شيرين تتألق في أول ظهور بعد أزمتها الأخيرة وتشوق الجمهور
خطفت الفنانة شيرين عبد الوهاب قلوب محبيها بأحدث ظهور لها عبر حسابها الشخصي على منصة إكس، حيث نشرت الفنانة الشهيرة صورة جديدة مشوقة الجمهور لعدد من الأعمال الفنية المنتظرة التي ستطرحها قريباً.
واكتفت شيرين في تعليقها بكتابة كلمة "قريباً" دون الكشف عن أي تفاصيل أو موعد طرح أغانيها الجديدة، خاصة في ظل الأزمات التي تعيشها الفترة الحالية بينها وبين طليقها حسام حبيب وشقيقها من ناحية وأزمتها مع شركة روتانا من ناحية أخرى.
شيرين عبدالوهاب
وظهرت شيرين عبدالوهاب بإطلالة أنيقة اعتمدت فيها على الجينز والشعر القصير، ومكياج ناسب ملامحها، وتفاعل الجمهور معها في الكثير من التعليقات التي دعموها بها وعبروا من خلالها عن حبهم الشديد لها وتشوقهم لأعمال فنية جديدة.ش
شاهدي أيضاً: شيرين عبدالوهاب تستغيث: انقذوني من حسام حبيب
وكتب متابعون في تعليقهم على صورة شيرين عبدالوهاب: "في انتظار اغانيكى وشغلك إلى بيكسر الدنيا مش عاوزين نسمع غير صوتك الى بيغنى ويملي الدنيا غناءو أخبار شغلك مش أي حاجة تانية ياقلبى ربنا يحفظك من كل شر وسوء يا رب العالمين". "منورة يا ستي الله يحميكي ويبعد عنك كل شر يا رب ولا انتي قطعة مننا بنخاف عليكي كأنك من أهلنا حافظي على نفسك، وعلى صلاواتك روحي الله معك".
كما جاء في التعليقات الكثير من النصائح التي قدمها محبو شيرين لها ومن بينها: "شيرين يا ريت تشوفي مدير أعمال شاطر وعايز يشتغل بجد معاكي علشان يساعدك ويحاول يحل معاكي المشاكل دي كلها، خصوصا مع روتانا وعلشان يخف الضغط عليكي شويهأوو ترجعي لياسر خليل كانت أحسن فترة ليكي ومعلش حاولي تصلحين علاقاتك بالناس اللي الحيلة الدلوعة كان سبباً في قطعها ربنا معاكي".
وشهدت التعليقات مظاهرات حب لشيرين في تعليقات عبرت عن سعادة أصحابها باستعداد شيرين للعودة من جديد، ومن بين التعليقات: "تعرفي انتي قد ايه مهمة وغالية علينا، ومهما تغيبي عننا عمرك ما بتغيبي عن بالنا وقلوبنا ودايما مستنينك ترجعي تفرحينا بوجودك وظهورك، وأن أهم حاجة عندنا ان بس نشوفك مبسوطة ومرتاحة". "شيرين حبيبتي راح اقولك كلمتين أرجوك حطيها حلق فوذنك مهما تكالبت عليك الأيام، ومهما واجهتي من دروبات في حياتك تبقين أنتي شيرين الأقوى شايفه كل شي بوضوح نصيحتي لك أنه مهما راح تعاني فحياتك فانتي قويه وتقدري على تخطي كل الصعاب ويا جبل ما يهزك ريح انتي قوية واحنا معاك مراح نسيبك. أحبك".
أزمة شيرين عبدالوهاب الأخيرة
وتعد الصورة هي أول ظهور لشيرين عبدالوهاب بعد أزمتها الأخيرة، حيث أحدثت الفنانة الشهيرة ضجة من خلال استغاثتها التي طالبت فيها الحماية من طليقها، حسام حبيب، واتهمته بسرقة أموالها والتعامل بطريقة غريبة مع ابنتها. وهي الاستغاثة التي أغضبت حسام حبيب، ودفعته للرد عليها خلال تصريح لموقع إيه تي بالعربي قال فيه: "مش عارف أقول إيه عن اللي بيحصل، لكن أنا والله العظيم أنا بريء من اللي بيحصل، كل ده لأنها بتحاول تتصل بيا طول الوقت وأنا مش برد علشان هي عاوزة ترجع".
ودافع حسام حبيب عن نفسه ضد اتهام شيرين عبدالوهاب له بأنه سرق أموالها قائلاً: "الورقة اللي شيرين بتقول فيها أنها حولت ليا مبلغ مالي، مكتوب فيها غرض التحويل لزوج، هل أنا زوجها؟ ولو هي عاوزة تدلعني بالمبلغ ده زي ما بتقول فكدة هي في حاجة كذبت فيها يا إما كذبت على الجمهور لما قالت اتطلقنا يا إما كذبت على البنك لما قالت إني جوزها".
وقال حسام حبيب إن شيرين عبدالوهاب تطارده بالاتصالات من أجل عودة علاقتهما وهو ما دفعه لعمل "بلوك" لها على الهاتف الخاص به مضيفاً: "أنا مش عايز أرجع مش بالعافية هي، وأنا اللي في سجن وعايز أتحرر منه، أنا اللي تعبت وأستحملت إهانات بقالي سنين على حاجات محصلتش، وهكشف كل حاجة للناس هي اللي اضطرتني والحقيقة إن أنا اللي يستنجد بالناس وبقولهم نجمتكم الكبيرة اللي بتحبوها من سنين كتيرة، عايز أبعد عنها ومش عارف، أتصرف إزاي وأستنجد بمين، وأنا بدعي ربنا قدامكم أهو يا رب عايز أبعد عنها يا رب ومش عارف أعمل إيه".
حسام حبيب يهدد شيرين بالسجن وعبر حسام حبيب عن معاناته مع شيرين عبدالوهاب خلال السنوات الماضية قائلاً: "أنا تعبت بجد وسنين من الظلم والإهانة وبسكت ومبردش، وكل الكلام اللي كانت بتقوله غلط كله، هو في حد يكون ضارباً حد وفتح له دماغه، ويعتذر له عادي، وقبلها كنت حالق شعرها، وتعتذر لي عادي، ويرجع له تاني، هو حاجة اسمها كدا، بتقول عشان بهددها!! بهددها بأية دا اللي هي قالته للناس أقوى من أي تهديد". وأكد حسام حبيب على أنه سيسجن شيرين عبدالوهاب وسيتجه للرد عليها بالقانون.