لأول مرة: تامر حسني يجتمع مع محمود العسيلي والأخير يفاجئه بقصة
كشف الفنان تامر حسني عن عمل فني يجمعه، لأول مرة، مع الفنان محمود العسيلي، حيث سيظهر النجمان في كليب أغنية اختراع، والتي ستكشف عن صداقتهما.
وكتب الفنان تامر حسني في حسابه الشخصي: "حبيبي و اخويا النجم الكبير محمود العسيلي نورت الأغنيه يا فناااااان يا عسل يا صديق العُمر بس محدش يعرف.. اتشرفت بيك يا حبيبي و ان شاء الله نضيف نجاح جديد لينا انا وانت و بجد صداقة عُمر كانت متشاله و ظهرت في الكليب ، عملنا مجهود ان شاء الله يعجبكم و يليق بيك أجمهور أعسل انت".
تامر حسني والعسيلي
من جانبه نشر محمود العسيلي البوستر الدعائي لكليب أغنيته الجديدة، وكشف عن موقف منذ سنوات فاجأ به تامر حسني، حيث كتب على الصورة: "، حتى تامر مكانش مجمع ان الشخص دا انا لحد ما فكرته و مات مالضحك.. كنا في مدرسه واحده انا و تامر وانا كنت في سنه خامسه ابتدائي و تامر كان التلميذ اللي مسؤل عن عروض حفلات التخرج و كان هيغني و يعمل عرض استعراضي كبير و جابوله ٤ اصوات عشان يختار منهم حد يغني معاه بس كنا بنغني انجليزي و اخترني انا عشان اشارك في العرض و كنت فرحان اوي ، الفكره من الموقف ان تامر نفس الشخص و نفس القلب اللي قابلته من ايام المدرسه لحد دلوقتي و عايز اقوله اني انا برضه فرحان نفس الفرحه و متشرف بإختيارك ليا لمشاركتك الأغنيه العسل دي و إحنا كبار و محققين احلامنا بالمناسبه انت بجد مخرج جامد يا تيمو.. يارب الأغنيه تعجبكم".