شاهد أول تعليق من ابنة شريف منير على سخرية النشطاء من شكل أنفها الكبير
يبدو أن أسما ابنة الفنان شريف منير قد ضاقت ذرعاً بالتعليقات الساخرة من جانب بعض النشطاء على شكل أنفها الكبير بعد انتشار صور خطوبتها على الممثل محمود حجازي.
شاهدي أيضاً: فيديو تعرفوا على شروط شريف منير لزواج ابنته من محمود حجازي
فقد استغلت أسما شريف منير حسابها الخاص عبر تطبيق انستقرام، ووجهت من خلاله رسالة طويلة إلى منتقديها، قالت فيها: "أنا مناخيري كبيرة آه و ربنا شايف كده و خالقني كده و قالي كمان انه خلقني في أحسن تقويم، أتولد و كبرت و اهلي برضة شايفني كده قوم أيه الواحد يطلع في الدنيا مصدق انه تمام يجي بقي الواقع يضربه علي مناخيره و فجًّاة تصدق الناس و تتكسف من عيوبك و تفقد الثقة في نفسك.."
وأكملت أسما شريف منير: "كتير بسبب ان مناخيري كبيرة كنت بفقد الثقة بنفسي و كنت باقول لاهلي أني عايزه أعمل فيها عمليه بس ديماً كنت بخاف اعملها، و بعدين لما اتعلمت الميكاب و بذات الكنتور عرفت أصغرها بالميكب و ده زودلي الثقة شوية و بعدين اتعلمت أصغرها في الادتنج انشكحت اكتر، عشان الناس عنيفة في رايها فا ساعات بيهزني و بتروضني فكرة العمليه" .
وقالت ابنة شريف منير في رسالتها للمنتقدين أيضاً: "لحد ما قررت أني أتصالح مع فكرة ان منخايري كبيرة ..لقتها ليقة علي وشي، ربنا شفها حلوة كده و اداني حاجات تانية حلوه في وشي... و فجاه حصلي حالة تفكير و افتكرت إني مش كاملة و إن عيوبي جزء مني و المفروض اني اتعلَّم احبها عشان مش الاسهل اني اغيرها، تخيلت لو جالي لوحة من پيكاسو مثلاً هديه حتا لو معقده و فيها جزء مش عجبني مش هجيب فرشه و ألوان و اعدل عليها ، محدش هيعمل كده طب أيه بقي.. انا لسة بتعلم أحب نفسي بس بشكل صحي مش مريض و قلت لازم ابتدي في علاجها باني أتكلم عنها بكل صدق و في تصالح بس كده."