محسن جابر يكشف دوره في تفوق عمرو دياب على محمد منير
كشف محسن جابر عن الكثير من الأسرار التي جعلته من أهم المنتجين، ومن بينها حيلته ليتفوق عمرو دياب على محمد منير في فترة من الفترات. وبكى محسن جابر عند الحديث عن رحلته للحفاظ على التراث المصري، ومنع بيع الكثير من الأفلام، معبراً عن حزنه العميق لما تعرض له من اتهامات وهجوم.
فيديو ذات صلة
This browser does not support the video element.
محسن جابر: معظم المطربين ليس لديهم ذكاء فني!
تطرق محسن جابر للحديث عن تصريحه بأن 90% من المطربين ليس لديهم ذكاء، رد محسن جابر: "نعم هناك مطربين كذلك لكن ليس بهذه النسبة، فيه نسبة كبيرة معندهاش ذكاء فني، فأنا أعترض على نفسي طبعاً لو قولت كدة.. أرجع في كلامي، اللي عنده صوت ما استمرش فتأكدي إن فيه نسبة ذكاء مفقودة".
وعن عدم استطاعة إيهاب توفيق وحميد الشاعري استكمال مسيرتهم مثل عمرو دياب قال محسن جابر: "في فترة من الفترات المنتج عليه عامل كبير أنا أول ما ابتديت ع محمد فؤاد وعمرو دياب كانوا ماشيين تاتا تاتا، وفيه تفاصيل كتير منها دخول الفنان، هالة دخول الفنان.. نزول الألبوم في السوق".
كيف نجح في أن يتفوق عمرو دياب على محمد منير
وأضاف: "زمان الكينج محمد منير مكانش معايا بس وأنا نازل كان السوق بيقول ماتنزلوش بعمرو دياب علشان الكينج نازل يوم الاتنين، طيب أنا كمنتج، استنى محمد منير بعمرو دياب ولا محمد منير يستناني؟".فقولت يا جماعة عمرو دياب نازل يوم الأربع، كان سعر الشريط ١٠ جنيه، اللي عاوز لازم يعمل حجز، فسحبت من السوق الفلوس للستوكات".
وأضاف: "لما محمد منير جه يطلع مالقوش فلوس، فيوم الحد كلعت إشاعة قولت السعر هيغلى، فاللي عاوز بالسعر القديم يحجز، فالفلوس جاتلي فعمرو دياب اكتسح.. هنا أنا أخذت وش السوق في المنافسة، فالسوق بقى يعمل لي حساب في المنافسة.. فالفنانين بقوا يقولوا محسن جابر نازل.. ده راجل عنده خطة تسويقية فخلي بالك".
رفض محسن جابر منع مطربي المهرجانات
وعن تعليقه عن مطربي المهرجانات ورفضه قطع أرزاقهم قال المنتج محسن جابر: "نعم أنا ضد ذلك.. وماينفعش السوق كله يكون مهرجانات ساعتها ده هيكون عيب في الإنتاج.. لكن ليه المهرجانات بقت هي الصفة السائدة في فترة من الفترات؟ لأن الطرب الكلاسيكي نسبته قلت.. فده بيغطي على الشكل العام".
وتابع: "المهرجانات نوع من أنواع الفن.. اللحن عمره ما نقدر نقول لحن مسف أو هابط ولحن لأ.. دي مزيكا.. العيب في الكلام، هنا أنا أقول ستوب، حتى ستوب على ولادي لو هينتجوا ده.. لأن هنا هندخل في تقييم ونتكلم صحيح، فالمهرجانات فن، قوّمه وأعمل وقفة لو حد غنى أغنية فيها كلام مسف، إنما ماتقولش مفيش مهرجانات على الساحة ده نوع من أنواع الفن".
وعن قرار هاني شاكر: "نقابة الموسيقيين ده بيت الفن.. ماينفعش تمنع حد من الغنا، اجمعهم وحط معايير، زي ما مصطفى كامل عمل.. الناس دي لها رزقوفاتحين بيوت.. وعلشان كدة كنت بناشد هاني شاكر وقتها وبقول لا بلاش".
بكاء محسن جابر بسبب أزمة التراث المصري
حكى محسن جابر لأول مرة رحلته للحفاظ على التراث المصري قائلاً: "كنت في إحدى الشركات الكبيرة اللي باعت تراث الأفلام، كنت انا الوحيد اللي رافض، وعملت محضر بأن تراث مصر بيتباع وعملت مشكلة كبيرة، كلهم رجال أعمال في مصر، وباعوني.. أنا كنت دخلت في الشركة ونقلت شركتي جوة شركتهم وباعوا كل ده لشركة خليجية وطلعت من الشركة الخليجية دي بأعجوبة، وده سبب إن أنا حصلت على كل تراثنا.. فنقول النهاردة محسن استولى على التراث! لا أنا حافظت على التراث للدولة، لكن مين حيجيب التراث اللي راحت للمنطقة الخليجية؟ إشمعنى أنا.. ليه الكل النهاردة بيقطع في محسن جابر".
وأضاف: "أصعب فترة من فترات حياتي اللي بتصارع مع نفسي.. هل أنا ندمان ولا أنا كنت صح.. هيعدي الوقت وبعدين هيقولوا محسن جابر حافظ على التراث.. محدش مقدر كله فاكر إن محسن استحوذ على التراث وبيتمتع لوحده مش فاكرين إن أنا أخذت التراث ونضفته كجودة، ونقيته في إحدى الدول الأوروبية علشان يرجع يتعامل تاني".
ولم يتمالك محسن جابر دموعه عند الحديث عما تعرض لها الأعوام الأخيرة الماضية قائلاً: "أنا تعبت علشان التراث ده، ماتعبتش في مشوار حياتي قد السنتين اللي في الآخر دول.. يصعب عليا نفسي الحقيقة، بس اللي بيحصل الأيام دي مش منطقي".
شاهدي أيضاً: ريهام حجاج تتحدث عن محاولات اغتيالها بسبب زواجها