قصائد خالد الفيصل
الأمير خالد بن فيصل بن عبد العزيز آل سعود، ترأس العديد من المناصب المختلفة، كما يعرف بأنه شاعر وأديب وفنان، له مساهمات شعرية وثقافية متنوعة، صدرت له العديد من الدواوين أولها ديوان شعري شعبي بعنوان قصائد نبطية وضم نحو مائة قصيدة، كما ترجمت أشعاره وقصائده للعديد من اللغات المختلفة. [1]
فيديو ذات صلة
This browser does not support the video element.
قصيدة استكثرك
استكثرك وقتي علي و غدا بك
عادة زماني كلما طاب هــون
ليت الذي وداك يازين جابك
تشوف عقبك كيف الايام سون
شرق مشيت و غرب وقتي مشى بك
والقلب ماله لايم فيك لو ون
عقب الهنا بك ذاق لوعة عذابك
تلـونت دنيــاه ولا تلــون
طويتني طي الورق في كتابك
حتى معاليق الحشا لك تطون
اشتقت لايام الهوى في جنابك
يوم الشموع بليل الاحباب ضون
واشتقت اقول لهاتفك مرحبا بك
واشتقت لغيوم الصحاري تكون
عود ترى داعي الهوى عند بابك
وارو القلوب اللي بعد ما ترون
غنيت لك عمري ولا جا جوابك
واسمي مع مجنون ليلى تدون [2]
قصيدة بنات الريح
من بنات الريح لي صفرا جفول
كنها ظبي الفلا بجفالها
منوة الخيال عساف الخيول
زينها في دقها وجلالها
زينها ما شفت وصفه بالمثول
الله اللي بالجمال اصخى لها
تستذير كحيلتى من كل زول
ما يصخرها سوى خيالها
اذكر الله كل ما قامت تجول
و احمد الله خصنى بحبالها
كنها تمشي على قرع الطبول
فتنى اللي خافقه يبرى لها
ظافي القصه على الطرف الخجول
تنكسر شمس العصر بظلالها
وصفها وصف السحاب اللي يحول
كل عين تستخيل خيالها
او كما طاري على الخاطر عجول
صاحبه حقيقته ما طالها
كل رجل في حياته له ميول
والهوايه تمتلك رجالها [3]
قصيدة ليالي النجد
ليالي نجد مامثلِك ليالي
غلاك أوَّل وزاد الحب غالي
ليالي نجد لِلمحبوب طيبي
أمانه نور عيني ياليالي
حبيبي ولى ذِكرت إنَّه حبيبي
دريت إنَّي حظيظ وزان بالي
على شانه تهاونت المصاعب
أذوق المر لأجل رضاه حالي
وإلى مِن الزِّمان إشتد حـرَّه
لقيت بقرب مظنوني ظلالي
عفا الله عنه مما جاني أوَّل
غسل حبَّه جميع الهم تالي [4]
قصيدة يا وش بقى
يا وش بقى باعطيك مني ولا جاك
ماباقي الا روحي أحيا بها لك
أوصف جمالك كل ما انشدت و اهواك
و ازين أيامي بجلسة خيالك
يا الغايب الحاضر بقلبي و لا القاك
أقرب من عروقي و صعب منالك
شالك زماني عن عيوني و وداك
لا شك وثق في ضلوعي حبالك
يا حاجب شمسي ورا ليل جفواك
ما بالعهد بك قاسي في دلالك
وش غيرك يا منوة القلب و اطغاك
على حبيب ما تخير بدالك
دنياي ما تصلح بلا شمس دنياك
و الليل يوحش لو تغير هلالك
ما ينقطع ظما الهوى إلا على ماك
ولا يهون حره إلا ظلالك
ولا تشوف العين زين بلياك
ولا يطرب سمعي إلا مجالك
ولا انتفض قلبي من الحب لولاك
ولولاك ما يبدي علي ما بدالك [5]
قصيدة الذكرى
في غير الزّمان في نفس المكان
مَرّتني الذّكرَى وانا واقف
في نفس المكان في غير الزّمان
في ذا ضحكت أيّام لكنّي بكيت
في ذا حلمت أحلام لكنّي صحيت
ومنها ابتديت وفيها انتهيت
إلاّ من الذّكرَى
في نفس المكان في غير الزّمان
قالت لي الذّكرَى كلام عنّي كلام واللّه بغيت أنساه
وصاحت ربابة شوق واثر النّغم منّي.. يشكي وانا شكواه
وغنَّى صوت في ليلة فرح وهلّت عين وقلب انجرح
في صوتها جرح وتعب وفي عيونها نظرة عتب
وشفت ابتسامه عليها هلّت الدمعه
ونظرة ملامه من الماضي علَى ربعه
وانا مع الذّكرَى
في نفس المكان في غير الزّمان
تعطيني الذّكرَى ولا تأخذ أبد
تحكي لي الذّكرَى ولا تسمع لاحد
وانا عندي كلام ممنوع حتّى عن الخاطر
لا ياخذه أمسي ولا يقبله باكر
مااقدر أوضّح غايم الصّوره
ولا أزوّد للمسا نوره
الله ياذكرَى ياما فهمتيني خطا
ياما قدم رجلي علَى جمرك وطا
واليوم هيّضني هواي اشكي ولا ادري وش بلاي
هو من شقاي إللّي مضَى والاّ هناي
وانا مع الذّكرَى
في نفس المكان في غير الزمّان [6]
قصيدة كل ما نسنس
كلما نسنس من الغربي هبوب
حمل النسمة سلام
وان لمحت سهيل في عرض الجنوب
عانق رموز الغرام
لك حبيب ما نسا
كلمته دايم عسى
اطلب الله وارتجيه
صبح يومي والمسا
كل زين اشاهده وانتم بعيد
منوتي ليتك معي
وان سهرت الليل اهوجس بك واعيد
هل لاجلك مدمعي
وانت هاجس خاطري
وانت فرحة ناظري
يا قريب ويا بعيد
فيك امس وحاضري
نشوتك تلعب مع قطر المطر
وانتشى قطره معك
والسحاب يطاردك بين الشجر
خالق الزين ابدعك
الندى في وجنتك
صار عطر بلمستك
والهوى غنى طرب
تستثيره بسمتك
كلما ضمت عيوني منك طيف
يا بعد كل الطيوف
قلت ما مثلك على الدنيا وصيف
لا حشا مالك وصوف
لا سحاب ولا مطر
لا نسيم ولا زهر
لا طيور ولا زهر
ولا مع باقي البشر [7]