زوجة شقيق طارق العريان تدافع عن أصالة
تدخلت زوجة شقيق طارق العريان للدفاع عن المطربة السورية أصالة بعد مهاجمة طليقة العريان الأولي.
وقالت في تعليق كتبته على منشور هالة العتال: "انتي يا هالة بتكلمي على إبنك طب خلي عندك دم انتي اللي طول عمرك رمياه وضيعتيه وجايه تتهمي اللي كانت مرات ابوه".
وتابعت:" والتحريض اللي دايما كنتي بتحرضيه عليها واللي كنتي بتعمليه، نسيتي ان كنتي ناسيه افكرك".
وأضافت غادة زوجة شقيق العريان:" أصاله اول ماتجوزت طارق حاولت تصاحبك عشان خاطر عمر وانتي عملتي ايه واحده زيك بوظت نفسية ابنها وجاية دلوقتي تتكلمي".
واستمرت قائلة:" أنا مرات أخو طارق غادة فكراني وياما شوفنا منك ومن اللي بتعمليه أصالة أشرف وأحسن ست طارق اتجوزها لكن هو مالوش في الطيب نصيب".
واستطرت قائلة:" كان لازم يفضل معاكي عشان انتي زيه مش واحدة زي أصالة، لمي نفسك يا هالة واوعي تنسي نفسك وتحاولي تشهري نفسك على حساب أشرف وأطيب وأحن قلب في الدنيا اصالة".
والجدير بالذكر أن الزوجة الأولى للمخرج طارق العريان، قد هاجمت تعليق أصالة على صورة العريان وحبيبته نيكول سعفان.
وعبر حسابها بموقع التواصل الاجتماعي «فيسبوك» كتبت هالة العتال: "دي أول مرة ممكن أرد فيها، الصورة قاسية عليكي، طيب أنا لما كنت بشوف ألف صورة، وابني مش موجود فيها، يا ترى إحساسي كان إيه؟".
وتابعت:" كان أكتر من قاسي كان مقهور، طيب لما كنتي بتكتبي العيلة وابني مش موجود فيها، إحساسه هو كان إيه؟ أولادك عندهم أب، أيمن الذهبي حي يرزق، لكن ابني كان عنده أب واحد بس".
واختتتمت:" وللأسف مش هقدر أقول تفاصيل، طيب لما كنا بنحاول نتكلم كان ردك إيه، يا ترى قاسي، ولا حنون زي ما أنتي دلوقت".