محسن جابر عن موقفه من الحفاظ على التراث المصري: نفسي اتكسرت

مقالات ذات صلة

كيفية الحفاظ على الهدوء النفسي

عمرو مصطفى يقاضي محسن جابر بعد أزمة أغنية أم كلثوم

محسن جابر يقاضي مطربة اسرائيلية بسبب غنائها لفريد الأطرش

أبكى المنتج، محسن جابر، القلوب برسالة مؤثرة للموسيقار الراحل، عمار الشريعي، كما كشف المنتج القدير، عما يتعرض له بسبب أزمة الحفاظ على التراث المصري وموقفه الثابت تجاهها.

وقال المنتج القدير معبراً عن حزنه؛ بسبب ما يتعرض له لإصراره على الحفاظ على التراث المصري: "نفسي اتكسرت"، في إشارة إلى ما يتعرض له من ضغوط كبيرة وتحديات بسبب موقفه.

رسالة مؤثرة من محسن جابر لعمار الشريعي

وفي رسالة مؤثرة لصديق عمره، عمار الشريعي، قال محسن جابر: "وحشتني يا عمار.. وحشني تليفونك كل يوم الصبح الساعة 10 علشان تعرف أخبار البلد إيه.. وحشني إنك كنت سند وفي ضهري وحشني ضحكتك ومهارتك وأنت بتعمل مكساج لأصعب الأغاني.. وحشني قعدتك ووحشني شلتك.. وحشني ريحة بيتك.. وحشتني أوي يا عمار.. بحبك وربنا يرحمك.. أنتم السابقون ونحن اللاحقون.. كانت حياتي لو عمار موجود كنت هحس إن فيه سند كبير في ضهري.. طول عمره كان سند كبير في ضهري.. كان فنان كبير أوي وكان عبقري عصره.. ألف رحمة تنزل عليه".

رسالة محسن جابر لعمرو مصطفى

وقال محسن جابر في رسالة مؤثرة لعمرو مصطفى: "العيا مالوش كبير، كلنا مرينا بظروف مرض. وعمرو مصطفى  بعد الأزمة الي بينا  كلمني واعتذر وقالي أي حاجة أنا أعملهالك وأكتبلك بوست في أي حتة، اعتبر إن ليك ابن مجنون.. محمد رحيم مثلا كنت حاسس إن حتة من اسمي بتروح، كان اسم على مسمى، إنسان جميل وذكي، وعمرو مصطفى فعلاً ليه في قلبي نفس القصة أنا فعلاً بحبه.. أتمنى ليك الشفا وأنا بحبك أوي ربنا يكرمك.. وخد بالك من ولادي".

معاناة محسن جابر بسبب حفاظه على التراث المصري

ولم يكشف محسن جابر عن تفاصيل رحلته للحفاظ على التراث المصري، إلا أنه تحدث عن الكثير من العناوين البارزة قائلاً: "مش عايز أعيش اليومين اللي أنا فيهم دلوقتي دول، أنا ممكن أعيش حمل جبال لكن لا أحب أن أنهي حياتي بشكل درامي، اللي بيحصل فيا دلوقتي أنا مش متقبله.. مشاكل علشان التراث المصري.. وبقول إن يد العدالة فوق الجميع وربنا فوق الجميع". 

وأضاف المنتج الشهير: "أصعب قرار ممكن أخده إن ماكنتش عايز أتحط في الوقت ده وبناء عليه قررت أطلع برة الوسط الفني تماماً.. ده آخر برنامج ممكن أسجله في حياتي.. تعبت! عدالة مصر فوق الجميع وأثق في قضاء مصر لأنه نصرني على مدار عشرات القضايا، ولم آخذ أي خطوة ضد أي حد خطأ وعارف إن ربنا هيكرمني، حتى لو كان في حاجة لم ارتكبها خطأ على الإطلاق.. لكن لا أريد أن أتصور بأن أنهي حياتي بالشكل اللي أنا عملته، أنا عملت كل اللي يخدم مصر من أول الخليج للمغرب، كل الأغاني على كل الإذاعات من صناعة العبد لله.. الشركات المصرية أنا اللي اشتريتها وخليتها على أرض مصر". 

وتابع: "الصراع على التراث المصري، وتراث أم كلثوم كانوا بيبيعوه وأنا قدرت بعلاقاتي أتدخل واشتريت.. وأثق في العدالة جدا زي ما قولت.. محدش عارف المشكلة اللي أنا فيها لكن ربنا كبير ما ظلمتش حد ولا تعديت على حد.. وعارف إن أوراقي كلها سليمة وعلشان كدة بقول نفسي اتكسرت".

أمنية محسن جابر الإنتاج لشيرين عبدالوهاب

وعن تصريحه بنيته العودة للساحة مرة أخرى والإنتاج لشيرين قال محسن جابر: "شيرين صوت أنا بحبه، ولم أنتج له قبل ذلك.. اتنين لم أنتج لهم على المسوى العربي، فيروز وشيرين عبدالوهاب.. ودول كنت اتمنى إني أختم حياتي ليهم.. كان ليها ظروف مع الشركة المنتجة لها.. هي ما زالت حبيبتي ومن الأصوات المحببة لقلبي وأتمنى نعمل شغل حلو مع بعض لأني مستخسر شيرين، شيرين ممكن تكون خليفة أم كلثوم".