شرط جزائي يهدد حياة محمد رشاد وزوجته تبكي في فيديو وتكشف التفاصيل
يواجه الفنان محمد رشاد، نجم برنامج أراب أيدول، أزمة كبيرة بسبب شرط جزائي، وضعه في مأزق كبير، ونشرت زو[جته الإعلامية مي حلمي فيديو ظهرت فيه وهي تبكي وتكشف تعرضهما للتهديد بالحجز على منزلهما.
وقالت مي حلمي في الفيديو: "لما تصحى من النوم من غير أي سابق إنذار، وتلاقي حد عايز يحجز على بيتك ويدمر اسمك وحياتك هتعمل إيه، أنا بدعم جوزي وبقول كفاية وقف حال فينا بقى، فيه قضية وعشان العقد وحاجة تبع شغل محمد رشاد في الغنا والمبلغ كان 5 مليون وفضل المبلغ يطلع وينزل وأنا معرفش بقى كام".
وأضافت: "فيه ناس هدفها في الحياة إنها تأذي وبس، وعايز يأذي رشاد، ده واحد لسه بيبتدي حياته ده 30 سنة، حاول يكلم ناس كتير ويقسط المبلغ وده كل اللي همه أنه يشوف البني آدم الطيب ده محبوس، ليه هخبي حاجة زي دي النهاردة وانتوا شوفتوا بدايتنا مع بعض وحبنا خناقتنا وكل حاجة، تخيلي تصحي من النوم في بيتك اللي انتي تعبتي عشان تبنيه.. عايز تدخل تاخد اللي في البيت خده، بس سيبنا في حالنا".
وكشفت مي حلمي في الفيديو وهي تبكي، إن الشخص الذي يهددهما لم يقف فقط عند مطاردة رشاد، وإنما استخدم علاقاته لمنعها من العمل هي الأخرى قائلة: "كفاية وقف حاله فيه وفيا، وأنا مكنتش أعرف، بسبب علاقاتك وأصحابك بتكلم فلان إني مشتغلش تعالى خد اللي انت عايزه بس سيبنا في حالنا، لما انت كارهه مضيت معاه ليه، مالك ومال شغلي مالك ومال حياتي، هو يا جماعة عايز ينفذ حكم على رشاد بسبب الغنا، رشاد عنوانه في طنطا مالك ومال بيتي أنا! جه عايز يكسر الباب هنا بدون سابق إنذار، ليه عايز تحبسه ليه عايز تأذيه وتأذينا في أسمينا وشغلنا وحياتنا، عشان شرط جزائي غنا في عقد 4 سنين كفاياك وقفت حاله".
شاهدي أيضاً: مي حلمي تعنف معجبة تحدثت عن حملها بطريقة صادمة!
زوجة محمد رشاد
وعلقت مي حلمي، زوجة محمد رشاد، على الفيديو قائلة: "بدعم جوزي وبقول كفايه وقف حال فينا.. انا بدعم جوزي محمد رشاد لما تصحي من النوم دون سابق انذاز تلاقي حد عاوز يحجز علي بيتك ويدمر اسمك وحياتك هتعملو ايه عملك ايه عشان الكره ده سيبنا في حالنا وابعد عن شغلنا ومش هسيب حقنا".
This browser does not support the video element.