غادة عبد الرازق باكية: انشغلت عن بنتي بالفلوس وأدهم النابلسي حر
- تاريخ النشر: الخميس، 23 ديسمبر 2021
حلت الفنانة غادة عبد الرازق ضيفة في برنامج صدى الملاعب الذي يقدمه الإعلامي مصطفى الآغا عبر قناة MBC1 والذي كشفت فيه بعض من جوانب حياتها الشخصية وآرائها.
غادة عبد الرازق تكشف تأثير الفن على حياتها
وكشفت غادة عبدالرازق مجموعة من الصعوبات التي مرت بها في حياتها، ولا تزال تتأثر بها ولا تستطيع التخلص من ذلك التأثير.
قالت غادة عبد الرازق: "لأول مرة في حياتي أبوح إن الحاجات اللي حصلتلي قبل التمثيل أثرت على شخصيتي كتير بشكل أذاني، لكن اكتشفت إنه كان غصب عني، وأكيد في حاجات شرختني."
وأضافت: "في حاجات كتير أثرت عليا من صغري، وفاة والدي وأنا صغيرة، وأمي سابتني في وقت كنت محتاجة لها فيه، وإني مهتمتش ببنتي روتانا لما كانت محتاجاني، وللأسف انشغلت عنها بالشهرة والنجومية والفلوس، ومش عارفة أغير ده دلوقتي."
وتابعت غادة عبد الرازق:"مفيش حد بينسى حاجة، وبتفضل مأثرة فيك طول العمر، ولو حاولت تعالجها بدوا أو دكتور بتعالج 10% مش أكتر".
وفي رسالتها للسنة المقبلة قالت: "معنديش أمل تبقى أفضل من 2021، بس أتمنى ربنا يخفف الضغط عني شوية، أنا خلاص بقيت مستوية ومش قادرة".
غادة عبد الرازق توضح رأيها في اعتزال أدهم النابلسي
كما كشفت الفنانة عن رأيها في الجدل حول اعتزال المطرب الأردني أدهم النابلسي، بعد إعلانه اعتزال الفن من خلال فيديو نشره مؤخرا.
أوضحت غادة عبد الرازق أنها تنزعج من تدخل الناس في حياتها بسبب ما تنشره على حساباتها في مواقع التواصل الاجتماعي، مؤكدة أنها تفعل ما يرضي ضميرها.
وأوضحت غادة قائلة:"أنا مش فاهمة ليه كل الضجة دي. يا جماعة متحكموش على الناس، هو أكتر واحد حاسس باللي بينه وبين قلبه وربه، هو مش مرتاح سيبوه".
وأضافت: "زي ما بتطالبوا إن محدش ليه دخل في دينك ولا لبسك ولا لون شعرك، إحنا كمان ملناش دخل هو عايز يسيب الفن أو مش عايز يسيبه، ده شيء يخصه".
وتابعت: "متحكموش على حد، إنتم متعرفوش إيه اللي جوا البني آدم، هو حر في حياته".
وأوضحت غادة عبد الرازق أنها فكرت في الابتعاد عن الفن قائلة: "أنا من 12 سنة كنت عايزة ألتزم دينيا وأتحجب وأبعد، ومن أربع سنين من كتر ما إتخنقت كنت عايزة أهج منهم".