا وتشافي هرنانديز في إسبانيا يعلنان إنطلاقة الحلم

فيديو أحمد السقا يلعب كرة قدم في شوارع هولندا

أحمد السقا يدخل عالم الرياضة وأول تحدياته مع البرشلوني تشافي هيرنانديز